“Сибирийн хүч-2” төслийн Монголд өгөх өгөөж | News.MN

“Сибирийн хүч-2” төслийн Монголд өгөх өгөөж

“Сибирийн хүч-2” төслийн Монголд өгөх өгөөж

“Сибирийн хүч-2” төслийн Монголд өгөх өгөөж

ОХУ-аас Хятад руу хий дамжуулах хоолойг Монголын нутгаар дайруулах тухай асуудал 20 гаруй жилийн турш дуншсан. Хэзээ ч бүтэшгүй мөрөөдөл, манай улсад ямар ч ашиг өгөхгүй хэмээн ярих хүн олон байв. Өдгөө Монголын нутгаар хийн хоолойг дайруулах нь тодорхой болоод буй юм.

ОХУ-ын шинжээч Ю.Барсуков өнгөрсөн онд Монгол илүү найдвартай түнш болохыг онцолж байв. Тэрбээр “Оросын хийг нутгаараа дамжуулдаг Украин, Беларусь, Польш, Гүрж, Литва зэрэг улсуудтай транзитын асуудлаар зөрчилдөөн үүсч байсан бол энэ тал дээр Монгол бол илүү найдвартай түнш” гэж тодорхойлсон юм.

Мөн Монголд хийн хоолой барих бас нэг чухал давуу талын талаар "Оросын нутгаар дайрах хийн хоолой нь эхлээд Ямалийн хойгоос Томск, дараа нь зүүн тийшээгээ Красноярск, Эрхүү, Улаан-Үдэд хүрснээр Дорнод Сибирийн том хотуудыг хийжүүлж, цаашаагаа Улаанбаатарт хүрнэ. Ингэснээр хийн хангамжийн нэгдсэн систем жинхэнэ утгаараа бүрэлдэж, Баруун Сибирь, Ямалийн хийг Европ, Хятад, Алс Дорнод руу нийлүүлэх боломж бүрдэнэ. Үүнд Монголоор дайруулах хийн хоолойн ач холбогдол оршиж байна" гэж хэлжээ.

Монголоор дайруулах маршрут нь хийг шууд Зүүн Хойд Хятадад, тухайлбал, Бээжингийн районд шууд хүргэхээс гадна тал хээрийн нутгаар дайран өнгөрөх тул хоолойг хямд өртгөөр, богино хугацаанд барих боломжтой аж. Үүний зэрэгцээ хоолойг барихдаа ТрансМонголын төмөр зам, Алтанбулаг-Эрээний автозамын дагуух бэлэн дэд бүтцийг ашиглах давуу талтай юм байна.

"Газпром" компани энэ долоо хоногт ОХУ-ын байгалийн хийг БНХАУ-д нийлүүлэх “Сибирийн хүч-2” хий дамжуулах хоолойн Монгол Улсын нутгаар дайран өнгөрөх хэсэг болох "Союз Восток" хоолойн төслийн техник эдийн засгийн судалгаа (ТЭЗС)-г батлав.

ТЭЗС-ны хүрээнд төслийн техник, технологийн үндсэн үзүүлэлтүүдийг боловсруулсан байна. Тодруулбал, Монгол Улсын нутаг дэвсгэрээр дамжин өнгөрөх илүү тохиромжтой маршрутыг тодорхойлж, түүний урт, диаметр, даралтын хүч, шахагч станцуудын тоог гаргажээ. Энэхүү төслийг хэрэгжүүлэхэд эдийн засгийн зохих үр ашгаа өгөх урьдчилсан тооцоо гарсан байна.

“Союз Восток” хий дамжуулах хоолой тавих төслийн хөрөнгө оруулалт, ашиглалтын зардлын нарийвчилсан тооцоог багтаасан техник-эдийн засгийн үндэслэлийг (ТЭЗҮ) урьд нь төлөвлөсний дагуу энэ оны эцэс гэхэд боловсруулж дуусах ажээ.

Энэхүү ТЭЗҮ-ийг 2021 оны эхээр Монгол Улсад бүртгүүлсэн, тусгай зориулалтын "Газопровод Союз Восток" тусгай зориулалтын компани боловсруулж буй. Тус компанийг "Союз Восток" хоолойн зураг төсөл-хайгуул шинжилгээ, техник эдийн засгийн үндэслэлийг боловсруулах зорилгоор байгуулжээ.

ОХУ-ын "Газпром" компани болон Монгол Улсын Засгийн газар 2019 оны арванхоёрдугаар сард харилцан ойлголцлын санамж бичигт гарын үсэг зурсан. Энэхүү санамж бичгийн хүрээнд хамтарсан ажлын хэсэг байгуулсан бөгөөд ажлын хэсгийн 2021-2022 оны үйл ажиллагааны төлөвлөгөөг 2021 оны гуравдугаар сарын 11-нд баталсан.

Баруун Сибирийн орд газруудаас Хятадын баруун бүсэд хий дамжуулах хоолойн урт 6700 орчим км бөгөөд үүний 2700 км нь ОХУ-ын нутаг дэвсгэрээр дайран өнгөрнө. Энэхүү төсөл нэлээн түвэгтэй, өртөг ихтэйг эдийн засагчид тооцоолжээ. Урьдчилсан тооцоогоор төслийн өртөг 4.5-13.6 тэрбум ам.доллар болсон байна.

Он гарснаас хойш “Сибирийн хүч-2” хий дамжуулах хоолойн Монгол Улсаар дамжин өнгөрөх маршрутаас 100-200 орчим км зайтай газар 8.7 магнитудын хүчтэй газар хөдөлжээ. Газар хөдлөлтийн өндөр идэвхжил нь төслийг хэрэгжүүлэх өртгийг нэмэгдүүлж магадгүйг шинжээчид онцолсон юм.

“Сибирийн хүч-2” хий дамжуулах хоолойн экспортын хүчин чадал "Сибирийн хүч-1” хий дамжуулах хоолойноос 1.3 гаруй дахин давж магадгүй юм байна.

Монгол Улсын хувьд газар зүйн байршлын давуу талаа ашиглан, хөрш хоёр орны хоорондын худалдаа, эдийн засгийн хамтын ажиллагааны гүүр болох замаар эдийн засгаа хурдацтай хөгжүүлэх боломж бий. Мөн БНХАУ-ын “Бүс ба Зам” санаачилга, ОХУ-ын Засгийн газраас “Евразийн эдийн засгийн холбоо”-ны хүрээнд хэрэгжүүлж буй дэд бүтцийн төслүүдтэй Монголд хэрэгжүүлэх төсөл, хөтөлбөрүүдийг уялдуулах нь бүс нутгийн эдийн засгийн интеграцид нэгдэх чухал ач холбогдолтойг эдийн засагчид онцолж буй юм.

“Сибирийн хүч-2” төслийн эдийн засгийн үр ашгийн хувьд өгүүлэхэд, хий дамжуулсны төлбөр улсын төсөвт орж ирнэ. Элчин сайд асан Л.Хангайн ярьснаар, манай улс жилдээ 38 тэрбум шоо метр хий дамжуулна гэж үзэвл нэг тэрбум орчим ам.долларын орлого олох боломжтой ба цаашдаа 50 тэрбум шоо метр хий дамжуулна гэж тооцвол дээрх тоо өсөх нь гарцаагүй юм. Транзитийн ганцхан жилийн төлбөрөөр гэр хорооллыг бүрэн газжуулж болохыг экспертүүд онцолж буй юм.

Транзит орнуудын жишээнээс дурдвал, Украин улс 2018 онд Европ руу 86 тэрбум шоо метр хий дамжуулсныхаа төлбөрт жилд 3 тэрбум ам.долларын орлого олсон бол Беларусь улс 1.6 тэрбум ам.доллар олжээ.

Оросын “Русиа Петролиум” компани “Сибирийн хүч” хий хоолойг Монголын нутгаар дамжуулах төсөл хэрэгжсэнээр хийн хоолойг барих ажлын оргил үед 3700 хүн, барьж дууссаны дараа 1300 гаруй хүн ажлын байртай болно гэсэн тооцоог 2000 онд хийсэн байна. Хийн салбар дахь нэг ажлын байр бусад салбарт 4-6 ажлын байр бий болгодог ажээ. Мөн хийн хоолой тавьснаар Сүхбаатар, Дархан, Улаанбаатар, Сайншанд хотуудын агаарын бохирдлыг 90-ээс дээш хувиар бууруулах боломжтой юм байна.

Энэхүү мега төслийн ТЭЗҮ батлагдсан тохиолдолд барилга угсралтын ажлыг Монгол Улсын нутаг дэвсгэрт маш богино хугацаанд гүйцэтгэх боломжтой гэж ОХУ-ын тал үзжээ.

Өмнө нь 2158 км урт “Сибирийн хүч” хийн хоолойг байгаль цаг уурын маш хүнд нөхцөлд, намаг шалбаагтай, өндөр уул нуруудтай, мөнх цэвдэгтэй, хад асгатай, газар хөдлөлтийн идэвхтэй бүсэд таван жилийн хугацаанд барьсан байна.

Өдгөө байгалийн саад багатай Монголын тал хээрийн нутгаар дайрах 1000 км урт хийн хоолойг 1.6-2 жилийн дотор барих боломжтой аж. Мөн ТЭЗҮ боловсруулахад 1-2 жилийн хугацаа зарцуулна гэж тооцвол Монголоор дайрах хийн хоолой 2026-2027 онд ашиглалтад орох хэтийн төлөв харагдаж буйг эх сурвалж мэдээлэв.

ОХУ нь байгалийн хий экспортлогч хамгийн том орон. Харин БНХАУ дэлхийн хамгийн том импортлогч. 2018 оны эхний хагаст Хятадын импорт Японоос давж, дэлхийн хамгийн том байгалийн хий импортлогч улс болсон.

БНХАУ агаарын бохирдолтой тэмцэх зорилтынхоо хүрээнд нүүрсний хэрэглээг байгалийн хийгээр солих ажлыг эрчимтэй хийхээр төлөвлөсөн билээ. CNPC-ийн 2019 оны 8 сард гаргасан судалгаагаар БНХАУ-ын байгалийн хийн хэрэглээ 2018 онд 238 тэрбум метр куб болж өссөн бөгөөд цаашид энэ тоо 2035 онд 610 тэрбум метр куб, 2050 онд буюу ОХУ, БНХАУ-ын хооронд байгуулагдсан 30 жилийн гэрээ дуусах үед жилийн хэрэглээ 690 тэрбум метр куб болж тогтмол өснө гэсэн тооцоо гарчээ.

Энэ үед Хятадын байгалийн хийн дотоод нөөцөөр хангах хэмжээ 2018 онд 161 тэрбум метр куб байснаас, 2035 онд 300 тэрбум метр куб, 2050 онд 350 метр куб болно гэсэн харьцангуй удаан өсөлттэй байх тооцоо гаргасан байна.

Энэ мэдээнд өгөх таны сэтгэгдэл?
14
ЗөвЗөв
7
ТэнэглэлТэнэглэл
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

39 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-15 202.9.40.22

Саяхан Мьянмарт хийн хоолойгоо хамгаалах шалтаг заан Хятад цэргүүдээ оруулсан тухай мэдээ гарч байсан. Энэ хийн хоолой Монголын тусгаар тогтнолыг боомилох уяа болох эрсдэлтэй. Үнэгүй бяслаг хавханд л байдаг гэж бидэнд Оросын нөлөө бүхий улс төрч хэлж байсныг мартах учиргүй.

Avatar

Зочин 2021-04-15 64.119.22.170

Зөвхөн манайх биш дэлхийн улс бүр, бие биенээс хамааралтай хамтын ажиллагаа өрнүүлж,харилцан ашигтай ажилладаг. Дайсганавал хэн хэндээ аюултай ,ялангуяа мань мэт хэт ядуу, чадвар сул, их гүрний дунд хавчуулагдсан орон бүр их хохирч болзошгүй.Барууныг дуурайж, хөршүүдийн эсрэг үзэл дэвэргээд хэрэггүй.Манай оронд туйлын ашигтай энэ төслийг хэрэгжүүлэхийг бид өөрсдөө хүссэн.Хэлэлцээ хийгдээд,ажил эхлэчихсэн.Одоо үүний эсрэг хэл яриа дэврэгээд хэрэггүй биз ээ..

Avatar

Lodoi 2021-04-15 192.82.81.195

2021 oni zyn oros hytadiin hamtiin ajilgaani geree baigyylagdsani 20 jiliin oin bayariin ver Si bolon V.Putin nar hii niiluuleh gereend harin useg zyrah yridchilsan tohiroo bga gej orosiin eh syrvaljyyd bichij bn

Avatar

монгол 2021-04-15 66.181.181.161

Энэ дэмий байх оо. Орос манайд доллар өгөхгүй шүү. Хийгээр төлбөр хийнэ, бид шатахуун, цахилгаанаас гадна хийн хамааралтай болно. Мөн хийн хоолойгоо манах цэргүүд оруулж ч магадгүй.

Avatar

Зочин 2021-04-15 202.126.90.50

Хуцдаг халтар

Avatar

Зочин 2021-04-15 66.181.191.252

Сонгууль дөхөх тусам алаагүй баавгайн арьсыг хуваана гэдэг үлгэр газар авч байна.Шал түүхий юмыг 2 хөршийн өмнөөр урьдчилж чалчаад байх нь харин ч эсрэгээр нь болгож мэднэ.

Avatar

ардын дуу хоолой 2021-04-15 66.181.180.236

АЛААГҮЙ ҮНЭГ МАШ САЙХАН ШҮҮ. ОДОО НӨГӨӨХ АРГААРАА САЙД ДАРГА НАР НЬ НЭГ НЭГЭЭРЭЭ ХУВИЙН СОНИРХОЛОО ИЛЭРХИЙЛЭЭД УНАХВИЙ ДЭЭ МАНААХААН .

Avatar

Зочин 2021-04-15 64.119.24.15

ер нь энэ төсөл явах байсан ч хэдэн халар цаасанд хууртагдаж болохгүй. ул суурьтай шийдэх хэрэгтэй. дараагийн украйн донбас донецк луганск болмооргүй байна шүү. тэгээд ч түлш шатахууны хамаарлаасаа гарч чадаагүй байж бас байгалийн хийн хамааралтай болох хэрэг үү. өөрсдөө ашиглаж чадвал бидэнд метан хийн нөөц асар их байна ш дээ. монголын ухаангүй ургашгүй түшмэд энэ хийн хоолой нь ороод ирвэл маргаашаа харахгүй угжны хураг шиг бүх байшин барилга гэр хорооллоо хобоод авна тэгээд 10 жилийн дараа

Avatar

Зочин 2021-04-15 64.119.24.15

украйн шиг оросын байгалийн хий байхгүй бол чацага царайлдаг болно. зүй нь бол энэ хоолойг монголоор дайрууллаа гэхэд гэрээгээ маш сайн хийх хэрэгтэй хойлой дагасан оху улсын ямар нэгэн хамгаалалт байж таарахгүй зөвхөн монгол хүн хөлсөөр хамгаалах хэрэгтэй. мөн байгаль орчинд сөрөг нөөлгүй байх тэл дээр анхаарах хэрэгтэй мал зэрлэг ан амьтан болон хүн тээврийн хэрэгсэл нэвтэрэх гарцуудыг олон улсын жишгийн дагуу чанартай барьж байгуулах.

Avatar

Зочин 2021-04-15 64.119.24.15

за тэгээд гол асуудал бол бид энэ хийг дамуулахаас биш өөрсдөө хэрэглэж хараат болохгүй байх тал дээр төрийн байгууллага анхаарах хэрэгтэй. харин нэг жилийн хий дамжуулсны төлбөр нь тэрбум ногоон байдаг юм бол тэр мөнгөөрөө өөрийн юм үнэгүй өмнөговийн нүүрсний метан хий нөөц асар их байна гээд нэг төсөлхөрхүү юм эрдэнэс монгол дээр яваад байгаа л гээд бдаг тэрийгээ ажил хэрэг болгож шингэрүүлэхээр бол шингэрүүлж нийслэл рүү хоолой татахаар бол татаж гэр хорооллыг өөрсдийн хийд хобох.

Avatar

Зочин 2021-04-15 202.126.88.65

Айлаас юм гуйхдаа манай авдарт ч байгаа л даа даанч түлхүүрээ олдоггүй гэдэг нэрэлхүү авгай шиг өөрөө 1 км хоолой тавьж чадахгүй байж том баана аа. Украиныг одоо оросын хоолойн жилийн 4 тэрбум тэжээж бна. Замаас нь хулгай хийхгүй байх л хэрэгтэй

Avatar

Lodoi 2021-04-15 192.82.81.195

Ter bol geopolitikiin asyydal amerik orosiin noloog byryylah gej l tend hor hytgaj bga um.Horhii ykrainchyyd 90 oni eheer manaihan shig hamag ylsaa suitgej bn da

Avatar

Зочин 2021-04-15 64.119.24.15

оросууд сүпер пүлтүүш сүгсэлзүүр хамгийн хулчгар хулжин зальхай хүүкийг ман ын зуун жилийн ойгоор чойбалсангийн залгамжлагч болгохоор шийдсэн бололтой. хүүкийг тавиад дараа нь чойбалсанд тэртээ хорьдугаар зуунд өгч байсан шиг винтовны 40 мянган ширхэг сум бэлэглэх биз. хүүк өлхөн чадна. оросоосоо урваж хятадыг налж магадгүй юм. энэ нийтлэл хүүкийк магтуулах гэсэн хойноос захиалсан нийтлэл байна. женко оросын хүргэн гэгддэг ч монголоо гэсэн сэтгэлтэй гуравдагч хөршийн бодлогыг чухалчилдаг хүн.

Avatar

Зочин 2021-04-15 66.181.177.42

Tiim shuu orosuud yag iimerhuu huniig sudalj olood mongoliin hamgiin elit hesgiig hyaduulsan tuuhtei tuhain ued yavagdaj baisan uil ajillagaatai tun tustei baigaa yam daa baahan muulj baigaad tolgoig ni avah

Avatar

Lodoi 2021-04-15 192.82.81.195

Chi jaahan tom yls eh ornihoo erh ashgiig bodoj yari uyn Huk muk bitgii iim jijig asyydliig tomryylj yarij bai Mongold heregtei mash chyhal tosol.

Avatar

Ард 2021-04-15 167.71.225.181

ЭНЭ ТӨСӨЛ НААШТАЙ ХӨДӨЛЖЭЭ. ХАРИН МОНГОЛЧУУДААС ӨӨРСДӨӨС НЬ Л БОЛЖ БОЛИУЛЧИХАЖ МАГАДГҮЙ ДЭЭ. ТЭГВЭЛ ХОХЬ НЬ Л БОЛОХ БАЙХ ДАА. ДЭНДҮҮ ИХ МЭДЭМХИЙРЭХ ЮМАА.

Avatar

Зочин 2021-04-15 192.82.76.164

Үүнтэй төстэй хоолой Мьянмараар дамжин Хятадад эрчим хүч хангадаг. Сая энэ хоолойг хамгаалах нэрийдлээр Хятад цэргээ нууцаар Мьянмарт оруулсан талаар мэдэж байгаа хүн байна уу? Манайд ийм асуудал тулгарахгүй гэх баталгаа байгаа юу?

Avatar

Зочин 2021-04-15 139.5.216.231

Цахилгааны хамаарлаас гараагүй байж дээр нь нэмээд хийн хамааралд орох нь. Дэмий дээ дэмий

Avatar

Монгол 2021-04-15 74.105.51.49

бусад орон шиг зндэсний эох ашиг ярьж маргаад байхгүй, удирдлага нь гарын дор найдвартай гэж байгаа юм уу даа

Avatar

Зочин 2021-04-15 103.212.118.72

Хятад улс монголоор дайрч ирэх хийн хоолойгоор хан галт авна гэж үг үсэг нэг ч дуугарахгүй байхад манайхан хөөрцөглөөд л янз янзын юм зохиогоод л яриад байх юм .

Avatar

Зочин 2021-04-15 202.21.109.97

ХАРИН ТИЙМ

Avatar

Зочин 2021-04-15 203.91.115.50

1.3 гаруй гэсэн балай хэллэгээ больё. Тооны багцаалах наад захын дунд сургуулийн мэдлэггүй сэтгүүлчид байна гэдэг ямар ичгэвтэр хэрэг вэ? Ойролцоо тоолол буюу тоог багцаалахад бүхэл ба бутархай гэсэн 2 хэлбэр байна. Бүхэл тооны хувьд аравт, зуут, мянгат гэх зэргээр ойролцоолж авдаг. Тоймлохдоо тухайн орон дараагийн 10-тад дөхүү бол дараагийн орноор багцаална. 6-10 хооронд 10 орчим гэнэ. 11-15 хооронд 10 гаруй. 16-20 бол хорь орчим. Гэх мэт. Тэгэхээр багцаалал нь үргэлж дараагийн аравтын орноо тү

Avatar

Зочин 2021-04-15 203.91.115.50

шиж явдаг байх нь. Орон ихсэх тутам ихэвчлэн аравтаар таслан харъяалуулна. 126 хүн түймэрт дайчлагдсан гэсэн жишээ байг. Тэгвэл үүнийг 100 гаруй хүн, 130 орчим хүн, 120 гаруй хүн гэх мэтээр багцаалж болно. 151-с хойш бол тухайн аравтад түшүүлж 160, 170, 180, 190 орчим эсвэл гаруй гэхээс гадна 200-аад хүн гэж хэлж болно. 500-д ойрхон бол үүн дээр нэмээд хагас мянга орчим, шахуу, гаруй гэж нэршил байна. 1151 байхад үүнийг 1000 гаруй, 1100 гаруй, 1200 орчим гэнэ.

Avatar

Зочин 2021-04-15 203.91.115.50

Харин 1150 гаруй гэж хэлэх нь журам бус. Багцаалж буйгаа санах хэрэгтэй. Тэрчлэн орон дээшлэх тусам аажмаар нэгж, аравтын орныг үл хайхран аль болох ахлах орноор тоймлож буйг анхаар. Одоо бутархайг ярья. Бутархай бол бутархай шүү дээ. Ерөөсөө л нэг бүхэл зүйлийг хувааж буй гэдэг үүднээс дээд доод гэсэн 2 оронгийн туйлтай. 1/2-г монголчууд хагас, тал гэж оноодог. Дээрх 1.3 гаруй дахин их гэдгийг тухайлъя. Яг оновчлол нь хэд байсныг мэдэхгүй. 1.33 байсан байг. Тэгвэл үүнийг ердөө 1.3 дахин л гэнэ.

Avatar

Зочин 2021-04-15 203.91.115.50

1.41 бол 1.4 дахин их л гэнэ. Харин 1.45 эсвэл 1.49 бол үүнийг 1.5 дахин гэж хэлж болно. Тэрчлэн 1.55 бол 1.6 дахин болно. Ямар ч байсан 1.5 гаруй дахин гэж хэлж хэзээ ч болохгүй. 1.6-г бас бараг 2 дахин гэж хэлж болно. 2 орчим дахин энэ тэр гэхгүй. Ашиг 55.5 хувиар нэмэгдсэн үед тоймлох гэж буй бол 56 хувиар өсжээ л гэнэ. Мөн үүнээс гадна яг тухайн оновчлолоор хэлж болно. 55.5 хувиар өссөн. 3 гаруй тэрбум энэ тэр гэх нь бас журам бус. Анандбазар 1000 гаруй хүүхэнтэй явалдсан гэх мэт.

Avatar

Зочин 2021-04-15 203.91.115.50

Нямдоржийн Анхбаяр бараг 3 тэрбумын шахаа хийсэн. Нямдорж Эрдэнэтэд 42 сая долларын шахаатай. Манай ерөнхийлөгч трилион гаруй төгрөгний бодит хохирлыг улсад учруулсан. Экс ерөнхийлөгч бараг хагас тэрбум долларыг угаасан. Ундармаа 250 орчим тэрбумын хохирол учруулсан. Манай улсад ковидын халдвар 20 мянга дөхөөд байна. ОТ улсад бараг 3 тэрбум доларын татвар төлжээ.

2 0
Avatar

зочин 2021-04-15 66.181.161.17

Хэлэлцээрийн Монголын талыг Орос хэл огт мэдэхгүй залуучуудаас бүрдүүлэх хэрэгтэй шүү .!
Оросуудыг хархаараа өвдөг нь чичрээд байдаг өвгөчүүлийг хол байлгасан нь дээр шүү! . Хангай мэт нь Оросуудаас айгаад юугаач тавиад тууж мэднээ.

Avatar

болдоо 2021-04-15 64.119.16.176

зөв шүү, хөгшчүүлийг энэ төсөлд ойртуулахын ч хэрэггүй …. орос гэхээр л далдганаад хамаг юмаа тавиад туучихдаг гажигтай улс ….

Avatar

Зочин 2021-04-15 202.179.27.141

Монголоос асуухгүй наах биз

Avatar

Иргэн 2021-04-15 64.119.23.12

Хятадууд Шинжаанд асар том хийн орд илрүүлсэн. Оросоос авах хийгээ нэмэхгүй, харин багасгах болов уу. Иймд хүний юм харж суулгүй, өөрийн хүчээр яаж босох вэ гэдэг дээр л ЗГ ухаанаа гаргах хэрэгтэй байна даа. Ингэхэд Монголыг аваад явах олигтой улс төрийн хүчин байна уу?

Avatar

Зочин 2021-04-15 103.26.193.227

Энэ сонгуульд зориулсан МАНгаруудын захиалгат юм бн. Орос эхээс нь уншвал өөр бн.

Avatar

галдан 2021-04-15 64.119.24.197

Их гүрний хармаанд лавхан орох урхи

Avatar

Зочин 2021-04-15 202.126.88.139

Halamjaasaa tatgalzaad Nuursee tulehee baichih tegvel

Avatar

Зочин 2021-04-15 66.181.161.19

Хятад хаагуур авахаа хэлээгүй байхад монголоор дайрлаа юу….сонгуулийн горидлого ээн

Avatar

МАЛНУУД МИНЬ 2021-04-15 202.21.109.97

ХЯТАДУУД ДУРГҮЙ БАЙГАА ГЭСЭН МОНГОЛООР ДАЙРАХ НЬ ХЯТАД АШИГГҮЙ ГЭСЭН

Avatar

зочин 2021-04-15 202.70.38.18

Сонгууль болохоор ингэж солиордогоо хэзээ болих юм бэ. Сила Сибири-1 ч гэсэн бүрэн хүчин чадлаараа ажиллахгүй. Цаад хятадууд авах газын хэмжээгээ багасгана гээд яриад байгаа ш дээ: Манайд болохоо Хүнсний 20 дэлгүүрийн урд байшингийнхны ээлжит хошин шог эхлэв бололтой. Гадна дотны хэвлэл унш л даа. Энийг олигтойхон сурвалжлаад өгөх сэтгүүлч байна уу. Монголд. Дээр Буян Жагаа нэг дуугарсан.

Avatar

kkk 2021-04-15 103.50.207.150

Bitgii hudlaa yari. Hezee hiataduud gazyn heregleegee bagasgana gesen yum? Hudlaa medemhiirehee bolij uz.

Avatar

zochin 2021-04-15 59.153.85.86

Hyatad baigalyn hiinii heregleegee nemegduulne, gehdee geopolitikiin tentsvertei bodlogyn hureend Orosoos avahgui, baigalyn hii gants Orost baidag yum ch bish

Avatar

даш 2021-04-15 66.181.181.14

НЭГД, ЭНЭ БОЛ УРЬДЧИЛСАН ТӨСӨЛ ХОЁРТ: ГОЛ ХЭРЭГЛЭГЧ ХЯТАД ДУУГАРААГҮЙ БАЙХАД УРДУУР НЬ ОРЖ СОЛИОРЧ БАЙГААД ҮРГЭЭХ ЮМ БИШ БИЗ ЭЭ?

NewsMN Гар утасны хувилбар Татах
NEWS.mn

Мэдээллийн эх сурвалж