"20 настай залууд эмнэлгийн тусламж үзүүлээгүй гэдэг нь ташаа" | News.MN

"20 настай залууд эмнэлгийн тусламж үзүүлээгүй гэдэг нь ташаа"

"20 настай залууд эмнэлгийн тусламж үзүүлээгүй гэдэг нь ташаа"

"20 настай залууд эмнэлгийн тусламж үзүүлээгүй гэдэг нь ташаа"

Covid-19 халдварын тархалтыг хумих зорилгоор дөрөвдүгээр сарын 10-25-ны хооронд хатуу хөл хорио тогтоосон ч дахин 13 хоногоор сунгах нь үр дүнтэй талаар өчигдөр /2021.04.13/ Эрүүл мэндийн яамны ээлжит хурлаар мэдээлсэн. Энэ талаар болон гэрийн ажиглалтад байгаа хүмүүс хэрхэх талаар ХӨСҮТ-ийн дэд захирал Ж.Байгалмаагаас тодрууллаа.

Өчигдөр Covid-19-өөр өвчилсөн 20 настай залуу нас барсан. Гэрийн нөхцөлд тухайн хүнд эмнэлгийн яаралтай тусламж очиж чадаагүй гэдэг мэдээлэл үнэн үү?

– Тухайн хүний хувьд эмнэлгийн яаралтай тусламж авч чадаагүй гэдэг бол худал мэдээлэл. Суурь өвчинтэй байсан учраас оношийг тодруулахаар ажиллаж байгаа. Энэ хүн Covid-19-өөс шалтгаалж нас барсан эсэх нь тодорхойгүй байна. Нөхцөл байдлыг тодруулж байж мэдээлэл өгөх боломжтой. Сүүлийн өдрүүдэд нас баралт огцом нэмэгдэж, өнгөрсөн долоо хоногт 11 хүн халдвар, хавсарсан өвчлөлөөр нас барсан бол гуравдугаар сарын 31-ний өдрөөс хойш нийт 23 хүн нас бараад байна.

-Хатуу хөл хорио тогтоосноор халдварын тархалтыг хумьж, дараагийн давалгаанаас сэргийлж чадах уу?

-Халдвар авсан хүмүүс өдөр ирэх бүр нэмэгдэж байна. 4-5 хоногийн өмнө халдвар авсан хүмүүсийн өвчлөл ч өнөөдөр бүртгэгдэж, онош батлагдаж байгаа юм. Мэдээж 15 хоногийн хөл хорионы үеэр өвчлөлийн тоо тодорхой хэмжээнд буурах хэдий ч хөл хорионы дараа дахин нэмэгдэх төлөвтэй байна. Нийслэлд хүн амын дунд гарч буй халдвар өргөн тархсан гэж үнэлж байгаа. Тиймээс энэ шатанд хэрэгжүүлэх хамгийн гол арга хэмжээ бол хөл хорио юм. Одоогийн байдлаар долдугаар сарын дундуур өвчлөлийн тоо буурах тооцоолол гарсан.

-Халдвар цаашид энэ хэвээр нэмэгдвэл ямар арга хэмжээ авч, хэрэгжүүлэх вэ?

-ДЭМБ-ын зөвлөмж болон олон улсын туршлагаас үзэхэд Covid-19 халдварын нөхцөл байдлын хариу арга хэмжээ нийтийн эрүүл мэндийн болон нийгмийн хариу арга хэмжээг тухайн халдварын тархалтын шатаас хамаарч хэрэгжүүлдэг. Тархалтын дөрвөн шатыг ангилаад дэлхий нийтэд хэрэгжүүлээд явж байна. Эхний шат нь халдвар бүртгэгдээгүй орнууд, хоёрдугаарт зөөвөрлөгдсөн буюу гадаад, дотоодоос зорчин очсон, гуравдугаар шат нь халдварын голомтолсон буюу тухайн байршлууд дээр голомтлон бүртгэгдсэн байршлууд. Харин дөрөвдүгээр шат нь хүн амын дунд өргөн тархсан шат байна. Улаанбаатар хотын хувьд хүн амын дунд өргөн тархсан халдварын тохиолдолтой гэж үнэлж байгаа. Энэ шатанд хамгийн гол авах нийгмийн арга хэмжээ бол хөл хорио юм. Бидний хийсэн тооцооллоор 15 хоногийн хөл хорио тогтоогоод дархлаажуулалтын үр дүн 70 хувьтай байхад хөл хорионы дараа өдөрт бүртгэгдэх тохиолдлын тоо буурна. Гэхдээ буцаад нэмэгдэж өсөхөөр дүр зураг харагдаж байгаа. Хэрэв бид 28 хоногийн хугацаатай хөл хорио тогтоогоод дархлаажуулалтын ажлаа үр дүнтэй явуулж чадвал дэгдэлтийг бууруулж, долдугаар сарын эхэн үе гэхэд өдөрт бүртгэгдэх тохиолдлын тоо 10-аас доош болж, нас баралтгүй байх боломжтой гэж харж байна. Хөл хорионы үр дүн өнөө, маргаашдаа гарах зүйл биш гэдгийг иргэд ойлгох хэрэгтэй.

-Гэртээ нас барсан тохиолдол нэмэгдэж байна гэлээ. Одоогийн байдлаар нийт хэчнээн хүн гэртээ нас барсан бэ?

-Гэрийн ажиглалт тусгаарлалтад байгаа хүмүүсээс нас баралтын таван тохиолдол бүртгэгдсэн. Иргэд өөрийгөө хянаж байгаа үед өрхийн эмнэлэг болон шуурхай зөвөлгөө, мэдээлэл авах байгууллагуудтай холбоотой байх нь зөв. Гэрийн тусгаарлалтын хувьд хөнгөн хэлбэрийнх бол дархлааг дэмжиж, витамин C, D хэрэглэж байгаа. Хүндээр өвдөж байгаа тохиолдолд вирусийн эсрэг эмчилгээ хийж байна.

Гэрээр тусгаарлагдаж буй иргэд өөртөө хяналт тавина

Гэрээр тусгаарлагдан ажиглалтанд байгаа иргэдэд ямар зөвлөмж өгч буй талаар НЭМГ-ын орлогч дарга Л.Зэндмаагаас  тодруулсан юм.

-Одоогийн байдлаар нийт 6581 иргэн хяналтад байна. Тэдний 3100 гаруй нь гэрийн ажиглалт тусгаарлалтад бий. Өдөр бүр энэ тоо хэлбэлздэг.

Эрүүл мэндийн сайдын А.101 Түр заавар шинэчлэн батлах тухай, 2021 оны гуравдугаар сарын 18-ны А.140 Covid-19 халдварын оношилгоо, эмчилгээний түр заавар зэрэг тушаалд үндэслэн тусгаарлагдсан иргэд өөрийн эрүүл мэндийн байдалд хяналт тавьж, эмч эмнэлгийн ажилчдын зааврыг мөрдөх зөвлөмжийг өгч байгаа. Тухайлбал, Covid-19 халдвар хөнгөн тохиолдолд бусдад халдвар тараахгүй байх, халдвар хамгаалалтын дэглэмийг мөрдөнө. Мөн биеийн байдалдаа тогтмол хяналт тавьж ханиалгах, амьсгалын тоо олшрох, чээж давчдах шинж тэмдэг илэрвэл яаралтай эмнэлэгт хандах ёстойг зөвлөж байгаа. Үүнээс гадна халдвар илэрснээс хойш хоёр долоо хоногийн хугацаанд бусдад халдварлуулах, өвчлөл хүндрэх эрсдэл өндөр учир хүчилтөрөгчийн дутагдлын шинжийг байнга хянах шаардлагатай. Чихрийн шижин, зүрхний дутагдал, цусны даралт ихсэх, хорт хавдартай, бөөрний архаг хууч өвчтэй хүмүүс гэрийн ажиглалтад байх хугацаанд онцгой анхаарал хэрэгтэй болж байгаа.

Э.УНДАРМАА

Энэ мэдээнд өгөх таны сэтгэгдэл?
3
ЗөвЗөв
3
ТэнэглэлТэнэглэл
3
БурууБуруу
2
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зайлаач ээ 2021-04-14 202.9.46.97

Худалч авгай вэ. Нийтийн асрамжийн газарт бсан гэж өнөөдөр Хөсүт захирал Баттөр нь мэдээлсэн ш дээ. Муухай бузрын худалч авгай вэ

Avatar

Зочин 2021-04-14 202.9.40.244

хүн үхэхээр заавал нэг хүн бууртах ёстой юу тэ оркуудаа. Ухамсарын доройтол, дун зоргоороо ярьдаг сэтгэдэг. гадуур дэмий тэнсэн өөр

Avatar

Зочин 2021-04-14 122.201.21.235

энэнд хэн буруутай вэ зөвхөн дураараа ухамсаргүй иргэд буруутай хөл хорио тавиад байхад хулгайн замаар оргогсод хуурамч шинжилгээ өгөгсөд гадуур тэнэгсэд л энэ вирусыг тарааж байна

Avatar

Зочин 2021-04-14 122.201.21.253

20 настай залуу ямар учраас нас барсан шалтгааныг тодруулж иргэдэд мэдээлэх ёстой.Шалгаж байна гээд таг болдог.

Avatar

хүннү 2021-04-14 202.179.26.230

Иргэд өөрснөө гадуур тэнэхээ боль. Өдөрт халдварын тоо мянга хол гархаар эмч нар хүрэлцэхгүй шүү дээ. Ийм үед хэнд нь очоод хэнийг нь орхих вэ? хэлдээ? Одоо байдал улам хүнд боллоо. Хэнэггүй нөхдүүд үр хүүхдүүдээ дагуулаад гадуур замбраагүй тэнэж байна. Үүнийгээ зогсоо л доо. Төмөр замын садаар дүүрэн хүмүүс “дархлаагаа сэргээж” байна. Одоо боль үхэх чинь дутаа пу?

Avatar

Зочин 2021-04-14 192.82.70.24

МАН-ын сүр үзүүлэн тэмдэглэсэн МАН-ын 100 жилийн ойн балаг барагдахгүй нь дээ. 1000, 1000-аар тоологдох халдвар, У.Хүрэлсүхийн сүржин үгэнд хилэгнэсэн Хятад улс вакцины нийлүүлэлтээ зогсоосон энэ бүгд энхрий хайрт МАН-ын 100 жилийн балаг…

Avatar

Зочин 2021-04-14 202.9.40.107

Халдвар авсан хүмүүсээ эрэмбэлэн ангилж чадахгүй байна уу? Яагаад гэртээ нас бараад байна аа?

Avatar

Зочин 2021-04-14 66.181.161.76

Ийм чадваргүй эмч нар болио чаддаг эмч нар зөндөө байгаа ш дээ. Ямар ч утга авцалдаагүй галзуу хүн шиг юм ярихийн? Орон гаран

Avatar

Зочин 2021-04-14 66.181.161.101

Ковидоор нас барсан нь тогтоогдоогүй гэчихээд яагаад ковидоор нас барсан гээд мэдээгээрээ гаргаад байгаа юм.

Avatar

Зочин 2021-04-14 66.181.161.48

угаасаа залуу хүн гэхээр тоохгүй, ковидоор л биш бол настайчууд яаж үхэх нь хамаагүй болсон цаг. түргэн тусламж нь харвацан хүнд устаар зөвлөгөө өгнө гэж хуцаад байгамдаа. үзээрийн. намаар томилогдсон ямар мэргэжилгүй идэж уух хулгайлхаас өөр бодолгүй адгийн шаарнууд

Avatar

Зочин 2021-04-14 66.181.189.100

Хүн нас барж байхад өөрийгөө өмөөрөөд ийм юм яриад сууж байх гэж дээ босоод уучлал гуйгаад бөхөлзөж баймаар юм Газрын эзэн шиг аашилж байна даа энэ хүүхэд бас удахгүй халдвар авах хүний тоо 10 болно гээд өчигдөр яриад байсан биш үү

NewsMN Гар утасны хувилбар Татах
NEWS.mn

Мэдээллийн эх сурвалж