“Ажлын байрыг дэмжих зээл”-ийг зориулалтын бусаар ашиглавал хариуцлага тооцно | News.MN

“Ажлын байрыг дэмжих зээл”-ийг зориулалтын бусаар ашиглавал хариуцлага тооцно

“Ажлын байрыг дэмжих зээл”-ийг зориулалтын бусаар ашиглавал хариуцлага тооцно

“Ажлын байрыг дэмжих зээл”-ийг зориулалтын бусаар ашиглавал хариуцлага тооцно

Монголбанк банк, санхүүгийн зах зээлийн тогтвортой байдлыг хангаж, эдийн засгийн тэнцвэртэй хөгжилд дэмжлэг үзүүлэх зорилтын хүрээнд Засгийн газрын 2021 оны хоёрдугаар сарын 17-ны өдрийн 42 дугаар тогтоолоор баталсан “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-г хамтран хэрэгжүүлж байна. Энэ хөтөлбөрийн “Ажлын байрыг дэмжих зээл”-ийг шаардлага хангасан хуулийн этгээд, иргэдэд банкны чөлөөт эх үүсвэрээр хүүгийн дэмжлэгтэй олгох үйл ажиллагаанд Төв банк (Монголбанк)-ны тухай хуульд заасан Засгийн газрын санхүүгийн зуучлагч, банкинд хяналт тавих чиг үүрэгтэйгээр холбогдох байгууллагуудтай хамтран ажиллаж байна.

Эдийн засгийг сэргээх, ажлын байрыг хадгалахад чухал үүрэгтэй үйлдвэрлэл, үйлчилгээ, худалдаа эрхлэгчийн үйл ажиллагааг эргэлтийн хөрөнгө, зээлийн дахин санхүүжилтийн эх үүсвэрээр дэмжих зорилготой тус хөнгөлөлттэй санхүүжилтийн ашиглалт, зарцуулалтад тавих хяналт, тайлагналын тогтолцоог банкны дотоод хяналт, Сангийн яам, Монголбанкны хамтарсан шалгалт болон хууль сахиулах эрх бүхий байгууллагын оролцоотойгоор бүрдүүлж байна.

Тухайлбал, “Ажлын байрыг дэмжих зээл”-ийг зориулалт бусаар ашиглах, ашиг сонирхлын зөрчил гарахаас урьдчилан сэргийлэх, зээлдэгч болон зээл олгож байгаа банкны үйл ажиллагааг хянах зорилгоор "Ажлын байрыг дэмжих зээл"-ийн санхүүжилтийн ерөнхий гэрээг банкуудтай байгуулсан. Түүнээс гадна 2021 оны гуравдугаар сарын 19-ний өдөр Сангийн яам, Монголбанк хамтран “Ажлын байрыг дэмжих зээлийн үйл ажиллагааны хэрэгжилтэд хяналт тавих журам”-ыг батлан хэрэгжүүлж эхлээд байна.

Мөн Монголын худалдаа, аж үйлдвэрийн танхим, эдийн засгийн тодорхой салбаруудын төлөөлөл болох төрийн бус байгууллага, олон нийтийн хэвлэл мэдээллийн байгууллагуудын төлөөллөөс бүрдсэн хөндлөнгийн, хараат бус хяналтын зөвлөлийг Сангийн яамнаас байгуулах аж. Түүнчлэн Монголбанк, Сангийн яамнаас зээл олголт, зээлийн зарцуулалтад газар дээрх шалгалтыг тогтмол хийх юм байна.

“Ажлын байрыг дэмжих зээл”-ийг зориулалт бусаар ашиглаж, зөрчил гаргасан тохиолдолд зээлийн хүүгийн дэмжлэгийг цуцлах, хүүгийн дэмжлэггүй зээлд шилжүүлэн, зээлийг нэн даруй буцаан төлүүлэх, төрд учруулсан хохирлыг шаардах бөгөөд холбогдох хууль сахиулах эрх бүхий байгууллагаар шалгуулж, хуульд заасан хариуцлага хүлээлгэх юм.

Зээл олгохтой холбоотой аливаа санал, гомдол, хүсэлт мэдээллийг доорх утсаар хүлээн авч байна. Үүнд:

Монголбанк:                          +976-11-310081

Хаан банк:                             +976-18001917

Төрийн банк:                         +976-18001881

Голомт банк:                          +976-18001646

Худалдаа хөгжлийн банк:    +976-19001977

Хас банк:                                +976-18001888

Капитрон банк:                     +976-18002020

Тээвэр хөгжлийн банк:        +976-77169999

Кредит банк:                          +976-18001808

Богд банк:                              +976-75771199

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-13 122.201.31.176

ЭНЭ ЗЭЭЛ АСУУДАЛ ТАРИХ БИЙ ГЭДГЭЭС ҮНЭН ЭМЗЭГЛЭЖ БАЙГАА. ТОМООХОН АЖ АХУЙН НЭГЖҮҮДЭД ӨГСӨН ЗЭЭЛЭЭС БУСАД ЗЭЭЛҮҮД БУЦААН ТӨЛӨГДӨХ ЧАДАМЖ МАШ БАГА БОЛНО. ҮҮНЭЭС БОЛЖ ОЛОН ААН ДАМПУУРЧ, ОЛОН ХҮНИЙ АМЬДРАЛ СҮЙРЧ, УЛС ОРНЫ ЭДИЙН ЗАСАГТ НӨХӨЖ БАРШГҮЙ ХОХИРОЛ УЧРАХ БИЙ ГЭХЭЭС ЭМЭЭЖ БАЙГАА БОЛНО.

NewsMN Гар утасны хувилбар Татах
NEWS.mn

Мэдээллийн эх сурвалж