Мьянмарт амь үрэгдэгсдийн цогцсыг ар гэрт нь 85 ам.доллараар “зарна” | News.MN

Мьянмарт амь үрэгдэгсдийн цогцсыг ар гэрт нь 85 ам.доллараар “зарна”

Мьянмарт амь үрэгдэгсдийн цогцсыг ар гэрт нь 85 ам.доллараар “зарна”

Мьянмарт амь үрэгдэгсдийн цогцсыг ар гэрт нь 85 ам.доллараар “зарна”

Ардчиллын төлөөх жагсаалд оролцоод, цэргүүдэд буудуулж, амь үрэгдсэн хүмүүсийнхээ цогцсыг авахын тулд ар гэрийнхэн нь армид 85 ам.доллар тушаах ёстой болжээ.

Мьянмарын арми хоёрдугаар сарын 1-нд төрийн эрхийг цэргийн хүчээр булаан авснаас хойш ард иргэд хувьсгалыг эсэргүүцэн, ардчиллын төлөө үзэл бодлоо илэрхийлэн жагсаал, хөдөлгөөн эхлүүлсэн билээ. Харин арми жагсагчдыг дарахын тулд байлдааны сум, тэсрэх бөмбөг ашиглаж, энгийн ардыг хэдэн зуугаар нь хядаж байгаа юм. Тухайлбал, өнгөрсөн долоо хоногийн эцэст ардчиллын төлөө жагсаалд оролцож яваад цэргүүдийн гарт амиа алдсан хүний тоо 700 давж, 3000 гаруй хүн баривчлагдсан байна.

Хамгийн сүүлд гэхэд өнгөрсөн долоо хоногт (2021.04.09) Баго хотод болсон жагсаалыг тараахдаа цэргүүд дор хаяж 82 хүний аминд хүрчээ. Жагсаал хүчээр дарагдсанаас хэдэн цагийн дараа Баго хотын их сургуулийн оюутны холбоо цахим орчинд “Мьянмарын арми өөрсдийнхөө хөнөөсөн хүмүүсийн цогцсыг ар гэрийнхэнд нь өгөхдөө 120 мянган мьянмар кят буюу 85 ам.доллар шаардаж байна” хэмээн бичжээ.

Болсон явдлыг нүдээр үзсэн гэрчүүд “Цэргүүд нүдэнд нь хөдөлж харагдсан бүхнийг ямар ч өршөөлгүй буудан унагааж байлаа. Цэргүүдээс айсандаа хотын ихэнх иргэд ойролцоох тосгод руу зугтацгаасан” хэмээн ярьсан аж.

Мьянмарын төрийн мэдээллийн “Global New Light of Myanmar” агентлаг дээрх мэдээллүүдийг үгүйсгэн, “Хэв журам сахиулахаар очсон цэргүүд рүү жагсагчид гараар угсарсан буу болон бусад зэвсэг ашиглан дайрч эхлэхэд цэргүүд аргагүйн эрхэнд биеэ хамгаалсан бөгөөд мөргөлдөөний эцэст нэг жагсагч амиа алдсан” хэмээн мэдээлжээ.

Эх сурвалж: INSIDER

Энэ мэдээнд өгөх таны сэтгэгдэл?
16
ХарамсалтайХарамсалтай
9
БурууБуруу
5
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-13 66.181.161.73

Монголд ч хатуу гар хэрэгтэй. Ингээд ингээд буудчихдаг бол их гоё оо тээ

Avatar

Зочин 2021-04-13 24.16.131.18

Харин тийм! Чамайг ингээд буудвал тэ?

Avatar

Зочин 2021-04-13 103.57.92.154

Цэргийнхэн гэж буруу хүмүүжсэн, мэдрэмжгүй ….

Avatar

Зочин 2021-04-13 192.82.71.253

Мэдрэл муу даварчихсан юмнууд ард түмнээ ч тайван байлгахгүй төр засгаа булаацалдаж хүч хэрэглээд ..л

Avatar

Зочин 2021-04-13 66.181.180.52

Haa Gazriin tsergiihen gej iim sagsuu yumnuud baidag bololtoi. Arga ch vgvi yum, hvn gedeg hoer hultei amitani natur ni tiim yum. Odoo Manai ene tsagdaa nariig harsh gvi yvv ! Bvten jil bolohod etsej tsutsahgvi l juram laad l, tachignaad l baigaa bizdee! Yagaav ter jil 7 sariin 1-nd 5 hvn buudaa biz dee!

Avatar

Зочин 2021-04-13 202.70.36.122

Зүгээр хүний муу үзээд тэнээд явж бгаа улсууд юунд ядардгийн . биеийн хүчний хөдөлмөр хийж зүтгэж бгаа улсууд бна. Тэд цагдаа нар шиг авилга авдаггүй бас гоншигондгүйшдээ

NewsMN Гар утасны хувилбар Татах
NEWS.mn

Мэдээллийн эх сурвалж