Бүх нийтийн бэлэн байдлын зэрэгт шилжсэн эл өдрүүдэд 15 салбарын алба хаагчид замын хөдөлгөөнд оролцуулж буй. Хөл хорионы үед үйл ажиллагааг нь хориглоогүй салбарын алба хаагчид хувийн тээврийн хэрэгслээр замын хөдөлгөөнд оролцвол улсын дугаарын тэгш, сондгой тоогоор зорчих юм. Энэ дагуу өнөөдөр (2021.04.13) сондгой тоогоор төгссөн улсын дугаартай автомашин хөдөлгөөнд оролцоно.

Хэрэв зөвшөөрөлгүй замын хөдөлгөөнд оролцвол Зөрчлийн тухай хуулиар 200 мянган төгрөгөөр торгох арга хэмжээ авна гэдгийг Тээврийн цагдаагийн албанаас сануулж байгаа юм. Тус албанаас хөл хорионы үед замын хөдөлгөөнд оролцох автомашины хуваарийг гаргав.