Байр суурь: 300 мянган төгрөг тараах нь зөв, буруу | News.MN

Байр суурь: 300 мянган төгрөг тараах нь зөв, буруу

Байр суурь: 300 мянган төгрөг тараах нь зөв, буруу

Байр суурь: 300 мянган төгрөг тараах нь зөв, буруу

 Засгийн газраас   Монгол Улсын 3.4 сая иргэн бүрт 300 мянган төгрөгийн тусламж дэмжлэг үзүүллээ. Нийт хүн амын 83 хувьд нь буюу 2.848.486 хүний дансанд  300 мянган  төгрөгийг шилжүүлжээ. Дээрх мөнгийг Оюутолгойн татварын орлого болох нэг их наяд төгрөгөөс тарааж байгаа юм.

Засгийн газрын иргэн бүрт 300 мянган төгрөг тараах шийдвэр нь  эдийн засагт бодит дэмжлэг болж чадах эсэх талаар эдийн засагчдын байр суурийг хүргэж байна.

ТӨРИЙН ЗҮГЭЭС ТҮР ЗУУРЫН АРГАЦААСАН ШИЙДВЭР Л ГАРГАЖ БАЙНА

Эдийн засагч Д.АНГАР:

-Иргэн бүрт тараах 300 мянган төгрөг асуудлыг бүрэн шийдэж чадахгүй ч хоёр долоо хоногийн хугацаанд айлуудыг хоосон хонуулчихгүй байх.  Өнгөрөгч 2016 онд  1072 хувьцааны 300 мянган төгрөг тараахад долоон буудлын бүх дэлгүүрүүдийн архи, пиво нэг өдөрт зарагдаад дуусч байсан удаатай. Тиймээс дээрх мөнгөний тодорхой хэсэг нь архи, пивонд зарцуулагдах  эрсдэл  их бий.  Ер нь архи, пивоны татварыг нэмэх асуудлыг хурдан шийдвэрлэх шаардлагатай гэж харж байна. Оюутолгойн татвараас нэг их наяд төгрөг орж ирсэн нь мэдээж сайн хэрэг.  Нөгөөтэйгүүр, 300 мянган төгрөг тараах нь бодлогын хувьд зөв хэдий ч нийтээр нь хүүхдийн мөнгө шиг тараах нь зөв үү. Эдийн засаг хямарсан ч гэсэн тогтвортой ажиллаж байдаг төр захиргааны албан хаагчдад  300 мянган төгрөг өгөх шаардлага байсан уу гэх асуудал нийгэмд их маргаан дагуулсан.  Гэхдээ Засгийн газарт  иргэдээ ялгаж,  ангилах хугацаа байгаагүй. Хэрэвзээ төр захиргааны албан хаагчдад 300 мянган төгрөг өгөхгүй гэх шийдвэр гаргасан бол  Үндсэн хуулийн цэцэд иргэдээ ялгаварлан гадуурхлаа гэдэг асуудал үүсэх вий гэдгээс Засгийн газар зайлсхийсэн байх. 

Ерөнхийдөө 300 мянган төгрөг тараах нь асуудлыг шийдэж байгаа хэлбэр биш. Миний харж байгаагаар 2021 оны хоёрдугаар улиралд эдийн засаг хүндэрнэ. Тиймээс улсын төсөв дээр юу болж байна вэ гэдэг нь маш том асуултын тэмдэг дагуулж байна.

"Эрдэнэт" үйлдвэрийн 650 тэрбум төгрөгөөр иргэд, ААН-үүдийн цахилгаан дулааны үнийг тэглэсэн. Оюутолгойн татварын нэг их наяд төгрөгийг замаас нь иргэдэд тараачихлаа.  Улсын төсөвт орох ёстой мөнгийг замаас нь өөр зүйлд зарцуулаад байхаар төсөв хүндэрнэ. Энэ байдалтай бид маргааш биш юм гэхэд хэзээ нэгэн цагт нүүр тулна. Үүн дээр ямар ч шийдэлгүй болчихоод байна. Төрийн зүгээс түр зуурын аргацаасан шийдвэр л гаргаж байна.  Монгол Улс  сүүлийн 30 жилд урт хугацааны бодлогогүй явж ирсэн. Тиймээс 20-30 жил асуудалтай явж ирсэн эдийн засгийг богино хугацаанд сэргээх ямар ч боломжгүй. Урт хугацааны бодлогыг хэрэгжүүлэх шийдэл нь  ажлын байрыг нэмэгдүүлэх юм.  Гэтэл уул уурхайгаас өөр үйлдвэрлэл байхгүй Монгол Улс  зэсээ зараад олсон мөнгөө буцаагаад улсаараа хуваагаад идэж байна. Ийм  тогтолцоо удаан оршин тогтнож чадахгүй.  Төр засгаас иргэдийг халамжлаад байя л гэдэг бодлого барихаас ажлын байрыг дэмжих, үйлдвэрлэлийг хөгжүүлэх бодлого харагдахгүй байна. Иргэд ажил орлоготой байж ядуурлаас гарна. Төвбанкны үнэт цаасны хүүг буулгаагүй цагт "10 их наяд төгрөгийн төлөвлөгөө" амьдрал дээр   хэрэгжихгүй. Анхнаасаа УИХ, Засгийн газар иргэд, ААН-үүдийг хуурсан хөтөлбөр зарласан. Төв банкны үнэт цаасны хүү гурван хувиас доош  эсхүл тэг болсон цагт л энэ бодлого хэрэгжинэ. 

НЭГ УДААГИЙН БЭЛЭН МӨНГӨ ӨРХИЙН ТӨСӨВТ БОДИТ ДЭМЖЛЭГ ҮЗҮҮЛДЭГГҮЙ

Эдийн засагч Ц.БАТСҮХ:

-Миний харж байгаагаар нэг удаад олгож байгаа олговрууд өрхийн төсөвт бодит дэмжлэг үзүүлдэггүй.  Үүний оронд бага хэмжээгээр ч хамаагүй байнгын  олгогддог  дэмжлэгүүдийг иргэд юунд зарцуулахаа төлөвлөж,  илүү ухаалгаар зарцуулдаг. Ямар ч төлөвлөгөөгүй гэнэтийн мөнгийг хүмүүс  хялбараар зарцуулдаг. Энэ жил өрхүүдийн банкин дахь хадгаламжийн хэмжээ өссөн.  Өнгөрсөн 2020 онд бараг таван их наяд төгрөгөөр өссөн. Төр засгийн зүгээс хүүхэд бүрт 100 мянган төгрөг олгож байгаа учраас иргэд тэрхүү мөнгийг зарцуулахгүйгээр хадгалж байна.  Нөгөө талаасаа  хүмүүс ирээдүйд юу болох нь тодорхойгүй байдлаас үүдэн  мөнгөө үрэхгүйгээр хадгалах болсон. 

Тиймээс 300 мянган төгрөгийг  нэг хэсэг нь хадгаламжийг нэмэх урсгал руу орох байх гэж бодож байна. Эдийн засаг өнгөрсөн оны мөн үетэй харьцуулахад сэргэж байгаа.  Тухайлбал, улсын нэгдсэн төсвийн нийт орлого 2021 оны хоёрдугаар сарын байдлаар нэг их наяд 720.6 тэрбум төгрөгт хүрч, 2019 оны мөн үеэс 82 тэрбум төгрөгөөр илүү байна. Эхний улирлын урьдчилсан гүйцэтгэлээр ААН-үүдийн орлогын албан татвараар 469.3 тэрбум төгрөгт төсөвт төвлөрсөн нь өмнөх оны мөн үеэс 41 хувиар, НӨАТ-аар 711.1 тэрбум төгрөгт төсөвт төвлөрсөн. Энэ нь өмнөх оны мөн үеэс 30 хувиар тус, тус өссөн.

БАНКНЫ БАГА ХҮҮТЭЙ ИХ ХЭМЖЭЭНИЙ ЗЭЭЛҮҮДИЙГ ГАРГАХ ШААРДЛАГАТАЙ

Эдийн засагч Б.ДЭЛГЭРСАЙХАН:

-Халдварын улмаас элгээрээ хэвтсэн эдийн засгийг сэргээхийн  тулд Засгийн газар  боломжит бүхий л арга хэмжээг авах ёстой. Харамсалтай нь, бид дээрх  арга хэмжээг бүрэн хэрэгжүүлж чадаагүйгээс үүдэн хөл хорио тогтооход хүрсэн. Тиймээс иргэдийн амжиргааг хамгаалах , худалдан авах чадварын доройтлоос сэргийлэхийн  тулд иргэн бүрт 300 мянган төгрөг олгож байгаа нь харьцангуй оновчтой шийдвэр гэж харж байна. Өрх бүрийн  ам бүлийн тоо харилцан адилгүй учраас хүн бүрт тараах нь зөв. Харин нөгөө талаасаа буюу эдийн засгийн хувьд хүсээд байх шийдвэр бол биш. Гэхдээ одоогийн үүсээд байгаа нөхцөл байдалд зайлшгүй авах шаардлагатай арга хэмжээ. 

Монгол Улсын хувьд 2020 оноос эхлэн төсөв дээр том дарамт авсан.   Өнгөрсөн онд  хүн амын орлогыг хамгаалах ядуурлаас гаргах асуудал дээр  төвлөрч бизнесийг орхигдуулсан. Харин хоёрдугаар сарын 10-нд зарласан "10 их наядын төлөвлөгөө" бол харьцангуй тэр алдааг зассан.   Төв банк, Засгийн газрын хамтран хэрэгжүүлж байгаа "10 их наядын төлөвлөгөөн"-ий хүрээнд жижиг дунд үйлдвэрлэлийг дэмжих, репо санхүүжилтийг нэмэгдүүлэх зэрэг арга хэмжээг авч байна. Төрийн зүгээс авах ёстой арга хэмжээг чадлаараа л авсан гэж харж байна. Хамгийн гол нь "10 их наядын төлөвлгөө" үр дүнтэй  зорилтот бүлэгтээ  хурдан очих зэрэг хэрэгжүүлэлтийн механизм дээр илүү анхаарах нь зүйтэй. Хэрэв боломж байдаг бол  бизнесүүдийг хөл дээр нь босгохын тулд банкны бага хүүтэй их хэмжээний зээлүүдийг гаргах шаардлагатай. 

 

Энэ мэдээнд өгөх таны сэтгэгдэл?
6
ЗөвЗөв
5
ТэнэглэлТэнэглэл
1
ХөөрхөнХөөрхөн
1
ХарамсалтайХарамсалтай
0
ХахаХаха
0
ГайхмаарГайхмаар
0
БурууБуруу
Баярлалаа!

Холбоотой мэдээ

30 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-12 202.126.90.79

Д. Ангар та 300000 төгрөгөө авахаа л больчоо ч

Avatar

Зочин 2021-04-12 202.126.88.164

Уос орны эдийн засгийн чадавхи муу энэ нөхцөлд Эдийн засагчид арай өөр зүйл ярьж судлаж байьал зүгээрсэн.

Avatar

зочин 2021-04-12 66.181.161.36

Энэ бол дунд болон түүнээс доош орлоготой иргэдэд маш их түшиг болсон. Харин дээрэм тонуулаар баяжсан баячуудад илүүдэл цаас болсон. Төр бол бүх хүнээ алагчлахгүй үүднээс энэ шийдвэр гаргасан. Хүрэлсүхийн засгийн газар байх үед овоо мөнгийг оюу толгой билүү түүнээс оруулж ирэх шийдвэр гаргасан гэсэн. Тэр мөнгө энэ гэсэн. Хүмүүс их мунхаг болж. мөнгө өгөхлөөр өглөө гэж шүүмжилнж. Өгөхгүй бол биднийг хоосон байлгалаа гэж шүүмжилнэ. Юу ч хийхгүй оюуны хомсдол олсон юмсуу төрөө муучлахаас өөр юмгү

Avatar

Зочин 2021-04-12 103.229.122.140

nogo 3 abdrantiin orgodol yaltan baiganma.

Avatar

Зочин 2021-04-12 103.229.122.140

ene yum gej hachin baidag shuu nogoo 3 abdrantin yaltan orgodol garsan baigan zurag eren haijinaa.

Avatar

Зочин 2021-04-12 64.119.19.223

ЗГ-ын гаргасан хамгийн сайн шийдвэр гэж бодсон.Энэ хүнд үед 300,000 их тус нэмэр болж байна.Юм л болохоор худлаа архи авч уулаа гэх юм.

Avatar

ИНФЛЯЦИ 2021-04-12 202.21.108.6

ИНФЛЯЦИ

Avatar

иргэн 2021-04-12 202.9.46.153

иргэнд 300000 нэмэр болсоон.Эд нар эдийн засаг мэддэг бол монгол Азийн бар улс болсон байгаа

Avatar

Зочин 2021-04-12 202.126.89.8

Хол очиж гуц

Avatar

Зочин 2021-04-12 66.181.164.211

Энэ засгийн газар сайн ажиллаж байна! карантиний уед 300к тараах нь зов! Дараа нь эдийн засгаа босгоно, цаг хугацааны л асуудал!

Avatar

Зочин 2021-04-12 66.181.161.96

Манайхны харааж зүхээд байдаг Оюу толгойгоос орж ирсэн мөнгийг монгол хүн бүрт 300 мянгаар өгч, карантиныг давж гарахад нэмэр болж байна шүү дээ!!! "Өөх өгсөн хүнтэй Өглөө босоод заргалдана" !!!

Avatar

Зочин 2021-04-12 202.55.188.107

МАНгарын зэс цухуйлаа. Сонгуулийн суртчилгаа 300 цаас егмеер байдаг зугээр егхеер улаан цагаан авилга гэж мэдэгдэх учраас хэд хоног хорьсон болж жужиглэж байгаам байна, туунээс биш вирусын халдварыг багасгая, вакцинаа тургэлье гэж хорьж байгаан биш байна. Угаасаа халдвар их байх тусам Мангарт далимдуулж цавчихад нь ашигтай байгаа болохоор халдварыг багасгах зорилгогуй юм байна

Avatar

Зочин 2021-04-12 122.201.22.21

Харалсан дотор ухаантай хүнийг үг яааж ингэж бодож хэлж чадаж байнаа . үр хүүхдийн чинь заяа гомдоно шүү дээ .

Avatar

Өвөгөн 2021-04-12 192.82.91.161

ШУ, ОНОЛ, ТЕХНОЛОГ энэ зүйлгүйгээр хүн төрлөхтний хөгжил, ирээдүйг төсөөлөшгүй. Төрт улс гэж өөрсдийгөө тоожл байгаа бол ярьдаг, бичдэг,, бие мах бодиороо хөдөлмөлөдөг, бүүр чальчдаг бүгдээрээ байж л төрт нийгэм гэдэг ургиш явна. Харина тэдгээрийг сонсч эрэгуүүлэн бодож зөв шийдэл олсон нийгэм ургиш ахина. Бусдадаа хүндэтгэлтэй хандацгаая, зөв шийдэл олж сурцгаая.

Avatar

ХУД-ийн иргэн Ш.Раднаа: Аливаа юманд бодитой дүн шинжилгээ хийж сурцгаа 2021-04-12 150.129.143.172

ГАЗАР ДОР БАЙГАА БАЯЛАГА ХӨРӨНГӨТЭЙ, ДУНД ЗЭРГИЙН ОРЛОГОТОЙ, ЯДУУ байна уу, ГАДААДАД байна уу гэдгээс үл хамаарах хүн бүрийн өмч учир тэр өмчөөс хүн бүр ашгийг нь хүртэх ёстой.Банканд хадгалуулсан мөнгөө авч байна гэж ойлго.Юмны үнэ, инфляци өсөхгүй. Учир нь, энэ мөнгө элсэнд асгасан ус шиг хэрэгцээнд зарцуулагдаад дуусна. Махны үнэ наадам болтол нийлүүлэлтээсээ хамаараад өсдгөөрөө өснө. Бусад нь өсөхгүй.Харин шүүхийн маргаанд манайх ялагдвал энэ мөнгийг буцааж төлөх нь бас нэг үнэн болой

Avatar

Зочин 2021-04-12 192.82.74.231

ОДООГИЙН БАЙДЛААС ҮЗЭХЭД ЕРӨӨСӨӨ ХӨО ХОРИО Ч ХЭРЭГГҮЙ МӨНГӨ ТАРААХ Ч ХЭРЭГГҮЙ, ДЭГ ЖУРМАА ШААРДААД Л АЖИЛ АМЬДРАЛАА ХЭВИЙН ЯВУУЛАХ ШААРДЛАГАТАЙ БАЙЛАА. ХӨЛ ХОРИЛОО ГЭЭД ВИРУСТСЭН ХҮНИЙ ТОО ЕРӨӨСӨӨ БУУРАХГҮЙ БАЙНА. . ИЙМД ХӨЛ ХОРИО НЬ ВИРУС ТАРХАЛДТЫГ ХУМИХ АРГА БОЛЖ ЧАДАХГҮЙ БАЙНА ШҮҮДЭЭ. ДЭМИЙ ӨНГӨ ҮРЖ АЖИЛ АМЬДРАЛД СААД ХИЙСЭН АЖИЛ БОЛОВ ХӨӨРХИЙ ТЭНЭГ ТӨРИЙН АЛБАН ТУШААЛТНУУД

Avatar

Ард 2021-04-12 66.181.161.19

Худал ангар ангар гэхээс цаашгүй , өгвөл өглөө гэх өгөхгүй бол өгсөнгүй гэж онолдох. Ард олон зөв зүйл хийлээ гээд талархаж байна .

Avatar

Зочин 2021-04-12 150.129.143.172

Эдийн засагч нэртэй та нар олон жил онолдлоо. ЮУ Ч ӨӨРЧЛӨГДСӨНГҮЙ. СҮҮЛДЭЭ ТА НАРЫН ҮГИЙГ ТООХ Ч ХҮНГҮЙ БОЛЛОО. ЯАГААД ГЭВЭЛ ТА НАР ХЭТ ЦЭЦЭРХЭЭД ЭНГИЙН өдөр тутмын амьдралаас тасархай юм яриад байгаа юм.

Avatar

Зочин 2021-04-12 150.129.143.172

Анар гэдэг энэ хүний амнаас дан хар мэдээ гарах юм.Манай хөдөөнийхөн ийм хүнийг ХАР АМТ гэдэг юм.

Avatar

Badarch taxar 2021-04-12 192.82.86.173

Ulsin ediin zasag muudaj naiwal zarim hvmvvst sain shv de

Avatar

зочин 2021-04-12 66.181.169.108

энэ хүмүүс бор амьдрал хоёр өөр өөр наадуул чинь мэдэхгүй талх, махны үнээч мэдэхгүй гарууд шүү дээ онол ярьсан хогнууд хоосон толгойтууд хүүхдийн мөнгө 100 болход бас л хуцаж байсан үйлдвэр зовууд байхгүй ажлын байргүй хүмүүс яах юм төрийн бодлог зөв явж бна ажлын байртай бол хүн болгон ажил хийнэ дээхэн үед өглөө, орой ажлын цаг эхлэх, дуусах үед усны урасгал шиг ажилчид явдаг байсан шүү

Avatar

Зочин 2021-04-12 122.201.22.21

"АЖИЛЧНЫ ДҮҮРЭГ" гэж хүртэл нэрлэж ажилчин анги бужигнаж байсан цаг 90 ээд оноос 22000 хүн ажилгүй болсон

Avatar

Зочин 2021-04-12 202.9.46.166

Mash zuv

Avatar

Зочин 2021-04-12 202.55.188.98

АНУ.Англи зэрэг даган дууриадаг улсууд чинь ард иргэддээ бэлэн мөнгө тараасан шүү.

Avatar

Зочин 2021-04-12 192.82.89.145

Төсвийн байнгын цалинтай, тэгээд цахилгаан, дулаанаа тэглүүлсэн ., бас халамжийн мөнгө авч байгаа эдийн засагчид хоолны мөнгөгүй болоогүй учраас бусдын зовлонг ойлгохгүй ээ.

Avatar

иргэн 2021-04-12 202.179.25.105

Эдийн засагчид нэртэй эдгээр Нөхдүүд Ард иргэдэд Мөнгө тарааж эхлэнгүүт л Улсын ЭЗ-г муудна . Инфляци өслөө энэ тэр гээд Оффшорчид Авилгачидын Хулгайлж гадагш гаргасан 4 их Наяд төг-ын талаар Улсын ЭЗ-т Яаж нөлөөлж байгаа талаар огт дуугарахгүй мөртлөө Ард иргэд хэдхээн юм авах болохоор баахан юм яриад эхлэх юм, Уг нь энэ жаахан Мөнгийг Бид Байгалийн хишгээсээ ,. Улсад төлсөн Татварынхаа Жаахан хэсгээс л авч байгаа шүү дээ.

Avatar

Зочин 2021-04-12 103.26.193.211

Хол очиж гуцацгаа…Та нарт энэ мөнгө хэрэггүй бол миний данс руу шилжүүлнэ үү. Ер нь, эдийн засаг бол шинжлэх ухаан биш учраас хэн ч яаа ч бурж болдог ..

Avatar

Иргэн 2021-04-12 192.82.77.136

Энд яриад байгаа эдийн засагчид гэж таарсан таар шуудайнууд байна даа. Болдог бол хуцах эрхийг нь хорьчих юмсан.Болохгүй байна гэхээс өөр юм мэддэг болов уу??

Avatar

Зочин 2021-04-12 202.126.89.99

Маш олон хүний асуудоыг шийдсэн

Avatar

Энэ сэтгүүлч эрүүл үү 2021-04-12 66.181.161.62

Эрдэнэт үйлдвэрийн 650 төгрөг гэнээ, энэ сэтгүүлч эмчид үзүүлсэн нь дээр байхаа.

NewsMN Гар утасны хувилбар Татах
NEWS.mn

Мэдээллийн эх сурвалж