Нийслэлийн хэмжээнд өнөө өглөөний 09:00 цагийн байдлаар хамгаалалтад авсан хоёр байршил байна.

1. Налайх дүүрэг 2-р хороо 33-р байр

2. Налайх дүүрэг 8-р хороо Эрүүл мэндийн төв

Монгол Улсын хэмжээнд өчигдрөөс эхлэн бүх нийтийн бэлэн байдлын зэрэгт шилжин хатуу хөл хорио тогтоосон байгаа юм. Энэ хугацаанд олон нийтийн бөөгнөрөл үүсгэхгүй байх шалтгаанаар вакцинжуулалтын ажлын түр зогсоосон байна.

Сүүлийн 24 цагт Монгол Улсын хэмжээнд 11 мянга орчим хүнээс шинжилгээ авахад Covid-19-ийн 831 тохиолдол шинээр батлагдаж, хоёр хүн нас барсан байна. Батлагдсан тохиолдлын 765 нь Улаанбаатар хотод бүртгэгдсэн бол 66 тохиолдол орон нутагт бүртгэгджээ.