Сонгинохайрхан дүүргийн жишиг нэгдсэн эмнэлэг нээлтээ хийлээ | News.MN

Сонгинохайрхан дүүргийн жишиг нэгдсэн эмнэлэг нээлтээ хийлээ

Сонгинохайрхан дүүргийн жишиг нэгдсэн эмнэлэг нээлтээ хийлээ

Сонгинохайрхан дүүргийн жишиг нэгдсэн эмнэлэг нээлтээ хийлээ

Сонгинохайрхан дүүргийн жишиг нэгдсэн эмнэлгийн нээлт өнөөдөр (2021.04.09) боллоо. Нээлтийн үйл ажиллагаанд УИХ-ын гишүүн, Хууль зүй, дотоод хэргийн сайд Х.Нямбаатар, Эрүүл мэндийн яамны Төрийн нарийн бичгийн дарга Ц.Эрдэнэбилэг, Азийн хөгжлийн банкны Монгол Улс дахь суурин төлөөлөгч Павит Рамачандран, Нэгдсэн эмнэлгийн дарга Б.Галсанцэдэн болон бусад албаны хүмүүс оролцлоо.

Жишиг нэгдсэн эмнэлэг нь дүүргийн 157 мянган хүнд үйлчлэх хүчин чадалтай, олон улсын стандартад нийцсэн 250 ортой, орчин үеийн иж бүрэн тоног төхөөрөмжөөр тоноглогдсон гэдгээрээ онцлог юм. Тус эмнэлэг нь Сонгинохайрхан дүүргийн 19 дүгээр хороонд байрлалтай бөгөөд нийт 17667 мкв талбайтай. Барилгын өндөр 22.3 метр, хоёр орц гарцтай, 183 машины зогсоолтой.

Нийт амбулаторийн 27 кабинеттэй, хэвтэн эмчлүүлэх долоон тасагтай, өдрийн эмчилгээ хийх хэсэгтэй. Өдрийн эмчилгээний хэсэгт зарим мэс засал, дурангийн хагалгаа, хими, туяа эмчилгээ хийдэг. Түүнчлэн дотор, хүүхэд, мэс засал, эх барих, эмэгтэйчүүд, шүд, мэдрэл, халдварт өвчин зэрэг үндсэн долоон мэргэжлийн тусламж үйлчилгээ үзүүлнэ. Гурван нэгдсэн хагалгаагы өрөөтэй. Ариутгалын тасаг нь хамгийн сүүлийн үеийн тоног төхөөрөмтэй юм.

Нэг онцлог нь дээврийг ашиглах боломжтой бөгөөд өвчтөнүүд болон ар гэрийнхэн нь дээвэрт салхилах боломжтой аж. Агаар сэлгэлтийн бие даасан системийг анх удаа Монгол Улсын эмнэлэгт суурилуулсан.

Монгол Улсын 2030 он хүртэлх тогтвортой хөгжлийн үзэл баримтлалын нийгмийн тогтвортой хөгжлийн хүрээнд хүртээмжтэй өсөлт ба нийгмийн тэгш байдлыг хангах зарчмаар эрүүл мэндийн чанартай, хүртээмжтэй тогтолцоог бий болгож, монгол хүний эрүүл, урт удаан амьдрах нөхцөлийг хангаж, дундаж наслалтыг нэмэгдүүлэх зорилтыг амжилттай хэрэгжүүлэхэд олон улсын байгууллагууд тэр дундаа Азийн хөгжлийн банкны санхүүжилтээр хэрэгжиж байгаа төслүүдийн тус дэмжлэг үнэлж баршгүй хувь нэмэр оруулж байгаа билээ.

Үүний тод жишээ нь “Эрүүл мэндийн салбарын хөгжил хөтөлбөр -4,4 нэмэлт“ (ЭМСХХ-4,4) төсөл нийт 58.9 сая ам.долларын төсөвтэйгээр хэрэгжсэн. Үүнээс:

  • 14,0 сая нь АХБ-ны буцалтгүй тусламжаар,
  • 38,6 сая доллар нь АХБ-ны хөнгөлөлттэй зээлээр,
  • 5,86  сая долларыг нь Монгол Улсын Засгийн газар,
  • 0,45 ам сая долларыг ДЭМБ-ын техник туслалцааны санхүүжилтээр хэрэгжүүлсэн билээ.

Эмнэлэг байгуулах ерөнхий төлөвлөлтийг Нидерланд улсын “Симед” ХХК, Барилгын зураг, төслийг Солонгос улсын “Жунглим” ХХК боловсруулж, барилга угсралтын ажлын гүйцэтгэгчээр Австри улсын “Вамед” ХХК олон улсын тендерт шалгаран гүйцэтгэж, барилгыг 2020 оны 11 дүгээр сард Улсын комисст , захиалагч Эрүүл мэндийн яаманд өнөөдөр хүлээлгэн өгч байгаа түүхэн үйл явдал болж байна.

Ийнхүү барилга байгууламж, тоног төхөөрөмж, боловсон хүчнийг бэлтгэн, иж бүрэн цогц эмнэлгийг анх удаа эрүүл мэндийн салбарт шинээр бий болголоо.

Энэ мэдээнд өгөх таны сэтгэгдэл?
6
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-04-09 202.9.46.88

энэ Нямбаатар ичээчээ, энэ хүн энэ эмнэлгийг босгоо юу? News.mn ингэж долоож байдгаа болиочэээ

Avatar

Зочин 2021-04-09 66.181.169.162

эмнэлэгийн зураг оруулсан бол мэдээний агуулгатай нийцэх байлаа.

Avatar

иргэн 2021-04-09 202.21.113.146

хууль зүйн сайд юу хийж явнаа

Avatar

иргэн 2021-04-09 122.201.31.89

Бүгдий нь гадны компанууд хийсэн юмаа, манайхан чаддаггүй байх нь. Энэ эмнэлэгээс үлгэр авах хэрэгтэй юм байна даа.

Avatar

Зочин 2021-04-09 192.82.91.102

Одоогийн төр засгийн үед л ийм хөрөнгө хэмнэсэн, нийгэмд ашигтай бүтээн байгуулалт хийгдэх б**х.АН-ынхны үед гадаадаас өндөр хүүтэй маш их зээл авч үр ашиг муутай зүйлд зарцуулсан,хувьд идэж ашигласан,одоо хүртэл өрөө дарж дийлэхгүй 10 аад жилийг үдэж байна.

Avatar

зочин 2021-04-09 103.99.103.99

Шинээр баригдсан эмнэлгийн барилгын гадна доторх зураг, тэр онцолсон дээврийн тохижилт гээд зураг оруулж болохгүй байсан уу, энэ нямбаатарын зураг юугаа хийж яваа юм бэ, мэдээний агуулгад нийцсэн зураг оруулаач

Avatar

Зочин 2021-04-09 122.201.31.48

яг үнэн

NewsMN Гар утасны хувилбар Татах
NEWS.mn

Мэдээллийн эх сурвалж