Инфляцын тайлан: 2021 онд төлбөрийн тэнцэл ашигтай байх төлөвтэй | News.MN

Инфляцын тайлан: 2021 онд төлбөрийн тэнцэл ашигтай байх төлөвтэй

Инфляцын тайлан: 2021 онд төлбөрийн тэнцэл ашигтай байх төлөвтэй

Инфляцын тайлан: 2021 онд төлбөрийн тэнцэл ашигтай байх төлөвтэй

Монголбанкнаас улирал тутам нийтэлдэг “Инфляцын тайлан”-д экспортын түүхий эдийн үнэ өндөр байгаа нь төлбөрийн тэнцлийн цаашдын төлөвт эерэгээр нөлөөлѳхийг онцолжээ. Улмаар ѳнгөрсөн онд ДНБ-ий 10 орчим хувьтай тэнцэх хэмжээний ашигтай гарсан төлбөрийн тэнцлийн энэ оны төлөв мөн эерэг байна. Өөрөөр хэлбэл, $460-470 саяын ашигтай гарах төсөөлөл байгааг Монголбанкны Мөнгөний бодлогын газрын захирал Б.Баярдаваа "Блүүмберг ТВ"-д ѳгсѳн ярилцлагадаа дурджээ.

Ханшийн фундамент болдог тѳлбѳрийн тэнцэл ийнхүү эерэг тѳсѳѳлѳлтэй байгаа нь тѳгрѳгт итгэх итгэлийн суурь болох юм. Өнгөрөгч 2020 онд төлбөрийн тэнцэл нэг тэрбум гаруй ам.долларын ашигтай гарснаар гадаад валютын нѳѳц түүхэн дээд хэмжээ буюу $4.5 тэрбум давж, тѳгрѳгийн ханш тогтвортой байв. Энэ оны эхний хоёр сарын байдлаар төлбөрийн тэнцэл $7 саяын ашигтай байснаар валютын нѳѳц үргэлжлэн ѳссѳн үзүүлэлттэй, импортын 11 сарын хэрэгцээг хангах түвшинд хүрчээ.

График: Зэсийн үнэ, тонн, /ам.доллароор/

Эх сурвалж: Лондоны Металлын бирж 

Олон улсын зах зээл дээр манай экспортын голлох бүтээгдэхүүний нэг зэсийн үнэ сүүлийн нэг жилд 80 гаруй хувиар өсөж тн нь одоогоор $8800 ам.доллар даваад байна. Хятадын эдийн засгийн идэвхжлийг дагаад коксжих нүүрс, төмрийн хүдрийн үнэ ч мѳн өндөр түвшинд хадгалагдаж буй. Дэлхийн эдийн засаг сэргэж алтны үнэ бага зэрэг буурсан хэдий ч нэг унци нь 1700 ам.доллар давж байгаа нь түүхэн ѳндѳр үзүүлэлт юм.

Moody’s агентлаг “БНХАУ-ын эдийн засаг сэргэснээр Монголын уул уурхайн салбарын экспортын орлого сэргэнэ” гэж таамагласнаа мөн танилцуулсан. Гэхдээ дотоодод цар тахал тархсан нь улс хоорондын ачаа тээврийг хязгаарлаж, улмаар экспорт удаашрах эрсдэл үүсгэж байгааг тайланд анхааруулсан байна.

Өнгөрөгч 2020 онд төлбөрийн тэнцлийн урсгал дансны алдагдал ДНБ-ий дөрвөн хувь руу буурсан байна. Хэдийгээр түүхий эдийн зах зээлийн таатай нѳхцѳл байдлыг дагаад гадаадын хѳрѳнгѳ оруулалттай уул уурхайн компаниудын ашигт ажиллагаа оны сүүлийн улирлуудад нэмэгдсэнээр орлогын дансны алдагдал тэлсэн боловч цар тахлын нѳлѳѳгѳѳр бараа болон үйлчилгээний импорт эрчтэй буурчээ.

Эдийн засгийн идэвхжлийг дагаад хөрөнгө оруулалтын шинж чанартай бараа бүтээгдэхүүн болон удаан эдэлгээт хэрэглээний бараа бүтээгдэхүүний импорт буурах хандлагатай байв. Мөн цар тахлаас урьдчилан сэргийлэх арга хэмжээ, хилийн хязгаарлалтаас үүдэн бизнесийн үйлчилгээ, ачаа тээвэр болон аялал жуулчлалын зардал хэмнэгдсэнээр урсгал тэнцэл дээр ирдэг дарамт ихээхэн буурчээ.

Санхүүгийн дансны хувьд Оюутолгойгоос орж ирэх гадаадын шууд хөрөнгө оруулалт өмнөх төсөөллөөс $370 саяар буурч, бусад секторт төдийлөн өсөхгүй төлөвтэйг тус тайланд онцолжээ. Энэ нь цаашид хөрөнгө оруулалтын бодлогод анхаарах хэрэгцээ шаардлага ЗГ-т бийг харуулж байгаа юм.

Багцын хөрөнгө оруулалт дээр 2021 онд томоохон дүнтэй өр төлбөр байхгүй нь эерэг дүр зургийг бий болгож байна. Эргэн төлөх хугацаа нь ойртоод байсан Мазаалай болон Чингис бондын дийлэнх хэсгийг дахин Номад бондоор дахин санхүүжүүлсэн нь үүнд нөлөөлжээ.

График: Гадаад валютын албан нөөц, сая ам.доллар

Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

/*-*/ 2021-04-08 49.0.142.40

Xятадын тал нүүрс зэс авахаа зогсоочоод байхад юун гадаад худалдаа ашигтай байх нь гэж улин хуцаад тэнэг хүн хуурч байгаа аятай тархи угаагаад байгаа суртал ухуулагчид вэ псдаа

NewsMN Гар утасны хувилбар Татах
NEWS.mn

Мэдээллийн эх сурвалж