Барбадосоос гаралтай алдарт дуучин Рианна өнгөрсөн долоо хоногийн амралтын өдрүүдээр Нью-Йорк хотод болсон азиудын ялгаварлан гадуурхахын эсрэг жагсаалд туслахтайгаа хамт нүүрээ нуун байж оролцжээ.

Рианнагийн туслах Тина Труоны цахим хуудсандаа нийтэлсэн зурагт Рианна битүү, хар хувцас өмсөн, нарны шил, амны хаалт, малгайгаар нүүрээ нуусан байх аж. Өдгөө 33 настай Рианна нэг талдаа неон ягаан өнгөтэй, “Азиудыг үзэн ядахаа боль” гэсэн бичигтэй, нөгөө талдаа неон ногоон өнгөтэй, “Үзэн ядалт бол бурханы эсрэг ялгаварлан гадуурхалт” хэмээх үгтэй самбар барьжээ.

.@rihanna protesting against racial discrimination and violence targeting the Asian community in NYC. #StopAsianHate  #StopAAPIHate pic.twitter.com/lRpvDuyzi1

— FentyStats.com (@FentyStats) April 5, 2021

Харин түүний туслах Труон өөрөө “Танд муухай өдөр тохиолдлоо гээд бусдыг үзэн ядах ёсгүй” хэмээх утгатай үгтэй самбар барьсан аж. Тэрбээр өнгөрсөн сард Атлантад нэгэн гэмт хэрэгтэн муухай өдөр тохиолдсон гэх шалтгаанаар найман хүн хөнөөсний зургаа нь ази хүн байсныг дурсан тус самбарыг барьжээ.

Хэдийгээр дуучин Рианнаг өмссөн хувцаснаас нь болоод таних аргагүй байсан ч жагсагчид нэгэн үйл явдлаар түүний мөн гэдгийг баталжээ. Тухайлбал, нэгэн жагсагч түүнээс Инстаграм хаягийг нь асуусанд Рианна утсан дээр нь өөрийнхөө Инстаграм хаягийг бичиж өгчээ.

Rihanna giving her Instagram handle to protesters at the #StopAsianHate march in NYC. pic.twitter.com/3g4uG7PPs3

— Rihanna News (@TeamOfRihanna) April 5, 2021

Эх сурвалж: NEXTSHARK