Нийслэлийн боловсролын газраас их дээд сургуульд элсэгчид ЭЕШ-даа амжиж бүртгүүлэхийг сануулав. Бүртгэл энэ сарын 20-нд 18:00 цагт дуусах юм. Тус газрын мэдээлснээр заасан хугацаанаас хойш дахин бүртгүүлэх боломжгүй аж. Одоогоор элсэгчдийг цахимаар бүртгэж байгаа юм.

Ерөнхий боловсролын сургууль төгсч буй ахлах ангийн сурагчид  бүртгэлийн дугаар, нууц үгээ ашиглан https://eyesh.eec.mn/ цахим хуудасны "Шалгуулагчийн булан"-аар нэвтэрч "Бүртгэлийн хуудас"-ны "Хэвлэх" гэсэн хэсэгт дарж бүртгэлийн хуудсаа хэвлэн авах юм. Хэвлэж авсан бүртгэлийн хуудас дээрээ тухайн сурч буй сургуулийнхаа захирлаар гарын үсэг зуруулж, тамга даруулан баталгаажуулах юм байна.