Баян-Өлгий аймагт Covid-19 илэрч тэг зогсолт хийлээ | News.MN

Баян-Өлгий аймагт Covid-19 илэрч тэг зогсолт хийлээ

Баян-Өлгий аймагт Covid-19 илэрч тэг зогсолт хийлээ

Баян-Өлгий аймагт Covid-19 илэрч тэг зогсолт хийлээ

Баян-Өлгий аймагт өчигдөр /2021.04.06/ Covid-19 халдварын нэг тохиолдол батлагджээ. Тодруулбал, халдвар авсан иргэн Баян-Өлгий аймгийн харьяат бөгөөд Улаанбаатар хотод эмчлүүлж байгаад энэ сарын 4-нд Өлгий хотод ирсэн аж. Тухайн иргэнийг аймагт ирэх үед хоёр удаа түргэвчилсэн оношлуураар шинжилгээ авахад эерэг гарсан тул нэн даруй тусгаарласан байна. Улмаар PCR-ын шинжилгээгээр халдвар авсан нь батлагджээ.

Батлагдсан тохиолдлын бие хүндэвтэр, чихрийн шижин, бөөрний дутагдалтай архаг суурь өвчтэй гэдгийг тус аймгийн Эрүүл мэндийн газраас мэдээллээ. Одоогоор тухайн иргэнтэй Улаанбаатар хотоос цуг ирсэн есөн хүнийг аймгийн Авто тээврийн төвд тусгаарлажээ.

Халдвар бүртгэгдсэн тул аймаг, сумдаас гарах, орох хөдөлгөөнд хязгаарлалт тогтоохоор болжээ. Мөн аймгийн хэмжээнд өнөөдөр 06.00 цагаас эхлэн 48 цагийн хугацаатай тэг зогсолт хийгээд байна.

Баян-Өлгий аймагт халдварын шинэ тохиолдол батлагдсанаар Монгол Улсын 17 аймагт Covid-19 бүртгэгдлээ. Үүнд, Дундговь, Говь-Алтай аймгуудад халдвар бүртгэгдээгүй буюу ногоон бүс хэвээр байна. Мөн Дорнод аймагт бүртгэгдсэн сэжигтэй тохиолдлын PCR шинжилгээний хариу сөрөг гарсан болохыг аймгийн Шуурхай штабаас мэдээллээ.

Ц.ЯНЖИНДУЛАМ

Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ж.Онгар 2021-04-06 202.179.21.201

Өнөөдрийн эрүүл мэндийн 11 цагийн мэдээллээр БӨ-д гарсан ковидын халдварын талаар юм яригдаагүй. Ер нь халдвар баталгаажсан нь үнэн болов уу?

Avatar

Badarch taxar 2021-04-06 192.82.86.173

Busad aimguudad delgereed baihad yundaa hostordog yum 1 garaad horiogoor shagnuulalgvi yahaw

NewsMN Гар утасны хувилбар Татах
NEWS.mn

Мэдээллийн эх сурвалж