УИД-ийн 24 тэрбумын хохиролтой галын хэргийг шүүхэд шилжүүлжээ | News.MN

УИД-ийн 24 тэрбумын хохиролтой галын хэргийг шүүхэд шилжүүлжээ

УИД-ийн 24 тэрбумын хохиролтой галын хэргийг шүүхэд шилжүүлжээ

УИД-ийн 24 тэрбумын хохиролтой галын хэргийг шүүхэд шилжүүлжээ

Улсын их дэлгүүрт өнгөрсөн 2020 оны зургадугаар сарын 7-нд гал гарч, 5, 6, 7 дугаар давхар бүхэлдээ шатсан. Гал түймрийн улмаас тус барилгын 1-7 дугаар давхарт худалдаа, үйлчилгээ эрхэлдэг нийт 125 хүн, хуулийн этгээдийн үйл ажиллагаа бүхэлдээ тасалдан эд хөрөнгө, барилга байгууламжийг болгоомжгүйгээр устгаж гэмтээн, нийт 24.023.847.554 төгрөгийн их хэмжээний болон ноцтой хохирол учирсан юм.

Жил гаруйн хугацаанд шалгагдсан дээрх хэрэгт Нийслэлийн прокурорын газраас гуравдугаар сарын 26-ны өдөр яллах дүгнэлт үйлдэн шүүхэд шилжүүлжээ.

Тодруулбал, “Ай Ти Эн” ХХК-ийн захирал Ц нь 2020 оны тавдугаар сарын 20-ны өдөр “Улсын их дэлгүүр” ХК-тай Улсын их дэлгүүрийн зургадугаар давхрын парпедны хар цаасан дээвэр солих ажлыг хийж гүйцэтгэх гэрээ байгуулжээ. Тус компани нь барилгын үйл ажиллагаа явуулах тусгай зөвшөөрөлгүй, энэ чиглэлээр мэргэшээгүй атлаа мэргэжлийн бус Б, Б, Т, О нартай аман гэрээ байгуулан, дээрх ажлыг хийж гүйцэтгэхдээ ноцтой зөрчил дутагдлууд гаргасны улмаас гал алдаж, бусдад их хэмжээний хохирол учруулсан байна. Тухайлбал, барилгын үйлдвэрлэлд дагаж мөрдөх хамгаалал, аюулгүй ажиллагааны дүрэм, ажлын байрны зааварчилгаа өгөх аргачилсан зөвлөмж зэргийг өгөөгүйн улмаас гал гарсан гэж прокуророос дүгнэжээ.

Хэргийг эргэн сануулахад, 2020 оны зургадугаар сарын 7-ны өдөр Б нь газ, газан хошуу ашиглаж, элэгдэлд орсон хуучирсан дээврийн хар цаасыг солихдоо ил галаар халааж, наах ажлыг гүйцэтгэхдээ гал алдсан байна. Улмаар Нийслэлийн прокурорын газраас яллагдагч Ц, Б нарт Эрүүгийн хуулийн тусгай ангийн 17.11 дүгээр зүйлийн хоёр дахь хэсэгт зааснаар буюу бусдын эд хөрөнгийг болгоомжгүйгээр устгаж, гэмтээн ноцтой хохирол учруулсан гэсэн үндэслэлээр яллах дүгнэлт үйлдэн, Чингэлтэй дүүргийн Эрүүгийн хэргийн анхан шатны шүүхэд шилжүүлжээ.

Э.БУРАМ

Энэ мэдээнд өгөх таны сэтгэгдэл?
15
ХарамсалтайХарамсалтай
3
ЗөвЗөв
1
ХахаХаха
1
ГайхмаарГайхмаар
1
ТэнэглэлТэнэглэл
1
БурууБуруу
0
ХөөрхөнХөөрхөн
Баярлалаа!

Холбоотой мэдээ

22 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-05 192.82.71.93

Arig bankaar vilchlvvlerei hvmvvsee ymarch vilchlvvlegchgvi ene bank balarch bna

Avatar

Зочин 2021-04-05 202.131.243.186

Гал түймрийн улсын хянлтын байцаагчийн дүгнэлт гэхэд арай л хайнга дүгнэлт гаргасан байна. илүү нарийн шалтгаан нөхцөл байдлыг тодруулаагүй л байна даа. тэгэхээр хэдхэн сарын хорих ял өгөөд номин шатсан шиг шатаад өнгөрөхөөр харагдаж байна

Avatar

Зочин 2021-04-05 49.0.142.200

хөөсөнцөр

Avatar

хотын уугуул иргэн 2021-04-05 192.82.71.122

Номин өөрөө буруутай. Мөнгөндөө нарийлж, мэргэжлийн бус гудамжны хүмүүстэй гэрээ байгуулсан. Өөрсдөө хохирлоо төлнө биз. Харин яллагдагч гэх Ц, Б нарын чихийг огтолж авна биз. Шунавал шулам болдгийн тод жишээ бол энэ. Ер нь, Улсын Их дэлгүүрийг энэ нөхөд хэзээ, яаж хувьчилж луйвардаж авсныг нийтэд ил болгох цаг нь болсон. Нүгэл нүдээрээ гэж энэ дээ. Галын дөл улам дээшээ…

Avatar

Зочин 2021-04-05 202.9.46.131

Uhsen baasaaraaa chi hotiin uuguul irgen bdiin hahaha chihiig ni ogtolj avch gej baih shig mal yumuu hodoo yavaach malaaa uhsnee hotod amidraad bgaan

Avatar

Зочин 2021-04-05 203.91.115.56

х****л идсэн номингийнхон жижг хувьцаа эзэмшигч нартаа хэзээ ч ноогдол ашиг өгч байгаагүй. Хохинээ л гэедаа

Avatar

Зочин 2021-04-05 202.21.108.147

Номингоор гаргуул

Avatar

иргэн 2021-04-05 150.129.140.34

Номин компанийн эл/ агуулахын нярав арвайн гурилан нүүрт Ариунтуяа гэж шүүр унаж, бал барьсан шулам

Avatar

зочин 2021-04-05 203.91.115.247

Хэр баргийн аавын хүү дээвэр засдаггүйг Говь ХК батлаад өгсөн байхад би чаднаагаар хийлгэж л байдаг

Avatar

Зочин 2021-04-05 150.129.143.53

Харамч хүн 2 удаа төлнөө гэж

Avatar

хүннү 2021-04-05 202.179.27.149

Номин ходинг нь өөрөө Номин констракшин гэж барилгын компанитай биш бил үү? Туул голын эргийг тэр чигээр нь авсан биз дээ?

Avatar

Дорж 2021-04-05 2.132.235.15

Буруутай этгээдүүдийг насаар нь шоронд хориход, хохирогчдын 24 000 000 000 төгрөг нөхөн төлөгдөх үү?
Тэр их хохиролыг хэн төлөх үү?
Даатгалын байгууллага төлөх үү?

Avatar

Зочин 2021-04-05 202.9.46.80

Их дэлгуур жижиг хувьцаа эзэмшигчдийг хууран ашиггуй ажилладаг гэж нэг ч удаа ноогдол ашиг огч байгаагуй одоо бур ашгуй юм болж байх шиг байна номин бол зугээр талбай турээсэлдэг гэж хэлдэг

Avatar

zochin 2021-04-05 122.201.23.84

Номин компани ажил эхлэхээс өмнө гүйцэтгэгч байгууллагын ажилтнуудад аюулгүй ажиллагааны зааварчилгаа өгөх ёстой байсан

Avatar

Зочин 2021-04-05 202.9.46.137

Энэ талаар томоохон баримтат кино хийж бүх ВТ-ээр цацаж бусдад сургамх болгох хэрэгтэй. Хэдэн залуус ажил амьдралаа залгуулах гэж яваад дааж давшгүй өрөнд орсон байна. Болгоомж, Сахилга бат,, Дүрэм журам, Хариуцлага!

Avatar

зочин 2021-04-05 180.149.96.131

Мэргэжлийн гэдэг ойлголт огт байхгүй болсны гай л даа. Барилгын салбарт тэр аяараа Би чадна-ууд. Байранд ч амьдарч үзээгүй нөхөр гэнэт байшин барих болчдог байдал хаа сайгүй байна дөө.

Avatar

зочин 2021-04-05 210.153.194.19

Битгий ийм ахархан бодолтой байлдаа, байранд амьдраагүй байлаа гээд барилга дээр ажиллаж чадахгүй гэсэн үг биш шдээ, уулын мод урттай богинотой байдым шүү. хүн болгон адилгүй.

Avatar

Зочин 2021-04-05 202.126.89.53

Зөвшөөрөлгүй, мэргэшээгүй компанитай гэрээ байгуулж, харилцагчдыг хохироосон Номин компанийг бас шүүхэд өгөөч. Новшийн луйварчин компани

Avatar

Зочин 2021-04-05 202.126.89.98

Номингийхан тэр муу гэрээт компаниараа туг тахиад өөрсдөө цэвэрхэн гарч байгаа биз. Шуналтай бэрдүүд шүү.

Avatar

Зочин 2021-04-05 103.9.90.100

цагаан давааны галын хэрэг юу болсон бэ, өчнөөн хүн нас барсан хэрэг

Avatar

Зочин 2021-04-05 139.5.218.146

Технологи мэдэхгүй хүмүүс олон шүү. Мэргэжлийн үнэмлэх олгодог тогтолцоо буруудаж гажсан байгаа учраас муу мэргэжилтэн олон болсон.

Avatar

иргэн. 2021-04-05 64.119.22.239

Манай улс Энхбаярын Засгийн газраас эхлээд мэргэжлийн хүнийг тоохоо болиод мөнгө, цүнх баригч нараар ажлаа хийлгэдэг болсон яваандаа ийм чухал мэргэжил, мэдлэг, туршлага шаардсан ажлыг сурагаар танил талаараа хийлгэснээс энэ олон тэрбум төгрөгийн хохирол гаргаж хийсэн хүн хийлгэсэн али али нь дааж давашгүй зовлон гачлалд орж байна даа.

NewsMN Гар утасны хувилбар Татах
NEWS.mn

Мэдээллийн эх сурвалж