Ухаад орхисон нүх, овоолсон шороо зэргийг цэгцлэхийг үүрэг болголоо | News.MN

Ухаад орхисон нүх, овоолсон шороо зэргийг цэгцлэхийг үүрэг болголоо

Ухаад орхисон нүх, овоолсон шороо зэргийг цэгцлэхийг үүрэг болголоо

Нийслэлийн Удирдах ажилтнуудын шуурхай зөвлөгөөн өнөөдөр боллоо. Зөвлөгөөний эхэнд Нийслэлийн Засаг дарга бөгөөд Улаанбаатар хотын захирагч Д.Сумъяабазарын өнгөрсөн долоо хоногт өгсөн үүрэг, даалгаврын биелэлтийг НЗДТГ-ын Хяналт, шинжилгээ, үнэлгээний хэлтсийн дарга Х.Гантулга танилцуулсан юм. Тухайлбал, Нийслэлийн Засаг дарга “Коронавируст халдвар (Ковид-19)-аас сэргийлэх, тархалтыг бууруулах зарим арга хэмжээний тухай” А/221 дүгээр захирамжийн хэрэгжилтийг зохион байгуулж, нэгдсэн удирдлага, арга зүйгээр хангаж, иргэдэд сурталчлан, анхааруулга, зөвлөмж, сэрэмжлүүлгийг шуурхай мэдээлж ажиллахыг үүрэг болгосон. Энэ хүрээнд нийслэлийн хэмжээнд давхардсан тоогоор худалдааны 13327, хоол үйлдвэрлэл, үйлчилгээний 5733, ахуйн үйлчилгээний 3592, авто засвар үйлчилгээний 1061, бусад үйлчилгээний 2477  газарт буюу нийт 26190 газрыг хамруулан шалгаж, 8006 зөрчил илрүүлэн, 58.6 хувийг газар дээр нь арилгуулж, зөвлөн туслах үйлчилгээ үзүүлсэн байна.

1267 метр  урт өнгө үзэмжгүй, стандартад нийцэхгүй хайс, бетон хаалт байна

Мөн нийслэлийн  зургаан дүүргийн нутаг дэвсгэрт дэд ажлын хэсгүүд байгуулагдан, барилгын хашаа, түр хашааны норм дүрэм, журам стандартад хяналт тавин ажиллаж байгаа бөгөөд 236 аж ахуйн нэгж, байгууллагад хяналт шалгалт хийж, зөрчилтэй аж ахуйн нэгж, байгууллага, иргэнд хугацаатай үүрэг өгч ажиллажээ. Түүнчлэн нийтийн эзэмшлийн гудамж, зам, талбайн гэрэлтүүлэг хариуцсан байгууллагууд гуравдугаар сарын 29-нөөс дөрөвдүгээр сарын 2-ны хооронд гэрэлтүүлгийн удирдлагын 59 самбар, 164 гэрэлтүүлгийн шон, 230 гэрэлтүүлгийн толгой засвар, 4613 метр кабель цэгцлэх,  таван шонд таг хийж ажиллалаа. Захирагчийн ажлын албанаас нийслэлийн нийтийн эзэмшлийн гудамж талбай, орон сууцны хороолол доторх өнгө үзэмжгүй, стандартын шаардлага хангаагүй хайс, бетон блокыг илрүүлэн засаж сайжруулах, зөрчлийг арилгах хүрээнд нийслэлийн төвийн зургаан дүүргийн нутаг дэвсгэрт үзлэг шалгалт хийсэн байна. Үзлэг шалгалтаар төвийн зургаан дүүргийн 73 байршилд 1267 метр  урт өнгө үзэмжгүй, стандартад нийцэхгүй хайс, бетон хаалт байгаа талаарх шалгалтын дүнг танилцууллаа.

Дархлаажуулалтын давтан тунг дөрөвдүгээр сарын 9-нөөс эхэлнэ

Энэ үеэр Нийслэлийн Эрүүл мэндийн газрын дарга Б.Бямбадорж коронавирусийн халдварын өнөөгийн нөхцөл байдал болон дархлаажуулалт, шинжилгээний цэгүүдийн талаарх мэдээлэл өгсөн юм. Тодруулбал, Улаанбаатар хотод коронавирусийн халдвар авсан хүний тоо 8802 болсон бөгөөд сүүлийн 24 цагт 409 хүн халдвар авчээ. Дархлаажуулалтад нийт 346743 хүн хамрагдаад байгаагаас сүүлийн 24 цагт 18241 хүн вакцин хийлгэсэн байна. Ковидын улмаас хэвтэн эмчлүүлж байгаа 1152, гэрийн тусгаарлалт эмчилгээнд 1461, гэрийн ажиглалтад 6400 хүн байгааг танилцууллаа. Мөн тэрбээр “Нийслэлийн хэмжээнд дархлаажуулалтын 69 цэг ажиллаж, 30 мянган иргэнийг вакцинжуулахаар төлөвлөсөн. Дархлаажуулалтын давтан тунг дөрөвдүгээр сарын 9-нөөс хийж эхлэх тул цэгийн тоог 80 болгоно. Дархлаажуулалтад ажиллах 658 резидент эмчийг хуваарилан ажиллуулж эхэлсэн. Нийслэлийн хэмжээнд шинжилгээний 11 цэг тогтмол ажиллаж байна. Мөн шинжилгээний явуулын гурван баг ажиллаж байгаа” хэмээн ярилаа.

Д.Сумъяабазар: НМХГ болон Улаанбаатар хотын Захирагчийн ажлын албанд аудит оруулна

Нийслэлийн удирдах ажилтнууд өгсөн үүрэг даалгаврын биелэлтийг танилцуулсны дараа Нийслэлийн Засаг дарга бөгөөд Улаанбаатар хотын Захирагчийн ажлаа эрчимжүүлж, өгсөн үүрэг, даалгаврыг цаг тухайд нь биелүүлж, шуурхай ажиллахыг сануулсан. Нийслэлийн мэргэжлийн хяналтын газар болон Улаанбаатар хотын Захирагчийн ажлын албанд хандсан гомдол иргэдээс их ирж байгаа тул аудит оруулна гэдгийг хэллээ. Түүнчлэн нийслэлийн хэмжээнд голомт бүхий объект, байршилд халдваргүйжүүлэлтийн ажлыг өргөн хүрээтэй зохион байгуулж ажиллах, иргэдийн амьдрах орчныг сайжруулах ажлын хүрээнд дүүргүүдийн нутаг дэвсгэрт байгаа барилгын болон бусад чиглэлээр ухаад орхисон нүх, овоолсон шороо зэргийг цэгцлэх ажлыг зохион байгуулахыг холбогдох албаныханд үүрэг болгосон юм. Мөн Богд уул, Туул голын эрэг дагуух тохижилтын ажлуудыг шуурхай эхлүүлж, эрүүл, аюулгүй, өнгө үзэмжтэй, стандарт норм, дүрмийг мөрдүүлж, хэрэгжилтэд хяналт тавьж ажиллах, нийслэлийн хэмжээнд иргэд, аж ахуйн нэгж, байгууллагуудыг шар усны үерээс урьдчилан сэргийлэх арга хэмжээ авч ажиллах үүрэг, даалгавар өглөө.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Энэ мэдээнд өгөх таны сэтгэгдэл?
2
ХахаХаха
1
ЗөвЗөв
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-05 202.9.46.234

СБД 45 байр буюу биитлзийн хөшөөний зүүн талын 2 байрыг холбоод байшин барих гэсэн бузар луйврыг зогсоогоод өгөөрэй

Avatar

Зочин 2021-04-05 202.9.46.234

Хотын даргын сонорт СБД 45 дугаар байр буюу биитлзийн хошооний зүүн талын 2 байрыг холбож барих гээд 20 гаруй жил боллоо тэмцээд бариулаагүй тул хашаад манаач тавиад аога болсон Та энэ бузар үйлдлийг шийдээд засаад энэ хөвийн хөгшчүүлийг дэмжээд өгөөч.

Avatar

ИРГЭН 2021-04-05 202.9.46.159

ХОТЫН ДАРГА АА… ХАН-УУЛ ДҮҮРГИЙН ЗДТГ-ЫН ЗҮҮН ТАЛААР УРАГШ ЯВСАН АВТОЗАМЫН ХАЖУУГИЙН ЯВГАН ХҮНИЙ ЗАМ ДЭЭР 2 ТОМ НҮХ ГАРААД УДЛАА. /ХАН-УУЛ ТАУРААС УРАГШ 50 М-Т/ ХЭЗЭЭ ХҮН БЭРТЭХИЙГ ХҮЛЭЭЖ БАЙХ ШИГ.. ЗАМЫГ НЬ СЭТЛЭЭД ОВООЛСОН ШОРОО НЬ ХЭДЭН ЖИЛ ХЭВТЭЖ БАЙНА. ҮҮНИЙГ ЗАСАЖ ТОХИЖУУЛДАГ ГАЗАР ХАН-УУЛД Л ЛАВ АЛГА .

Avatar

Нхөрөоаоала 2021-04-05 202.70.33.242

Хороон дарга нар өрөөнд сууж эсвэл гарахаараа сонгууль ярьчихаад хэдэн идэвхитнүүдээрээ цаас тараалгачихаад сууж байдгаа болио. Энэ хүн уг нь хорооны эмх цэгц, соёл ахуйн аюулгүй байдлыг хариуцаж ажиллах ёстой байтал гудамж байраар үзэгдэх ч үгүй юм. Явган хүний замгүй хайс хашаа хатгасан газар хүртэл их байх юм ажлаа гадуур явж хийгээч ээ

Avatar

Сар 2021-04-05 202.70.33.242

Хорооны дарга идэвхитэн нар цалин авч байж ажлаа ер хийхгүй юм. Босго даваад л хог, эвдэрхий шат хайс, онгорхой нүх унжиж урагдсан хаяг реклам, ухаад овоолоод хаясан явган хүний талбайн тоосго, үерийн усаар урсаж ирсэн нарийн шороо зам талбайд машин тавьсан газарт өвөлжиж хаваржаад байхад өвөл цас орсон шороо бужигнахгүй болсон байгаа дээр хэдэн байрны үйлчлэгчээрээ шүүрдүүлээд зайлуулчихгүй юм. Одоо дулаан ороод ирэхээр нөгөө шороо нь бужигнаад эхлэнэ. Хоррон дарга идэьхитэнүүдээ ажиллуулаачэ

Avatar

зочин 2021-04-05 202.179.27.158

гантөмөр тэргүүтэй нөхдийн ажлыг сайн шалгаарай их ч идэж уусан даа

Avatar

ИРГЭН 2021-04-05 202.9.46.159

ХОТЫН ДАРГА АА… ХАН-УУЛ ДҮҮРГИЙН ЗДТГ-ЫН ЗҮҮН ТАЛААР УРАГШ ЯВСАН АВТОЗАМЫН ХАЖУУГИЙН ЯВГАН ХҮНИЙ ЗАМ ДЭЭР 2 ТОМ ХҮН ГАРААД УДЛАА. /ХАН-УУЛ ТАУРААС УРАГШ 50 М-Т/ ХЭЗЭЭ ХҮН БЭРТЭХИЙГ ХҮЛЭЭЖ БАЙХ ШИГ.. ЗАМЫГ НЬ СЭТЛЭЭД ОВООЛСОН ШОРОО НЬ ХЭДЭН ЖИЛ ХЭВТЭЖ БАЙНА. ҮҮНИЙГ ЗАСАЖ ТОХИЖУУЛДАГ ГАЗАР ХАН-УУЛД Л ЛАВ АЛГА .

Avatar

Зочин 2021-04-05 66.181.176.180

Стандартад нийцэхгуй бараа нийлуулсэн байгууллага, хулээж авсан албан тушаалтнуудад хатуу шийтгэл хулээлгэ!!!

NewsMN Гар утасны хувилбар Татах
NEWS.mn

Мэдээллийн эх сурвалж