Л.Оюун-Эрдэнэ, Х.Нямбаатар нар Рио-Тинтод 34 хувиа зарах уу? | News.MN

Л.Оюун-Эрдэнэ, Х.Нямбаатар нар Рио-Тинтод 34 хувиа зарах уу?

Л.Оюун-Эрдэнэ, Х.Нямбаатар нар Рио-Тинтод 34 хувиа зарах уу?

Л.Оюун-Эрдэнэ, Х.Нямбаатар нар  Рио-Тинтод 34 хувиа зарах уу?

Улстөрчдийн 10 гаруй жил ярьж байгаа “хэрүүл” буюу  Оюутолгойн төсөлтэй холбоотой асуудал сүүлийн үед олон нийтийн анхаарлын төвд байна. Монгол Улсын Засгийн газар болон "Рио Тинто" компани нь 2009 онд Оюутолгойн хөрөнгө оруулалтын гэрээг байгуулсан байдаг. Уг гэрээнд зааснаар "Оюутолгой" компанийн 34 хувийг Монголын тал эзэмшдэг. Үлдсэн 66 хувийг "Туркойз Хилл Ресурс" гэх охин компаниараа дамжуулан "Рио-Тинто" эзэмших болсон юм. Оюутолгойн төсөл хөдөлж эхэлснээс хойш өнгөрсөн 10 жил улстөрчдийн попрох сэдэв нь байсан гэж хэлж болно. Учир нь улстөрчдийн дийлэнх нь төслийг хаая, зогсоох гэж хэлэх нь илүүтэй. Харин эдийн засагчдын хувьд эсрэг байр суурь илэрхийлдэг. Оюутолгойн төслийг зогсоовол Монголын эдийн засагт том хохирол авчирна гэдэг бодитой шүүмжлэлийг дэвшүүлдэг.

Хөрөнгө оруулагч тал гэрээгээр хүлээсэн зарим үүргээ ажил хэрэг болгоогүй нь үнэн. Тухайлбал, 2009 онд байгуулсан анхны гэрээнд 2013 онд Тавантолгой ордыг түшиглэж, цахилгаан станц байгуулна гэж заасан. Гэтэл өнөөдрийг хүртэл Хятадаас эрчим хүчээ авч, жилд 200 гаруй сая ам.долларыг зөвхөн эрчим хүч худалдаж авахад зарцуулж байна.

Хоёрт, Монголчууд өрөнд орсон. Гуравт, 2009 онд байгуулсан Хөрөнгө оруулалтын гэрээний зардлыг нөхсөний дараа 2024 оноос Монгол Улс 50-иас дээш хувийг эзэмших хүлээлт байсан ч энэ нь 2041 он хүртэл хойшлогдож, ингэхдээ үлдэж буй 16 хувийг худалдаж авах ийм л нөхцөл байдал үүссэн. Хөрөнгө оруулалтын хэмжээ нэмэгдэх хэрээр Монголын талын ашиг хүртэх хугацаа нь хойшлогдоно. Айлын тал хөрөнгө оруулалтын зардлаа нөхөж дууссны дараа нь баялгийн эзэн хувь эзэмшинэ гэсэн үг. Анхны хөрөнгө оруулалтын хэмжээ 5.3 ам.доллартой тэнцэнэ гэж байсан ч одоо энэ нь хоёр дахин нэмэгджээ.

Оюутолгой төслийн хоёр дахь шатны санхүүжилтийн гэрээнд гарын үсэг зурах ёслол 2015 онд болж, далд уурхайн бүтээн байгуулалтад 6 орчим тэрбум ам.доллар шаардлагатайгаас нийт 4.4 тэрбум ам.долларыг Олон улсын санхүүгийн таван байгууллага, гаднын нэр хүнд бүхий арилжааны 15 банкнаас 12-15 жилийн хугацаатай зээлэхдээ LIBOR+2.5, дээд тал нь LIBOR+4.75 хувийн хүүтэй 6.5 тэрбум долларыг зээлсэн байдаг. Далд уурхайн бүтээн байгуулалтыг 2021 онд ашиглалтад оруулахаар төлөвлөж байсан ч энэ хугацаа 22 сараар хойшилсон байна. Зардал нь 1 тэрбум 450 сая ам.доллар буюу 30 хувиар өсчээ.

Далд уурхайг аравдугаар сар гэхэд бүрэн ашиглалтад оруулахаар төлөвлөжээ.

Түүнчлэн “Өнөөгийн санхүүгийн загвараараа явах юм бол Монгол Улс 2039 он хүртэл өгөөж хүртэхгүй. Монголын талын 34 хувийг зээлээр авсан анхны 1 тэрбум нь одоогийн байдлаар 2.2 тэрбум болсон. Санхүүгийн бодит зах зээлийн өнөөгийн үнэлгээ 1.6 тэрбум буюу Монголын тал -600 сая ам.долларын алдагдалтайгаар 34 хувиа эзэмшиж буй.

УИХ-ын гишүүдийн зүгээс Оюутолгой төслийн гэрээг сайжруулахын тулд 34 хувиа  зараад, оронд нь АМНАТ-аа, бусад татвараа өндөр авч мөн мөнгөн гүйлгээгээ Монголоор дамжуулах ёстой гэдгийг хэлдэг.

Хөрөнгө оруулагч тал гэрээгээр хүлээсэн зарим үүргээ биелүүлээгүй учир Оюутолгой төслийн гаднын хөрөнгө оруулагч талтай хэлэлцээ хийх ажлын хэсгийг “Ерөнхий сайдын 2021 оны хоёрдугаар сарын 9-ний өдрийн 45 дугаар захирамжаар  байгуулсан. Тодруулбал, “Оюутолгой ордын ашиглалтад Монгол Улсын эрх ашгийг хангуулах тухай” УИХ-ын 2019 оны 92 дугаар тогтоолыг хэрэгжүүлэх ажлыг удирдан зохион байгуулах, Оюутолгой төслийн гаднын хөрөнгө оруулагч талтай хэлэлцээ хийх, төслийг тохирох, эцэслэсэн хувилбарыг танилцуулах үүрэг бүхий ажлын хэсгийг ХЗДХ-ийн сайдаар ахлуулсан. Харин ажлын хэсгийн бүрэлдэхүүнд УИХ-ын гишүүн Б.Бат-Эрдэнэ, Х.Болорчулуун, С.Ганбаатар, Ж.Ганбаатар, Ц.Даваасүрэн, Т.Доржханд, Г.Тэмүүлэн, О.Цогтгэрэл, Ерөнхийлөгчийн Тамгын газрын дарга Ө.Шижир, холбогдох Засгийн газрын гишүүд, албан тушаалтнууд оролцож ажиллаж байгаа.

Өчигдөр УИХ-ын чуулганы хуралдаанаар тус ажлын хэсгээс хэрэгжүүлж буй ажлын явцын талаарх мэдээллийг нээлттэй сонссон юм. Ажлын хэсгийн ахлагч өнгөрсөн хугацаанд Оюутолгой төслийн гадаадын хөрөнгө оруулагч тал болох Рио Тинто компанийн төлөөлөлтэй цахимаар уулзалт хийсэн. Рио Тинто компанийн Зэсийн группийн гүйцэтгэх захирал Б.Болд тэргүүтэй төлөөлөл Засгийн газрын ажлын хэсэгтэй яриа хэлэлцээ хийх зорилгоор Монгол Улсад ирээд байгаа бөгөөд уулзалт товлох хүсэлтийг хүлээн авчээ. УИХ-ын 2019 оны 92 дугаар тогтоолыг хэрэгжүүлэх, Рио Тинто компанийн төлөөлөлтэй яриа хэлэлцээг эхлүүлэх бэлтгэл ажлыг хангах зорилгоор Оюутолгой төслөөс Монгол Улсад ирэх үр өгөөжийг нэмэгдүүлэх, Оюутолгой төсөлтэй холбогдуулж байгуулсан гэрээнүүдийг сайжруулах чиглэлээр ажлын хэсгийн гишүүдээс албан ёсоор ирүүлсэн саналуудыг нэгтгэжээ.

Ажлын хэсгийн гишүүдийн олонх нь яриа хэлэлцээг хөрөнгө оруулагч талын төлөөлөлтэй эхлүүлж, УИХ-ын 2019 оны 92 дугаар тогтоолыг дараах үе шаттайгаар хэрэгжүүлэх байр суурийг илэрхийлсэн байна.

 1.Монгол Улсын Засгийн газар, Эрдэнэс Оюу Толгой ХХК болон Туркойс Хилл Ресурсес Лтд, Ти Эйч Ар Оюу Толгой Лтд, Оюу Толгой Нидерланд Би Ви, Рио Тинто Интернэшнл Холдингс Лтд, Оюу Толгой ХХК нарын хооронд 2015 оны 05 дугаар сарын 18-ны өдөр байгуулсан “Оюу толгойн далд уурхайн бүтээн байгуулалт, санхүүжилтийн төлөвлөгөө” болон “Оюу толгойн далд уурхайн бүтээн байгуулалт, санхүүжилтийн нэмэлт төлөвлөгөө”-г Монгол Улсын холбогдох хууль тогтоомжийн дагуу хүчингүй болгох.

    2.“Оюутолгой” ХХК-ийн татварын хяналт шалгалтын хүрээнд ногдуулсан нөхөн татвар, алданги, торгуулийг нэг мөр төлүүлж, татварын актуудыг хүлээн зөвшөөрүүлэх, татварын актад тусгагдсан асуудлаар дахин маргаан үүсгэхгүй, аливаа маргаангүй нөхцөлд яриа хэлэлцээг үргэлжлүүлэх шаардлагыг тавих.

    3.Хөрөнгө оруулалтын гэрээ, Дахин тодотгож нэмэлт, өөрчлөлт оруулсан Хувь нийлүүлэгчдийн гэрээ зэрэг Оюутолгой төсөлтэй холбогдуулж байгуулсан гэрээ, хэлцлийн хэрэгжилтийг дүгнэж, Монгол Улсад хүчин төгөлдөр мөрдөгдөж буй хууль тогтоомж, Монгол Улсын эрх ашигт нийцүүлэн сайжруулахаар хэлэлцээ хийх.

 “Оюутолгой” ХХК-ийн 2013-2015 оны үйл ажиллагаанд татварын хяналт шалгалт хийхэд нийт 2 их наяд 387 тэрбум төгрөгийн зөрчил илэрсэн тул 377 тэрбум төгрөгийн татварын акт тавьсан байдаг. Харин 2016-2018 оны үйл ажиллагаанд 2020 онд татварын хяналт шалгалт хийгээд, нийт 7 их наяд 429.7 тэрбум төгрөгийн зөрчил илрүүлэн тул 649.4 тэрбум төгрөгийн татварын акт тавьжээ. Эхний буюу 2018 оны 377 тэрбум төгрөгийн татварын актыг хүлээн зөвшөөрөөгүй тул маргаан үүсгэж Лондонгийн арбитарт хандсан. Өнөөдрийг хүртэл маргаан үргэлжилсээр байгаа.

“Дубайн гэрээ” буюу Оюутолгойн далд уурхайн бүтээн байгуулалт, санхүүжилтийн төлөвлөгөөг цуцлах асуудал амжилттай үргэлжилж байгаа гэдэг мэдээллийг ажлын хэсгийн ахлагч өгч байна. Хөрөнгө оруулагч талаас дээрх төлөвлөгөөг цуцлахад бэлэн байна гэсэн саналаа ч мөн илэрхийлжээ. Монгол Улсын Засгийн газрын зүгээс ямар нэг нөхцөлгүйгээр цуцлах саналтай байгаа гэх ч ажлын хэсэгт орсон зарим гишүүн цуцлахгүйгээр хэлэлцээр хийх, сөрөг нэхэмжлэл гаргах замаар арбитраар асуудлыг шийдэх санал гаргасан байна. Нэг асуудал дээр дотооддоо ийм өөр, өөр байр суурьтай байгаа, цаашдаа энэ асуудлаарх байр сууриа нэгтгэсний дараа үүнийгээ Монгол Улсын Засгийн газар нөгөө талд зохих ёсоор илэрхийлэх нь зүйтэй гэсэн байр суурийг ажлын хэсгийн ахлагч Х.Нямбаатар хэлсэн.

Хөрөнгө оруулагч тал Лондонгийн арбитрын маргааныг түр хойшлуулах саналыг өнгөрөгч Лхагва гаригт Монголын талд тавьжээ. Харин манай талаас хойшлуулахгүй гэдэг хариуг өгсөн байна.

"ЗЭЭЛИЙН ХҮҮНД ӨДӨРТ 1.8 САЯ АМ.ДОЛЛАР ЭРГЭН ТӨЛӨХ ТООЦООЛОЛ ГАРСАН"

Монгол Улс 71 хувийн өгөөж хүртэж, Оюутолгой 29 хувийг нь авна гэдэг сурталчилгааг анх хийж, гэрээ байгуулж байсныг зарим гишүүн чуулганы үеэр хөндсөн. “Оюутолгой” ХХК 2020 онд ил уурхайгаас 1.1 тэрбум ам.долларын борлуулалт хийсэн байна. 2020 онд ил уурхайгаас 149 мянган тонн зэсийн баяжмал, 182 мянган унц алтыг экспортолжээ.

2010-2019 оны хооронд нийтдээ 3 их наяд төгрөгийн татвар, хураамжийг “Оюутолгой” ХХК улс, орон нутгийн төсөвт төвлөрүүлсэн байна. 2010-2020 оны хооронд 2.8 орчим тэрбум ам.долларыг Туркойс Хилл Ресурсес Лтд, Рио Тинто Интернэшнл Холдингс Лтд төлжээ. “Оюутолгой” ХХК нийтдээ 11 тэрбум ам.долларын өртэй бөгөөд үүнээс 4.4 тэрбум ам.долларын төслийн санхүүжилтийн зээлийг ОУСК, ЕСБХБ, Хөгжлийн банк тэргүүтэй 20 орчим санхүүгийн байгууллага, компаниас авсан байна. Туркойс Хилл Ресурсес Лтд 7.7 тэрбум ам.долларын хувь нийлүүлэгчдийн зээлийг төлнө гэдэг мэдээллийг Х.Нямбаатар сайд тодотголоо. Зээлийн хүү ойролцоогоор жилийн 8 хувийн хүүтэй. “Оюутолгой” ХХК нэмэлт санхүүжилт авах шаардлагатай байгаа бөгөөд төслийн санхүүжилтийн зээлийн 2.4 тэрбум ам.долларыг эргүүлэн төлөх хугацааг таван жилээр сунгахаар төлөвлөж байгаа аж. “Оюутолгой” ХХК зээлийн санхүүжилт их байгаагаас үүдэн зээлийн хүүнд өдөрт 1.8 сая ам.доллар эргэн төлөхөөр тооцоо гарсан байгаа гэх тооцоолол гарсан байна.

Энэ мэдээнд өгөх таны сэтгэгдэл?
9
ТэнэглэлТэнэглэл
3
ЗөвЗөв
3
БурууБуруу
2
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

49 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-02 66.181.187.251

34 хувиа зарах нь зөв.Түүгээр барьцаалаад танайх хөр,оруулагч гэчихээд анхны хөр.ор-лалтаа дахин дахин нэмээд байна.Нөөц ашигласны төлбөрөө өндөр тогтоогоод авах хэрэгтэй.Хувьцааны ашгийг хэдээр ч гаргаж чадна.Зардлаа ихэсгээд тэг гаргана.

Avatar

Зочин 2021-04-02 150.129.142.199

НӨГӨӨ С БАЯР ГЭЖ ЯРВАЙСАН ГУЛГАЙЧ ӨДӨР БҮР НЭГ САЯ ДОЛЛОР АЛДААД БАЙНА ГЭСЭЭР БАЙГААД Л ГЭРЭЭ БАЙГУУЛСАН ОДОО ОЮУТОЛГОЙ ЗЭЭЛИЙН ХҮҮНД ӨДӨРТ 1,8 САЯ ДОЛЛОР ТӨЛНӨ ГЭНЭ ҮҮ ?

Avatar

Зураач Лондон 2021-04-02 2.222.173.253

Ёстой зөв ! Шинэ гэрээндээ өөр оронд шилжүүлэхийг хориглосон заалт оруулах хэрэгтэй !!!

Avatar

Зочин 2021-04-02 66.181.187.253

Бид 34 %-иа Рио Тинтод зарвал тэд хятадад зарчихаад гараад явчихнагэж бодож байнаа

Avatar

харамсалтай 2021-04-02 64.119.17.213

ТУЗ өөс нөгөө айхтар өвгөн багабандийг яагаад гаргахгүй байгаа юм вэ? ГАРГАНА гэсэн гаргаач. АВЛИГАЧДЫН байгуулсан гэрээг цуцлая.

Avatar

Зочин 2021-04-02 203.91.115.55

Яг зарна гэхээр бас л татганах байх даа. Энэ чинь эргэж олдохгүй шүү дээ. Уг нь 5-хан хувийг үнэгүй эзэмшээд л зарлагаа нөхөөгүй байхад ч гэсэн татвараар нийт орлогын 45-55 хувийг авч байвал сайхан л байх. Гэхдээ энэ засаг төр өөр хувилбарууд хайх байлгүй дээ. Арай ч мань шигээ мэдээлэлгүй харанхуй суугаагүй улс арай дөнгүүр тооцох байх аа. Гол нь улс төржмөөргүй байгаа юм.

Avatar

Зочин 2021-04-02 103.229.121.13

тэр уурхайгаас гарч байгаа бүх эрдэс баялагаа одоогийн зах зээлийн үнээр тооцоод мөн нэг сек_ д 1000 л ус хэрэглэж байгааг тооцож татвараа авч бүтээгдэхүүнээс гарсан ащигаа тодорхой хувиар хуваах тухай ярих болохоос тэр гадны компани зээлтэй байх үгүй нь бидний асуудал бищ Нямбаатар газар дээр нь үзлээ усаа дахин ащигладаг юм байна лээ тийм их ус хэрэглэдэггүй гэж ярьж байсан угаасаа уул уурхайн тёхнологи тийм байдаг юм ийм мэдлэгтэй хүмүүс сайн гэрээ хийж чадах уу ийм тэнэг хүмүүсээс би ичиж

Avatar

ИРГЭН 2021-04-02 202.9.46.15

ШИНЖЭЭЧИД, ЭДИЙН ЗАСАГЧИД, САНХҮҮЧДИЙН ЯРИАГААР ЗАРААД ОРОНД ТАТВАРАА АВААД ЯВАХ ХАМААГҮЙ АШИГТАЙ ГЭЭД БАЙГАА ЮМ ШИГ

Avatar

Хаха 2021-04-02 202.21.109.110

ХАРИН ТИЙМ ЗАРСАН ДЭЭР

Avatar

иргэн Б 2021-04-02 124.158.94.88

Хувь эзэмших ямар ч шаардлагагүй, зүгээр л гаргаж байгаа бүтээгдэхүүн дээр нь хатуу хяналт тавьж, баялгийн эзний хувьд татваруудаа тултал сайн авах хэрэгтэй.

Avatar

Зочин 2021-04-02 202.21.109.110

ЗӨВ

Avatar

МӨНХ 2021-04-02 192.82.69.68

САНГИЙН САЙД НЬ ХАА ЯВНАА. ЭДИЙН ЗАСАГ ОЙЛГОХГҮЙ ХОЁР НӨХӨР ЯААНАА.

Avatar

мгл 2021-04-02 192.82.69.205

талбай дээр ,сбаяр зоригт баярцогт элбэг сайхан балаг миеэ топор женко мэнгэт,уе уеиин уул уурхайн эрх мэдэлтнуудииг эхлээд шонд олгоод,дэлхии даяар цацья,дараа нь от гэрээг бурмосон цуцалж шинээр хиих!

Avatar

Зочин 2021-04-02 202.126.89.245

Chi Hyatadiin e****z bna.

Avatar

ЗОЧИН 2021-04-02 202.21.126.30

ЭЭ ДЭЭ ХИЧЭЭГЭЭРЭЙ. НААД 34 ХУВИАСАА САЛААРАЙ. АВДАГ АМНАТ, БУСАД ТАТВАР ХУРААМЖАА ОЛИГТОЙХОН АВАХАД Л БОЛНО. РИО ТИНТО ИХ ЗАРДАЛ ГАРГАХ НЬ МАНЬД ХАМААГҮЙ. БИД БОРЛУУЛАЛТАА ХЯНААД АВДАГ ЮМАА ЯС АВААД СУУЖ БАЙХАД Л ЖИЛД ТЭРБУМ АМ,ДОЛЛАР ОРЖ ИРНЭ ШДЭЭ ХӨ.

Avatar

Зочин 2021-04-02 103.57.92.155

Boloh l huvilbar. Daraa n tatvar, royaltygaa hangalttai avahaa bodson deer ch baih. Daahgui nohoi buluu huraana gegcheer mungugui baij 34huviig yaj ezemshih ve

Avatar

Зочин 2021-04-02 103.229.121.205

za es helluu ingeed buren hytadiin haiyand orvoo p***a

Avatar

Зочин 2021-04-02 202.55.188.36

намбаатар зайлаач

Avatar

Зочин 2021-04-02 192.82.68.233

ene tosol mash engiin luivar haragddag rio oorsdiin bankaar manaid mongo huuldeg bid yagaad 34% hudaldaj avdag bilee gazriin baylagiin ezen ooriihoo baylagiig hunees hudaldaj deeren huu toldog baij bolohuu enigma zasaad unegui ezemsheed tatvaraa darvaatal avah heregtee

Avatar

зочин 2021-04-02 192.82.86.218

Сайханбалаг энэ бэлтгэлийг 6 жилийн өмнө хангуулж, ашигт малтмалын хуульд 47-ын квадрат зүйлийг нэмсэн, нөөцийн төлбөрөө 5 хувь болгоё 34 хувийг та нар ав гэх юм байна л даа Рио Тинто үүнийг л хүсч байгаа. Хуульд энэ зүйлийг нэмсэн нь ч алсын бодлого байсан болох нь. Зэсийн үнэ ирэх он жилүүдэд тэнгэрт хадна, түүнийг орлох юм хийж чадахгүй. Чилийн ордуудын нөөц дуусч хэдхэн жилийн дараа хаагдах сураг байдаг.

Avatar

Зочин 2021-04-02 103.212.119.97

34 хувиа зарж хэрхэвч болохгүй. Харин бүр үнэгүй авах ёстой юм шүү дээ. Үнэгүй авах ийм боломж дахиж хэзээ ч олдохгүй шүү дээ малууд минь анх 34 хувийг үнэгүы авах асуудал яригдаж байсан юм шүү. Манай малууд яаж үхэртэх болдоо чааваас гэж

Avatar

Зочин 2021-04-02 202.131.243.190

34 huvia zarsan ni deer shyy Orond barigdaj ottei hool ideh chn dutaa yu

Avatar

ЗОЧИН 2021-04-02 202.126.89.187

УУРХАЙТАЙ УЛС НЬ ДОР ХАЯЖ 51% ЭЗЭМШДЭГ БАЙМААР !!! АЛИЙГАА АЛДСАН ГУЙЛАГЧИН ОРОН Л ДИЙЛЭНХЭЭС БАГА ХУВЬТАЙ ДЭЭРЭЛХҮҮЛЖ , ДОРОМЖЛУУЛЖ СУУХ ТАВИЛАНТАЙ ХОРВОО !!!

Avatar

Amar 2021-04-02 124.158.64.70

34%-н хувиа Энэтхэгт зарж тэнэгүүдийн тарьсан энэ гайнаас хурдан салсан нь дээр шүү.

Avatar

Зочин 2021-04-02 202.21.109.110

БОЛНО Л ДОО

Avatar

Зочин 2021-04-02 203.91.115.55

2021 оны эхний улирлын байдлаар нийт 5 трилион төгрөгний татвар төлөөд байгаа.

Avatar

Бид хяналт тавьж чадаагуйгээс л хохироод байна 2021-04-02 202.55.188.110

Тэд ашгаа нууж баахан алдагдалтай тайлан л гаргаж узуулдэг тэрэнд нь Монгол тер сохроор итгээд яваад байдаг тиймээс ОУ-ын аудит оруулж тогтмол шалгалт хийж байх, бух гуйлгээг нь Монголын арилжааны банкуудаар явуулах, олборлож гаргасан бутээгдэхуунийг Монголдоо хэмжилт хийж унэлдэг байх хэрэгтэй, туунээс биш ямар унэтэй бутээгдэхуун ямар хэмжээтэй гараад явсныг ч мэдэхгуй ийм хариуцлагагуй, эзэн нь байж ямар ч эрх мэдэлгуй байж болохгуй. Тер хянаж чадахгуй бол Монголын компанууддаа зарцан нь дээр

Avatar

ЗОЧИН 2021-04-02 192.82.74.73

ЗАР ГЭЭД ЗАРЧИХАЖ БОЛОХГҮЙ Л ДЭ. РИО-ТИНТО ЦААШАА ХЯТДУУДАД ЗАРЧИХГҮЙ ГЭХ ҮНДЭСЛЭЛ БАЙХГҮЙ ШҮҮ ДЭ.ОРОС ХЯТАД 2 ЫН СОНИРХОЛ МАШ ИХ БАЙДАГ ЮМ. УУЛ УУРХАЙ ГЭДЭГ ЗҮЛИЙГ ЗӨВХӨН АШИГ ОРЛОГО ГЭЖ ХАРЖ БОЛОХГҮЙ ЭЭ. МОНГОЛД МААНЬ ТОДОРХОЙ ХУВЬ БАЙХ ЁСТОЙ. ЗАРУУЛАХ НӨХЦӨЛД ХҮРГЭЖ БАЙГАА НЬ ГАДНЫ НӨЛӨӨ БАЙЖ БОЛНО.

Avatar

ХУУЛЬЧ 2021-04-02 192.82.64.190

ЭХ ОРОНЧИД ОЮУ-ТОЛГОЙГ ЭРҮҮЛЖ АВНА ГЭХ ЛООЗОГНОХ БИЗ,,,,ДАРАА ЭДИЙН ЗАСАГ ХҮНДЭРХЭЭР УЛС ТӨРЖИЖ АВИЛГАЛДАЖ ОХУ ,БНХАУ ЗАРАХ СОХИРХОЛТОЙЧУУД ИХ БАЙХ ДАА ,,,,УГ ОЮУ-ТОЛГОЙГ ӨӨР НҮДЭЭР ХАРАХ УЧИРТАЙ ДАА ,,,,ГЕОПОЛИТИК ГЭЖ МАШ ТОМ АШИГ СОНХРОЛ ЦААНА НЬ БАЙГАА ЮМ,,,,,,,ДАЛАЙД ГАРЦГҮЙ , ЗАХ ЗЭЭЛЭЭС ХОЛ ТЭГЭЭД Ч ХОЕР ХӨРШТЭЙ МОНГОЛООС УУЛ УУРХАЙН БҮТЭЭГДЭХҮҮН ДЭЛХИЙН ТОМООХОН БИРЖИД ҮНЭД ХҮРГЭЖ ЗАРНА ГЭЖ НЭГ ХЭЦҮҮ ЮМ БАЙДАГЫГ МЭДЭХГҮЙЧҮҮД ИХ БОЛОХООР ТЭР

Avatar

Зочин 2021-04-02 66.181.161.118

ЗАР ЗАР ЗАР тэгээд хяналтаа Арабууд шиг тавь тэгвэл АШИГ гэж юу болохыг ҮЗНЭ

Avatar

Зочин 2021-04-02 202.179.24.2

Сэтгүүлчээ худал юм яагаад бичив? Рио Тинто цахилгаан станц барина гэж үүрэг аваагүй шүү дээ. 10 хувийн Даваасүрэн Рио Тинтог цахилгаан станц барина гэхчээд барьсангүй гэж попорч байж гишүүн болж Багануурын ДЦС-ыг -Хятад хөрөнгө оруулттай, зогсоосон. Энэ нь орос олигархи Путины хамсаатан Дерипаскагийн маш өндөр үнэтэй цахилгааныг ихээр Монгол руу урсгах гэж тэгсэн юм. Мөнгөгүй хувхай, хүрзээ гадаадаас авдаг байж юун 34 хувь, юун 51 хувь. Сохор атлаа эх оронч.

Avatar

Зочин 2021-04-02 103.26.193.126

Монголын хөгжлийг гадаадын гар хөл болсон, тэдэнд мөнгөөр худалдагдсан, Монголын төрд шургалсан хорлон сүйтгэгч нар л арагш нь чангааж, чөдөрлөн саатуулж байгаа шүү дээ!!! 267 сая долларын төмөр зам, Усан цахилгаан станц, дулааны цахилгаан станц г.м. гацаад байгаа том бүтээн байгуулалтууд "Ард түмэн" гэж чанга хашгирдаг хуурамч "эх орончид"-ын "хүчин зүтгэлээр' л огт бүтэхгүй байгаа шүү дээ!!!!

Avatar

Зочин 2021-04-02 202.21.96.212

Зарах нь бодит байдал дээр илүү үр дүнтэй санагдаж байна. Зээлүүдээ хаагаад зүгээр татвар, роялти цуглуулаад суусан нь хэн хэндээ амар юм байна. ОТ дээр суурилсан улс төрөөс залхаж дууслаа.

Avatar

Зочин 2021-04-02 192.82.69.37

Энэ 2 хийж чадах нь энэ байх даа.

Avatar

МӨӨГИЙ 2021-04-02 86.106.74.189

34%-АА МСS НЬ АВНА УУ? ХХБ НЬ АВНА УУ? ТАВАН БОГ НЬ АВНА УУ? 3Н МОНГОЛ КРМПАНИД 11,33% Р 3 ХУВААГААД 1,3ТЭРБУМ ДОЛЛОРООР ЗАРЧИХ ХЭРЭГТЭЙ? ТЭГЭЭЛ БҮХ ТАТВАРАА АВААЛ БЖ БАЙ

Avatar

Зочин 2021-04-02 202.126.89.251

энэ хэд өөрсдийн мөнгөөр авах чадал байхгүй ээ.бас л нэг гадны мөнгө рож ирнэ гэмэн үг

Avatar

Gan 2021-04-02 202.126.90.115

Гайгүй зараад татвараа аваад явсан нь дээр. Улс төржих шаардлагагүй

Avatar

Зочин 2021-04-02 202.21.109.110

ШИНЭ ДЭЭР НЬ

Avatar

Зочин 2021-04-02 202.21.96.134

Ямар нэг төсөл хэрэгжүүлэх, барилга барихад мөнгө босгох 2 арга байна: 1. Зээл аваад зээлдүүлэгчид зээлийн хүү төлөх 2. Хувьцаа гаргаад хувьцаа эзэмшигчдэд ноогдол ашиг олгох. Энэ 2-н аль ашигтайг 40 жилээр тооцож тооцож шийдвэр гаргадаг. Гэтэл ойлгогдохгүй, гаднаас зээл аваад, зээл өгсөн гадаадууд хүүгээ авах нь зайлшгүй, мэдээж ш тэй, хүүгүй мөнгө монголчуудад зээлдүүлсэнээс банканд нутагтаа мөнгөө зээлдүүлсэн нь хадгалсан нь дээр биз дээ. Хүү төлөөд ноогдол ашиг 34% эзэмшинэ, ойлгохгүй бна.

Avatar

Зочин 2021-04-02 202.21.96.134

Анхнаасаа Оюутолгойг эхлүүлдэг л буруу болсон, мөнгөгүй байж, хуримтлал хийгээд, өөрсдөө төлбөрийн чадвартай болсон хойноо л ингэж том том дуугарах хэрэгтэй байсан. 90 сая мал бна, түүнийгээ өсгөөд л идээд амьдарч болох л байсан. 2001 онд Оюутолгойн ордыг яах гэж олов оо. Тэгээгүй бол энэ орд байж л бна, хойч ирээдүйд үлдээд, тэр үед ашиглаж болно. Баахан худлаа ярьсан хүмүүсийн УИХ-н гишүүн болох арга, хэрүүлийн уурхай…Хэнд ч хэрэггүй

Avatar

Зочин 2021-04-02 150.129.143.212

Баярцогт гэж муу х*******н шээс санаатай муу гэрээ хийсэн эх орноосоо урвасан

Avatar

Зочин 2021-04-02 202.21.96.134

Корпорацийн санхүү гээд хичээл заадаг. Corporate finance – энэ хичээл дээр ганц тооцдог нь Ноогдол ашиг төлөх үү, Эсвэл зээл аваад зээлийн хүү төлөх үү, энэ 2-н аль ашигтайг сонгодог, 40 жилээр, тооцож тооцож нэг тоо гаргана. Зээл авч байж санхүүжилт хийх үү, Хувьцаа гаргаад ноогдол ашиг өгөх үү гэдгийг л тооцоод байгаа юм. Санхүүгийн ажилтнуудын ганц хийдэг ажил энэ. Гэтэл Оюу толгойн 34% нь зээлийн хүүгээр шатаад ногдол ашиг авна гэж байгаа, онолын хувьд энэ нь тэнэг ямар тооцоо байхгүй

Avatar

Зочин 2021-04-02 103.26.193.126

Манайхан монголын талын эзэших хувьцаа их байх тусам сайн гэдэг буруу ойлголттой болжээ! Хувьцаа их байх тусам тэр хэмжээгээр үүрэг, хариуцлага, өр, зээл, бусад бүх зардлын …%-ийг хариуцна гэдгийг мэддэггүй бололтой?! Тийм ч учраас Монголын тал 34%-иасаа салах ёстой!!! Харин рояльти, татвар хураамжаа хангалттай аваад сууж байхад Монголын талд ямар ч эрсдэлгүй, гадаадын тал нь бүх эрсдэл, зардлаа дангаар хариуцна!!! Монголыг хорлох гэсэн хүчин анх гэрээнд 34-51 хувь эзэмших заалт шургуулж, олны

Avatar

Зочин 2021-04-02 103.26.193.126

олон нийтийг мунхруулан ухуулж сурталчилсан нь маш үр дүнтэй болж, одоо харанхуй масс нь монголын тал улам их хувьцаа эзэмших ёстой гэж ойлгодог болчихсон!!!

Avatar

Иргэн 2021-04-02 192.82.76.240

Эх орон төрсөн газар шороо төрөлх хэл эх нутаг улс үндэстнээ гэсэн сэтгэл Монгол хүн бүрийн сэтгэл зүрхэнд бий! Гэтэл түүн дээр “тоглож” өөрийн өчүүхэн зорилгодоо хүрэхийн тулд улстөржүүлж поопордог этгээдүүд харамсалтай бөгөөд өрөвдөлтэй!

Avatar

Зочин 2021-04-02 202.126.89.70

Гэрээгээ уншаагүй сэтгүүлч байна. Хөрөнгө оруулагч сьанц барих үүрэг хүлээгээгүй

Avatar

Zochin 2021-04-02 43.242.243.189

Olon tumend medee hurgej baij yadaj unen zuv, sydalgaatai um bichij bai.

Avatar

Эх орон 2021-04-02 202.55.188.42

Монгол шиг байгалийн баялагаа үнэлдэггүй эх орноо гэх сэтгэлгүй улс орон дэлхийд хаа ч байхгүй.
Монгол Улсыг монголчууд бид удирдаж чадахгүй юм бол түүх давтагдаж 5 аймаг нь Оросод, үлдсэн 16 аймаг нь Улаанбаатар хоттойгоо Хятадад дагаар орох нь өнөөдөр биш юмаа гэхэд 100 жилийн дараа цаг хугацааны асуудал болчлоо.
Монгол Улсаа гэх сэтгэлтэй хүн Монголд хурдхан бий болоосой, тэгэхгүй бол түүх давтагдаж Орос Хятадад дагаар орох нь нөхцөл бүрдчихлээ!

Avatar

Зочин 2021-04-02 202.126.89.245

Muu eriin hog ve ?! Ingeheer chamaig hujaagiin e****z gehees yahiin be?

NewsMN Гар утасны хувилбар Татах
NEWS.mn

Мэдээллийн эх сурвалж