Нийслэл жуулчдын очих дуртай газар болно | News.MN

Нийслэл жуулчдын очих дуртай газар болно

Нийслэл жуулчдын очих дуртай газар болно

Нийслэл жуулчдын очих дуртай газар болно

Цар тахлын улмаас хилээ хаасан бүтэн жилийн хугацаанд гадаадын жуулчдын урсгал тасарсан ч аялал зугаалга эргээд сэргэх  төлөвтэй байна. Засгийн газраас ирэх тавдугаар сард хилээ нээхээр төлөвлөсөн нь эдийн засгийн “тэг” зогсолтод орсон аялал жуулчлалын салбарынханд найдвар төрүүлээд байгаа юм.

Монголыг зорьж буй жуулчдын 90 гаруй хувь нь хотоос гардаг ч нийслэлд ч бас анхаарал татахуйц түүхэн дурсгалт газрууд цөөнгүй бий. Мэдээж Улаанбаатарт саатаж буй жуулчид нэн түрүүнд Чойжин ламын сүм музейгээс Богд хааны ордон, Монголын түүхийн музей, Гандантэгчэнлин хийдтэй танилцдаг уламжлал тогтжээ. Үүнээс өөр жуулчдыг татах олон газар байдаг ч өнөөдрийг хүртэл хэний ч нүдэнд тусалгүй өнгөрсөн юм.

Өнгөрсөн онд нийслэл дэх түүхэн дурсгалт 47 газрыг судалсан байна. Тухайлбал, Их тэнгэрийн амны Хадны сүг зураг, Ар гүнтийн амны дөрвөлжин булшнууд, Туулын хар түнийн ордны туурь, Бэлхийн амны Хүннүгийн язгууртны цогцолбор, зэрэг өв соёлын хосгүй үнэт үл хөдлөх дурсгал байдаг. Тусгай хамгаалалтад байдаг ч хариуцах эзэнгүй болсон эдгээр газруудад түшиглэн амралт, чөлөөт цаг өнгөрүүлэх орчныг бүрдүүлэх аялал жуулчлалыг хөгжүүлэх боломжтой хэмээн Нийслэлийн аялал жуулчлалын газраас үзжээ. Энэ ч үүднээс нэр дурдсан газруудад эхний ээлжид амралт, чөлөөт цагаа өнгөрүүлэх орчныг бүрдүүлэхээр судлаачдын багийнхантай хамтран ажиллаж байгаа аж.

Албаны хүмүүсийн мэдээлснээр, хариуцах эзэнгүй болсон аялал жуулчлал хөгжүүлэх боломжтой түүхэн дурсгалт газруудад их хэмжээний хөрөнгө оруулалт зарцуулах шаардлагагүй юм байна. Түүхэн дурсгалт газруудаа аялал жуулчлалын бүтээгдэхүүн болгож, эргэлтэд оруулахад нэн түрүүнд айлын эзэмшил дэх газрыг чөлөөлөх, байгальд ээлтэй бүтээгдэхүүнээр тохижилт хийх зэргээр бүтээн байгуулалт цомхон өрнөх нь.

Энэ талаар Нийслэлийн аялал жуулчлалын газрын хэлтсийн дарга М.Батчимэг “Жуулчид байхгүй энэ үед аялал жуулчлалын бүтээгдэхүүнийг нэмэгдүүлэх чиглэлд анхаарч ажиллаж байна. Улаанбаатар хот дахь түүхэн дурсгалт газруудаа аялал жуулчлалын эргэлтэд оруулах боломжтой. Жишээ нь, Хүннүгийн язгууртны булш гэхэд дэлхийд маш цөөхөн байдаг. Үүний нэг нь нийслэлд байдаг тул жуулчдын зорьж очих дуртай газруудын нэг байх юм. Үүүнээс өмнө жуулчид очиж үзэх боломжтой нөхцлийг бүрдүүлэхээр ажиллаж байна. Мөн Их тэнгэрийн амны хадны зураг гэхэд МЭӨ 5000-6000 жилийн тэртээх юм. Одоогоор жуулчид үзэх боломжгүй байна. Иймд хүмүүс очиж үзэх боломжтой газруудыг тохижуулахаар ажиллаж байна. Тохижилтын ажлыг шууд эхлүүлэх боломжгүй байна. Зарим нь айлын эзэмшилд орчихсон, газрыг нь чөлөөлөх шаардлагатай байна” гэлээ.

Нийслэл дэх түүхэн дурсгалт газруудын дийлэнх нь тусгай хамгаалалттай атал айлын хашаа, эзэмшилд орсон байдаг аж. Иймд газрыг нь чөлөөлж, хамгаалалтын бүсийг нь тодорхойлох шаардлага тулгарчээ. Эхний ээлжид энэ ондоо багтаан дээрх дурдсан зургаан газрыг тохижуулж, аялал жуулчлалын эргэлтэд оруулахаар төлөвлөсөн байна.

Б.ЦЭЦЭГ

Энэ мэдээнд өгөх таны сэтгэгдэл?
5
ТэнэглэлТэнэглэл
2
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-01 66.181.184.12

Газар нутгаа сүйдэлж ганц Туул голоо Мишээл групп ч гэнэ үү экосистeмийг нь сөнөөн устгах гэж байхад

Avatar

Зочин 2021-04-01 66.181.169.6

Бас Ковид19 үед ба дараа үед нийслэлд АЖ-г яааж хэрхэн төлөвлөж зохион байгуулах талаарх дүрэм журам зохицуулалтын асуудлаа одоо тодорхой болгоод үйлчилгээний ААН байгууллага иргэдээ сургаж хөгжүүлэх ажил чухал байна. Жуулчин авч ирдэг компаниудаа ч гэсэн бэттгээч. Тэр уулын аманд газар доор байгаа тоногдсон Хүннүгийн булш гол зүйл бишшүү. Ажлаа зөв эрэмбэлж ямар зүйл чухал гэдгээ зөв ялгаж хараач….

Avatar

зочин 2021-04-01 66.181.169.6

Ядаж гарчигаа зөв үг сонгоод өгчиж байл даа. Очих дуртай гэвэл нэг газрын ойлголт харагдаж ойлгогдож байгаа биз дээ. Түүхийн гэж байгаа нэр заасан зүйлсүүд нь жуулчинд үзүүлэхэд хэр зэрэг бэлэн байгаа юм бэ. Их тэнгэрийн хадны зургаас өөр зүйл мэдэгдэж танигдаагүй. Хотын аялал жуулчлал бол хотын соёл, иргэдийн соёл, жуулчинд гадаад хүнд хандах хандлага, найрсаг зочломтгой байдал, үйлчилгээний чанар, хурд, сэтгэлгээнээс их хамаарна. Тэр талруу НАЖГ ажлаа чиглүүлээч…

Avatar

Зочин 2021-04-01 202.55.188.110

Muruud, Muruud, Muruuduhud mungu tuluhguiee

Avatar

Зочин 2021-04-01 66.181.161.63

шинэ нисэх нээгдэхээр жуулчдаа шууд хөдөө гаргана. хот руу ирэх ямар ч шаардлага байхгүй болсон. зочид буудалд буух эсвэл хотын түгжрэл үзэхээр ирээгүй шүү дээ.
хөдөөгөөр сайхан явж ирээд хотын түгжрээнд гацаад буудал, ресторан, үзвэрийн газартаа хүрч чадахгүй, буугаад алхах гэхээр гудамж талбай, орох 00 байхгүй, замын цагдаа нь зөвхөн машинаа зохицуулдаг, явган хүнийг 10 минут гарцан дээр хорьдог, энэ бүхнийг хараад хамаг сайхан сэтгэгдэл нь хормын дотор үгүй болох тохиолдол зөндөө байдаг.

Avatar

Зочин 2021-04-01 64.119.21.153

ирэх дуртай газар гж бичих ёстой.дадлагын хүүхдүүд алдаа их гаргах юм

Avatar

Зочин.3 2021-04-01 202.126.89.91

Үзэж харах юу байна вэ том ярьсан дарга нараа?? Ядаж бие засах 00 байдаг билүү. Юмаа мэдэж бураач.

Avatar

Irgen 2021-04-01 202.126.90.51

Hotod uzeed bh yum juulchdad bhgui, oron nutag, tuugiin dursgaltai gazruidaa bodlogoor hugjuuleh heregtei, ene talaar yamar ch barisan bodlogo, hiisen ajilgui yavsaar olon jil bolloo. Buh salbar ni bodlogiin tuvshind unasan ene ued uls oron maani l hetsuu bna da

Avatar

Зочин 2021-04-01 202.126.90.22

Тийм сайхан үзвэр байгаа бол түүнийгээ тохьжуулж хүний нүд хужирлахаар балгох , очсон хүн аяга кофе, шил ундаа тухтай уучихаар цэвэрхэн үйлчилгээ бий болгох, очих зам маршрутаа засаж байгуулж саадгүй очихоор болгох гээд ажил мундахгүй их байна

Avatar

ЗОЧИН 2021-04-01 66.181.188.157

ЭНЭ БӨӨ МӨРГӨЛИЙН НӨХДҮҮД НЭГ Л ИХ ОНГОД ТЭНГЭР ГАЗАР ДЭЛХИЙ ГЭЖ ЯРЬДАГ ХЭРНЭЭ БААХАН ХОГ н**ш ТАРИАД ЯВНА. УХАМСАР ГЭЖ БАЙХГҮЙ.

Avatar

ЗОЧИН 2021-04-01 66.181.188.157

НААД ИХ ТЭНГЭРИЙН АМ ЧИНЬ БӨӨ НАРЫН ХОГИЙН ЦЭГ БОЛСОН БАЙНА ЛЭЭ. ЖУУЛЧИД НААД ЗАВААН ЮМЫГ ЧИНЬ ҮЗЭХ ГЭЖ ИРДЭГГҮЙ ЮМ. ХОГОО ЯДАЖ ЦЭВЭРЛЭЭД СУРЧИХ ХЭРЭГТЭЙ ЮМ.

Avatar

Зочин 2021-04-01 124.158.107.35

хүмүүс яах гэж жуулчилдгийг эхлээд олж мэд

Avatar

ха ха ха 2021-04-01 49.0.142.40

Гэр хорооллын амьдрал ахуй ямар лай ланчигтай байдгийг ирж үзэж танилцдаггүй л юм бол өөр ямар элэнцэг паланцагаа хийдэг юм

NewsMN Гар утасны хувилбар Татах
NEWS.mn

Мэдээллийн эх сурвалж