Хонь

Ажил хэрэг, мөнгө санхүү: Энэ сард хониныхонд санхүүгийн чадавхиа нэмэгдүүлэх таатай боломж бий болох нь. Тиймээс одооноос илүү хичээнгүйлэн ажиллахыг од эрхэс зөвлөж байна. Юмыг жижиг гэж гололгүй хичээнгүйлэн хийвэл үр дүн нь дороо гарна. Цагаа хэрхэн зөв зохистой зарцуулж болох талаараа тооцож, гэртээ ч хамаагүй аливааг амжуулах боломжийг өөртөө бий болго. Угаасаа бие даасан, өөртөө үнэнч, шийдэмгий хониныхонд дөрөвдүгээр сар яг л ургац хураалт мэт байх болно. Аливаа ажил хэргийн маргаан, үл ойлголцлыг та түргэн хугацаанд шийдэж чадна.

Хайр дурлал: Дөрөвдүгээр сар хонины ордныхонд хайр дурлалын тааламжтай үеийг амлаж байна. Та гайхалтай сайхан хамтрагчтай учирна гэдэгт бүү эргэлзээрэй. Ганц бие, эсвэл салсан хониныхон хайр дурлалын тавцанд манлайлах цаг иржээ. Болзоо бүхэн амжилттай болно гэдэгт эргэлзэх хэрэггүй. Харин гэр бүлтэй хонинууд энэ сард илүү тааламжтай, нөхөрсөг, бие биедээ илүү халамжтай байж, хамтдаа цагийг өнгөрөөнө.

Эрүүл мэнд: Ажил дээрээ гол анхаарлаа хандуулахын хажуугаар эрүүл мэндээ ч орхигдуулж болохгүй. Тиймээс салхинд гарч, стресс ядаргаагаа сайн тайлж байгаарай. Мөн дархлаа сэргээх бэлдмэл хэрэглэхийг зөвлөж байна.

Үхэр

Ажил хэрэг, мөнгө санхүү: Аливааг дахин нэг эргэцүүлж бодохыг одод танд зөвлөж байна. Зарим зүйл дээр түр завсарлаад, үйл явдлын өрнөлийг хөндлөнгийн өнцгөөс хараад үзэхэд гэмгүй болов уу. Яг одоо зогсох хэрэгтэй. Илүү хол явахын тулд хаашаа явахаа тооцож, төлөвлөгөөгөө дахин нэг хар. Мөн энэ сард ажил дээрээ шинэ зүйл турших, эсвэл шинэ зүйлд суралцахад маш таатай үе. Дөрөвдүгээр сар үхрийнхэнд өөрийн давуу талаа ашиглах гайхалтай боломжуудыг өгөх болно. Тиймээс хурдан хугацаанд өөрийгөө боловсруулж, давуу талаа харуулахад бэлэн байгаарай.

Хайр дурлал: Ганц бие үхрүүд эсрэг хүйстнийхээ анхаарлыг ухаалаг зан, тэвчээр, оюуны өндөр чадамжаараа гайхашруулна хэмээн одод зөгнөж байна. Тиймээс юу мэддэгээ харуулахаас бүү ай. Юу чаддагаа хийхээс бүү эмээ. Танд хамтрагчаа шинэ орчноос хайхыг зөвлөе. Өөрийн байнга очдог газраа эргэлдэх хэрэггүй. Харин гэр бүлтэй үхрүүдийн хувьд хайртынхаа уйдааг гаргах шинэлэг санаа сэдээрэй. Нэгэн хэвийн байдал одоо хангалттай биш гэж үү. Хааяа ч гэсэн хоёулханаа байх цагийг гарга.

Эрүүл мэнд: Сарын эхээр элдэв халдварт өвчин тусах магадлал өндөр байна. Тиймээс эрсдэлтэй гэж бодсон газар руу явахгүй байх, гадаад орчинд явахдаа үйлдлээ хянаарай. Энэ үе өнгөрчихвөл та дахин эрүүл мэнддээ санаа зовох шаардлага гарахгүй л болов уу.

Ихэр

Ажил хэрэг, мөнгө санхүү: Ихрийнхэн илүү дэвшилттэй, бас илүү шийдэмгий байх хэрэгтэй. Та гэр, ажлын аль ч талбарт тэргүүлэгчийн байр сууринаас оролцож, нийгэмдээ өндөр байр суурь эзлэх болно. Тиймээс эрч хүчээ гамнаж, тулгарч ирэх ажлуудынхаа өмнө бөхийлгүй амжилт гаргахад бэлэн байх хэрэгтэй. Та ажил дээрээ даргаасаа ч илүүтэйгээр хамт олондоо хүндлэгдэх болно. Учир нь та дэмжлэг хэрэгтэй хүмүүст чадлынхаа хэрээр дэмжиж тусалдаг зангийнхаа үр шимийг хүртэж буй нь энэ. Ихрийн ордныхонд дөрөвдүгээр сар аз авчирна. Тэд өмнөхөөсөө ч илүү бүтээлч байж, үүнийхээ үр шимийг хангалттай сайн хүртэх болно.

Хайр дурлал: Хайр дурлалын талбарт асуудал үүсч болзошгүй. Хамтрагч тань таныг өөрт нь анхаарал тавьсангүй, эсвэл хэтэрхий амиа хичээж байна гэж буруутгаж болох юм. Заримдаа хайртай хүмүүс маань биднээс өөрсдийг нь хэчнээн хайрладгаа баталж харуулахыг шаарддаг. Тиймээс энэ сард та хайртдаа хэчнээн хайртайгаа харуулах хэрэг гарах нь. Жижиг асуудлыг дэвэргэлгүй орхи.

Эрүүл мэнд: Хэт ачаалалтай ажиллахаас сэргийл. Хоолойны өвчин, шүд хорхойтохоос сэргийл. С витаминаар баялаг хоол хүнс хэрэглэж, мэдрэлийн системээ байнга хяналтад байлга. Хэт шорвог, хүчиллэг хоол хүнснээс татгалз. Өтгөн кофе, цай бага ууж бай. Хоолны дэглэм баримтал.

Мэлхий

Ажил хэрэг, мөнгө санхүү: Дөрөвдүгээр сард мэлхийн ордныхон илүү бүтээлч байх болно. Та өөрөө ч мэдэлгүй хариуцсан ажилдаа үнэхээр сайн эзэн нь байж, элдэв саад бэрхшээлгүйгээр зорилгодоо хүрч чадна. Сарын турш та өөртөө итгэх итгэл тань хэрхэн өсч байгааг мэдэрч, илүү өөдрөг байх болно. Мөн нууцлагдмал байсан авьяас билгээ нээж, илүү бүтээлчээр ажиллаж чадна. Энэ сард мөнгөний үүд тань нээгдэх ч хэт их зарлага гаргах хэрэггүй, мөнгөө хяналттай зарцуул. Төрсөн шинэ санаагаа баг, хамтрагчидтайгаа нээлттэй хуваалцаж чадвал илүү хурдан бүтэх болно.

Хайр дурлал: Энэ сард хайр дурлалын хувьд баяр хөөр тасрахгүй нь. Таны болзоо хошин мэдрэмжээр дүүрэн байх болно. Ганц бие мэлхийнүүд маш сээтэгнүүр байх нь. Тэд хосоо олоход хамаг анхаарлаа тавина. Тиймээс энэ сар бол маш эрч хүчтэй, идэвхтэй үе байх нь. Сээтэгнэх нь буруу биш ч гэсэн хэтрүүлэхгүй байхыг хичээгээрэй.

Эрүүл мэнд: Мэлхий төрөлхийн махруу, хэт ажилсаг тул хэвтэрт орох хүртлээ зүтгэсээр л байдаг. Ажил, амралтаа зохицуулж, А витамин хэрэглэж бай. Мөн архи, тамхинаас холуур яв. Биеийн тамир, дасгал сургуулилалтаар хичээллэвэл үр дүнтэй. Элдэв янзын эм хэрэглэхийг аль болох тэвчсэн нь дээр.

Арслан

Ажил хэрэг, мөнгө санхүү: Арслангийнханд алдсанаа нөхөж, асгаснаа эргэж олж авахын тулд аливааг илүү өөдрөгөөр харж, эерэг хандлагатай байх нь чухал. Өмнө хараагүй, үзээгүй сайхан бүхнийхээ хаалгыг яг одоо нээх боломж энэ сар шүү. Аз жаргал дандаа хаалга тогшдоггүй. Харин тэр энэ удаад чиний хаалгыг хэнд ч сонсогдохоор тогшиж байна. Ажлын бүхий л салбарт энэ дөрөвдүгээр сар бүтээлч, тааламжтай байх болно. Багш, дасгалжуулагч мэргэжилтэй арслангуудад ялангуяа, амьдралаас авах мэдрэмж, итгэл улам нэмэгдэж, бүхнийг өөрөөр харж эхэлнэ.

Хайр дурлал: Арслангийнханд дөрөвдүгээр сар адал явдалт хайрын романс амлаж байна. Урьдын зовлон шаналал мартагдаж, аз жаргал таныг бүрхэнэ. Болзоонд яваад эхэлчихсэн бол гэрлэлтийн тухай бодох цаг нь одоо байж мэдэх юм. Эсвэл хараахан шийдвэр гаргах цаг болоогүй гэж үзвэл хайрттайгаа хамт шинэ төлөвлөгөө зохиож болно. Ганц бие арслангууд найзын хүрээлэл дундаасаа хэн нэгэнтэй болзоонд явж эхэлнэ. Дөрөвдүгээр сарын турш нөхөрлөл, итгэлцэл, зорилго хүсэл тэмүүллээ хуваалцах нь таны хайрын харилцаанд үнэхээр чухал.

Эрүүл мэнд: Энэ ордныхон амьсгалын замын өвчнөөр өвчлөх магадлал өндөр байна. Хоол хүнсэндээ мах голдуу хэрэглэж, гэр орон, ажлын өрөөгөө байнга цэвэр байлгах хэрэгтэй. Мөн цэвэр агаар хамгаас чухал. Хувийн ариун цэврийг сайтар сахиж чадвал эрүүл мэндэд ноцтой асуудал гарахгүй.

Охин

Ажил хэрэг, мөнгө санхүү: Тэдний хувьд дөрөвдүгээр сар өнгөрснөөсөө ангижирч, өмнө нь хэн нэгнээс эмээж хийж чадахгүй байсан зүйлдээ зүрх зориг гарган оролцох, баяр бахдал, урам зоригоо мэдрэх боломж юм. Чамд энэ сард амрах зав гарахгүй. Амьдрал чамд удирдлагыг гартаа авах боломжийг атгуулжээ. Тиймээс одоо арын эгнээнд суух биш, харин удирдагчийн эгнээнээс асуудалд хандах цаг. Өсөн нэмэгдэж буй оюуны хүч, биеийн эрчим хүчээ дэмий бүү асгаж хаяарай. Санхүүгийн хувьд урьдын адил илүү ч үгүй, дутуу ч үгүй байх нь.

Хайр дурлал: Энэ сард чи маш романтик байх бөгөөд хамтрагчийнхаа хүсэл эрмэлзэлд тохируулан маш уян хатан байх нь. Дөрөвдүгээр сарын турш чи ерөнхийдөө маш тайван, эрч хүч, өөртөө итгэх итгэлээр дүүрэн байна. Хамт ажилладаг хосуудын хувьд энэ сар маш өөдрөг сайхан байх болно. Хамтдаа нэгэн зорилгынхоо төлөө тэмцэж амжилт ч олох болно.

Эрүүл мэнд: Цус багадалт, өтгөн хатахаас сэргийл. Архи дарс, усан эмнээс хол бай. Эмэгтэйчүүд үр хөндүүлж болохгүй. Хоолны дэглэм барихыг хичээгээрэй. Ерөнхийдөө амьдралын хэв маягаа өөрчлөх нь маш чухал бөгөөд удаан хугацааны ужиг өвчлөл үүсэхээс таныг хамгаална.

Жинлүүр

Ажил хэрэг, мөнгө санхүү: Өөдрөг хүсэл тэмүүлэлтэй жинлүүрийнхэн аливаа саад бэрхшээлийг өөрийн сайхан сэтгэлийн уг үндсээр даван дийлнэ. Гэхдээ энэ сард зарим зүйл буруугаар эргэх хандлагатай гэдгийг анхааруулъя. Тиймээс илүү шийдэмгий байж, зоригтойгоор тэмцээрэй. Хэн нэгэн чухал хүн таны амьдралд гэнэт гарч ирэн, танд ашигтай хөрөнгө оруулалт, хамтын ажиллагаа санал болгож мэдэх юм. Жинлүүрийн ордныхны сайхан сэтгэл бусдыг яг л соронз мэт татдаг болохоор тэдэнд бусад хүмүүс ажил даатгах, хөрөнгө оруулалт хийхдээ дуртай байдаг. Энэ давуу талаа зөв ашиглаж чадвал дөрөвдүгээр сард суусан газраасаа шороо атгах боломж байна.

Хайр дурлал: Энэ сард таны хайрт танд илүү анхаарал хандуулж, хайр дурлалын аз жаргалыг мэдрүүлэх болно. Хэрэв хайрт чинь нэг л уйтгартай байгаад байвал түүнийг өөрийгөө илэрхийлж сурахад туслаарай. Ганц бие жинлүүрийнхэн адал явдалд дуртай, зоригтой хэн нэгэнд татагдана. Гэвч хэтэрхий гал дөлтэй харилцаа тийм ч их аз жаргал дууддаггүйг санаж яваарай.

Эрүүл мэнд: Бага зэргийн, хөнгөн шарх сорви, бэртэл гэмтэл авахдаа амархан ч бас эдгэхдээ хурдан байна. Хөнгөн чанарын хоол хүнс хэрэглэж, эрүүл мэнддээ сайтар анхаарахад гэмгүй. Мөн зүрхний өвчнөөс сэргийлж, аль болох уурлахгүй, тайван байхыг хичээ.

Хилэнц

Ажил хэрэг, мөнгө санхүү: Хилэнцийнхэнд дөрөвдүгээр сар өөдрөг байдал, итгэлцэл амлаж байна. Та ийм байхад ямар ч асуудлыг хөнгөхөн шийдэж чадна. Гэвч өөртөө итгэлтэй байлаа гээд хөнгөн, яаруу шийдвэр бүү гаргаарай. Ямар нэгэн эргэлзээтэй асуудал гарвал урт амьсгаа аваад, дахин нэг эргэцүүлж бодоод, шийдээ хэлж байгаарай. Ялангуяа санхүүгийн тал дээр анхаараарай. Дөрөвдүгээр сар танд сайн мэдээ олныг дуулгах ч гэлээ бодолгүйгээр шийд гаргахыг тань таашаахгүй.

Хайр дурлал: Дөрөвдүгээр сар таашаал, эрч хүч, тачаангуй байдлыг танд өгөх болно. Хилэнцийнхэн хамтрагчтайгаа зарим зүйл дээр үл ойлголцсоны улмаас тэмцэлд хүрч мэднэ. Гэвч таны омог бардам байдал хамтрагчийг тань татах хүч болж чадах ч гэр бүлийн уур амьсгалыг зөөллөхөд тийм ч их нөлөөлж чадахгүйг санаарай. Ганц бие хилэнцүүд энэ сард хувь тавилангийн сорилттой тулгарч болзошгүй. Тэвчээртэй, ухаантай байж хүлээцтэй байдлаар та шинэ харилцаагаа бат бөх авч үлдэж чадна.

Эрүүл мэнд: Хэт ачаалалтай ажилласнаас ядаргаанд орж, улмаар хүндээр өвчилж болзошгүй тул ядрахаас сэргийл. Хоолны дэглэм баримталж, аль болох давс багатай хүнс хэрэглэж, унтахдаа дулаахан цэвэрхэн хувцас өмсөж, байнга иллэг массаж хийж, сайтар унтаж амарч байх хэрэгтэй.

Нум

Ажил хэрэг, мөнгө санхүү: Та бүхэн энэ сарын турш тайван бус байдлыг мэдрэх нь. Эндүүрэл, үл ойлголцол нь таныг хойш алхахад хүргэж, дахин дахин бодохоос аргагүй байдлыг бий болгоно. Өнгөрсөн цаг хугацаа танд шийдвэр гаргахад тань тийм ч их нөлөөлж, сургамж болж, дэм болж чадахгүй. Санхүүгийн тал дээр ноцтой асуудал гарахгүй ч татварын асуудалд маш хянамгай хандахыг од эрхэс зөвлөжээ. Үл хөдлөхийн бизнес эрхлэгчид өндөр ашигтай ажиллана.

Хайр дурлал: Нумынхан энэ сард шинэ хайр дурлал хайх хүсэлгүй байж мэдэх юм. Нумынхан дөрөвдүгээр сард хайр дурлалын харилцаанд нууцлаг байдалтайгаар хандах болно. Энэ нь зарим талаар эндүүрэл бий болгож ч болно. Та өөрийгөө өмнөхөөсөө илүү эмзэгээр мэдэрч, хайр дурлалд зориг гаргахаас зүрхшээж мэднэ. Магадгүй та буруу хамтрагч сонгосон байж мэднэ.

Эрүүл мэнд: Энэ сард нумынхан эрүүл мэнддээ анхаарч, хэрэгтэй эм тариагаа хэрэглэхэд тун тааламжтай. Та илүү мэдрэмтгий, сэтгэл хөдлөл ихтэй байх учраас өвчний шинж тэмдгүүдийг ч дорхноо илрүүлэн гаргаж ирнэ.

Матар

Ажил хэрэг, мөнгө санхүү: Энэ сард матрынхан илүү зоригтой байж өөрийн эмзэг байдлаа ялан дийлэх хэрэгтэй. Хамтран ажиллагсад чинь энэ сард таны хамгийн сайн түншүүд байх болно. Тэд танд тусалж, итгэж чадна. Яриа хэлэлцээ бол энэ сарын амжилт гаргах түлхүүр юм. Энэ сард хэн нэгэн хэцүү харилцагч, хамтрагчтай таарлаа гэхэд та өөрийн дотоод чадвар, дуу хоолойгоо сонсож, тэдэнтэй харилцаарай. Шударга байхыг зөвлөе. Таны дүн шинжилгээ хийх чадвар дөрөвдүгээр сарын турш асуудлыг шийдэх гарц нь байх болно.

Хайр дурлал: Энэ сард хүүхдүүд танд хэчнээн чухал болохыг мэдэрнэ. Та болон таны хамтрагч хүүхдүүдийнхээ сайн сайхны төлөө илүү ихийг хийх ёстойгоо ойлгоно. Хүүхдийг зөвхөн хайрлаад зогсохгүй та тэдний дотроос өөрийнхөө дотоод сэтгэлийн сайхныг олж харах болно. Мөн энэ сард өөрийгөө илүү сайн хайрлаж сурахыг зөвлөж байна. Өөртөө цаг гаргаж, алдагдсан эрч хүчээ нөх. Аз жаргалтай байж, хөгжилдөхөөс айх хэрэггүй.

Эрүүл мэнд: Ханиад томуу туссанаа юман чинээ бодолгүй явсаар хүндрүүлэх магадлалтай. Өвчин эмгэгээс урьдчилан сэргийлэхийн тулд эрүүл агаарт байнга явж, амьсгалын эрхтэнээ чийрэгжүүлэхээс гадна тамхинаас татгалзаж, сэтгэл хөдлөлөө хянаж, сайн унтаж амарч байх хэрэгтэй. Нэгэн хэвийн өдөр тутмын ажил тун сөргөөр нөлөөлж болзошгүй. Мөн судасны ханыг агшаадаг тамхинаас нэн даруй татгалзах хэрэгтэй.

Хумх

Ажил хэрэг, мөнгө санхүү: Зөн совингоос илүү асуудлыг учир, шалтгаанаар нь харахыг эрмэлздэг тэднийг энэ сард сэтгэл хөдлөл болоод зөн совингоороо асуудалд хандахыг зөвлөж байна. Таны бие даасан, өөрийнхөөрөө байдал бусдад ихээр таалагддаг ч яг одоо бол бусдаас хамааралгүй байж шийдвэр гаргах нь тийм ч зөв сонголт биш. Санхүүгийн тал дээр тун таатай. Компанийхаа хувь оролцоог бусдад худалдах, хөрөнгө оруулагч хайх зэрэгт ашигтай. Спорт болон уул уурхайн зах зээлийн тоглогчид шинэ хөрөнгө оруулагчтай болно.

Хайр дурлал: Яльгүй зүйлээс болж хайртыгаа гомдоож мэдэх юм. Тиймээс уучлал гуйхад хэзээд бэлэн байгаарай. Энэ сард шинэ хайр дурлалын эрэлд гарахад тун ч таатай. Хайр дурлал, аз жаргалыг хамтад нь мэдрэхийн тулд хамтрагчаа зөв сонгох нь мөн чухал шүү. Ганц бие хумхынхан өөрийгөө илүү эрч хүчтэй байгааг мэдэрнэ. Олон нийтийн арга хэмжээнд идэвхтэй оролцсоноор та хайр дурлалтайгаа учирна.

Эрүүл мэнд: Энэ ордныхон хэтэрхий биеэ чагнах хэрэггүй. Хэрэв ямар нэг өвчин туслаа гэж бодвол өөрийгөө шаналгаж, биеэ чагнасаар байгаад өвдөж мэдэх хүмүүс. Өвчин эмгэгээс урьдчилан сэргийлэхийн тулд өөртөө итгэлтэй байж, сэтгэл санаагаа тогтвортой байлгаж, өөдрөг жавхаатай байх хэрэгтэй.

Загас

Ажил хэрэг, мөнгө санхүү: Хүлээцтэй байдал бол энэ сарын хамгийн гол зүйл. Учир нь та энэ сард өөрийгөө батлах гэж хэтэрхий их хичээх нь. Өөрийгөө сорих нь зөв ч үргэлж ухаантай царайлах хэрэггүй. Үнэхээр хэрэгтэй, эсвэл зүгээр л аргацаасан зүйлсийг ялгаж салгахыг хичээгээрэй. Ялангуяа бусдын зөвлөгөө, ятгалгаас эдгээрийг сайтар тунгаах нь чухал. Энэ л хамгийн сайн гэснийг сохроор сонгохын оронд өөрөө хувь тавилангаа бүтээж, өөрөө сонголтоо хийхийг одод зөвлөж байна. Хүчтэй байж шийдвэр гаргахдаа ихээхэн нухацтай хандахыг зөвлөе. Та үр дүнтэй байж чадна, бас илүү сайн байж чадна. Бүү эргэлз.

Хайр дурлал: Энэ сард тайван байдал, итгэлцэл хамгаас илүү чухал. Загас бол байгальтайгаа шүтэлцээтэй орд учраас бүх зүйлд эв эеийг хичээдэг. Гэхдээ энэ удаад та яагаад хайрын харилцаандаа нэг л тайван бус, уур уцаартай байгаагаа сайн ойлгохгүй. Энэхүү үл ойлголцлыг бага дээр нь дарахын тулд хайрттайгаа сайн ярилцаж, үзэл бодлоо хуваалцаж байхыг одод зөвлөж байна. Дөрөвдүгээр сар бол гэр бүлийн харилцаанд тааламжтай үе. Тиймээс гэрээ хамтдаа чимэглэх, тохижуулах зэрэг шинэлэг санаа гаргаарай. Харин ганц бие загасууд олон шинэ хүнтэй танилцана.

Эрүүл мэнд: Өвчин эмгэгт өртөхгүйн тулд хүчээ дэмий тарамдахгүй, аливаад хянамгай, хүлээцтэй, тайван байхыг эрхэмд үзэх нь зүйтэй. Хооллосны дараа унтах, эрүүл агаарт амрах, нурууны дасгал хийх нь сайнаар нөлөөлнө.