Хөвсгөлд өнөө өглөө хоёр удаа хүчтэй газар хөдөлжээ | News.MN

Хөвсгөлд өнөө өглөө хоёр удаа хүчтэй газар хөдөлжээ

Хөвсгөлд өнөө өглөө хоёр удаа хүчтэй газар хөдөлжээ

Хөвсгөл аймагт өнөө өглөө /2021.03.31/ 08.01 цагт 5.7 магнитут, 08.22 цагт 4.4 магнитутын хоёр удаа хүчтэй газар хөдөлжээ. Газар хөдлөлтийн чичирхийлэл Ханх сумын иргэдэд хүчтэй мэдрэгдсэн бол Мөрөн сум, Булган аймгийн зарим иргэдэд бага зэрэг мэдрэгдсэн байна.

Уг газар хөдлөлтийн  чичирхийлэл 597 километр зайд үргэлжилсэн нь олон улсын станцад бүртгэгджээ. Иймд мөс цөмрөх аюулаас сэргийлж Хөвсгөл нуур дээгүүр мөсөн замын тээвэр хийхгүй байхыг аймгийн Онцгой Байдлын газраас онцгойлон анхааруулж байна.

Хөвсгөл аймгийн Ханх сумаас 35 км газарт 2021 оны нэгдүгээр сарын 12-ны 05.32 цагт 6.5 магнитудын газар хөдөлсөн. Хүчтэй газар хөдлөлтийн чичиргээ Улаанбаатар хотын зарим хэсэгт мэдрэгдсэн билээ.

Энэ талаар Одон орон, геофизикийн хүрээлэнгийн мэргэжилтэн Ч.Батсайханаас тодруулахад “Хөвсгөл аймгийн Ханх сумаас 35 км газарт өглөө 05.32 цагт 6.5 магнитудын газар хөдөлсөн. Хүчтэй газар хөдлөлтийн чичиргээ Улаанбаатар хотын олон газар мэдрэгдээд байна. Улаанбаатарт ойролцоогоор гурван балл газар хөдөлсөн. Мөн Хөвсгөлтэй залгаа аймгуудад чичиргээ мэдрэгдсэн. Хөвсгөл аймгийн Их-Уул суманд гэхэд 4-5 магнитудын газар хөдлөлт мэдрэгдсэн байгаа.  ХӨмнө нь ийм хүчтэй 6.5 магнитудын газар хөдлөлт 1991 оны арванхоёрдугаар сарын 27-нд Хөвсгөл аймгийн Цагааннуур сумын Бүсийн гол орчимд болж байсан. Энэ удаагийн газар хөдлөлт голомтдоо есөн баллаар мэдрэгдэх ёстой. Хэрэв тэр хэсэгт барилга байшин барьсан бол нурах аюултай” гэдгийг хэлж байв.

Ц.ДУЛАМ

Энэ мэдээнд өгөх таны сэтгэгдэл?
2
ХахаХаха
1
ГайхмаарГайхмаар
1
ХарамсалтайХарамсалтай
0
ЗөвЗөв
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-31 66.181.181.84

ИЙМ БАЙХАД ХӨВСГӨЛД ХЯТАДУУДЫГ ОРУУЛЖ ИРЖ, УСАН ЦАХИЛГААН СТАНЦ БАРИУЛНА ГЭДЭГ НЬ ИХ ОСОЛТОЙ ТОГЛООМ ШҮҮ.

Avatar

/*-*/ 2021-03-31 49.0.142.40

Оюун-Эрдэнийн 400 сая жуулчин ирж буудаллах байсан хэдэн гэр бааз, задгай бааж шээх газар ингээд хилэгнээд уналаа даа

Avatar

Zochin 2021-03-31 202.126.89.145

HUURAA TOIRUULAAD KAMP HERTEI baigal orchnoo bohirduulaad bgaa olon juulchni baazuudiin gai baihoo.EH delhii gazar-shoroogoo hairlaya!!!

Avatar

иргэн 2021-03-31 66.181.181.94

Газар шороогоо ухаад эзэн саюдгийг нь хилэгнүүлээд байгаа юм байхдаа. Зүгээр байхад бараг газар хөдлөхгүй газардаа

NewsMN Гар утасны хувилбар Татах
NEWS.mn

Мэдээллийн эх сурвалж