Улсын онцгой комиссын Шуурхай ажлын хэсэг хуралдаж байна. Хурлаар хөл хорио тогтоосон тохиолдолд халдварын эсрэг авах хариу арга хэмжээ, хэрэгжүүлэх ажлын төлөвлөгөөг хэлэлцэж байна гэх мэдээлэл байгаа юм.

УОК-оос өчигдөр /2021.03.29/ Эрүүл мэндийн яамны хөл хорио тогтоох тухай саналыг дэмжсэн. Уг саналыг Засгийн газрын ээлжит хуралдаанаар маргааш шийдвэрлэх юм. Хэрэв хатуу хөл хорио тогтоосон нөхцөлд нэг сая иргэнээ дархлаажуулна гэдгийг Ерөнхий сайд Л.Оюун-Эрдэнэ хэлсэн. Тэрбээр өнөөдөр ХӨСҮТ-д ажиллах үеэр  хөл хорио тогтоох хугацаанд вакцинжуулалтыг эрчимжүүлнэ гэдгийг онцолсон билээ.

Б.ЦЭЦЭГ