"Миний зорилго бол илүү хичээж, өндөр амжилт гаргах" | News.MN

"Миний зорилго бол илүү хичээж, өндөр амжилт гаргах"

"Миний зорилго бол илүү хичээж, өндөр амжилт гаргах"

"Миний зорилго бол илүү хичээж, өндөр амжилт гаргах"

Мэргэжлийн сүмогийн харү башёд түрүүлсэн Тэрүнофүжи Г.Ган-Эрдэнэ өчигдөр/2021.03.29/ онлайн хэвлэлийн бага хуралд оролцлоо. Тэрбээр 12 даваа, гурван унаатай харү башёд түрүүлснээс гадна озэки цолоо эргүүлэн авах болзлоо хангасан юм.

Тэрүнофүжи Г.Ган-Эрдэнэ хэвлэлд өгсөн ярилцлагадаа “Өөрийнхөө хүчээр озэки цол авах гэж хичээлээ. Багшийн минь талаар элдэв цуу яриа гарах нь ёс зүйтэй үйлдэл биш гэж бодсон. Би зүгээр л гэмтлээ эдгээж, барилдаан бүртээ өөрийгөө дайчлахыг хүссэн. Хэрэв түрүүлээгүй байсан бол нэг их юм бодохгүй ээ. Гэхдээ ялалтын цувралаа үргэлжлүүлсэндээ баяртай байна. Ёкозүна, озэки цолтой бөхчүүдийн чансааг сүмогийн холбоо гаргадаг. Миний зорилго бол илүү хичээж, улам хүчтэй болж, өндөр амжилт гаргах хэмээжээ.

Тэрүнофүжигийн хувьд харү башёгийн 12 дахь өдрийн дараах байдлаар есөн даваа, гурван унаатай озэки цолны болзлоо хангасан байсан хэдий ч заавал 10-аас дээш даваа авах шаардлагатай байв. Учир нь сүмогийн холбоо есөн даваатай бөхөд озэки цол өгөх тохиолдол цөөн байдаг. Мөн Тэрүнофүжигийн дэвжээний багш Сүмогийн холбооны шүүгчдийн зөвлөлийн дарга учир шавь нь есөн даваатай хэдий ч цол өгчлөө гэх цуу яриа гарсан байлаа.

Сүмогийн холбооны удирдлагууд маргааш/2021.03.31/  Тэрүнофүжи Г.Ган-Эрдэнийг хүлээн авч, озэки цол авсныг нь зарлана.

Өдгөө 29 настай Тэрүнофүжи Г.Ган-Эрдэнийн хувьд хоёр өвдгөндөө хүнд гэмтэл авч, озэки цолоо алдаж, зиндаа буурч байсан түүхтэй. Гэвч тэрбээр бууж өгөлгүй эргэн дээд зиндаанд дэвшиж, сүүлийн гурван башёд нийтдээ 36 даваа авсан.

Дээрх үйл явдлын хажуугаар сүмогийн холбооноос Хакүхо М.Даваажаргалд дахин анхааруулга өгчээ. Хакүхо М.Даваажаргал саяхан өвдөгний хагалгаанд орсон бөгөөд сүмогийн холбоо ирэх долдугаар сарын башёгийн дараа эцсийн шийдвэрээ гаргана гэв. Хэрэв Хакүхо М.Даваажаргал ирэх долдугаар сарын башёд зодоглохгүй бол сүмогийн холбоо хүчээр зодог тайлуулах болно. Аваргын дэвжээний багш Мияагиногийн хэлж буйгаар Хакүхо ирэх долдугаар сарын башёд зодоглох зорилготой байгаа бөгөөд тэнд үзүүлсэн амжилтаасаа шалтгаалж, зодог тайлах эсэхээ шийднэ гэлээ.

Какүрюү М.Ананд зодог тайлсны дараа Хакүхо М.Даваажаргал ёкозүна цолтой ганц бөх болон үлдсэн.

Энэ мэдээнд өгөх таны сэтгэгдэл?
4
ЗөвЗөв
2
ХахаХаха
2
ХөөрхөнХөөрхөн
1
ХарамсалтайХарамсалтай
1
БурууБуруу
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-30 192.82.77.251

Hakuho bie n sain edgeegeed 7r sard amjilttai barildahiig husie. Gan-Erdene bertel gemtlee sain edgeegeerei. Ta nart amjilt hysie.

Avatar

Зочин 2021-03-30 59.153.112.47

ИХ ГЭТСЭН ХҮН БЭЛЭЭ Ө\БӨӨН БООЛТТОЙ БАРИЛДАГ ТЭВЧЭЭРТЭЙЛ ЗАЛУУ ЮМ БЭРТЭЛЭЭ САЙН ИДГЭЭХ ХЭРЭГТЭЙ

АМЖИЛТ ХҮСИЙ

Avatar

Зочин 2021-03-30 66.181.184.220

Монгол хэл бичиг мэддэггүй юм уу чи

Avatar

ЗОЧИН 2021-03-30 202.21.126.30

ДАВКА ТЭР 7 САРД НЬ ТҮРҮҮЛЖ ТҮРҮҮГЭЭ 45 ХҮРГЭЧИХЭЭД ОЛИМПИЙНХ НЭЭЛТЭД ЁСЛОЛ ХИЙЧИХЭЭД НЭР ТӨРТЭЙ САЙХАН ЗОДОГ ТАЙЛНА БАЙХАА.

Avatar

Irgen 2021-03-30 66.181.189.134

Харахад сайхан золбоолог,цоглог хүүхэд шүү.АМЖИЛТЫН ДЭЭДЭД ХҮРЧ ОЛОН удаа ирүүлээрэй.

Avatar

Зочин 2021-03-30 122.201.22.21

Бөх хүнийг хүчээр шахуу зодог тайлуулдаг хашаа ч барилдаан юм вэ дээ манайд бол хүч хүрэхгүй болсмжгүй болсон цагтаа л өөрөө зодог тайлдаг ..Уул 45 түрүүлчихвэл ч ……

Avatar

Зочин 2021-03-30 66.181.185.202

дургүйг нь хүргэхээр тэгдэг юм шиг байгаа юм

NewsMN Гар утасны хувилбар Татах
NEWS.mn

Мэдээллийн эх сурвалж