“Эрдэнэс Тавантолгой”-н бондын анхдагч зах зээлийн арилжаа эхэллээ | News.MN

“Эрдэнэс Тавантолгой”-н бондын анхдагч зах зээлийн арилжаа эхэллээ

“Эрдэнэс Тавантолгой”-н бондын анхдагч зах зээлийн арилжаа эхэллээ

“Эрдэнэс Тавантолгой”-н бондын анхдагч зах зээлийн арилжаа эхэллээ

“Эрдэнэс Тавантолгой” ХК-ийн бонд худалдан авах захиалга эхэллээ. Нийт 600 тэрбум төгрөгийн бондыг төгрөгийн болон ам.долларын сонголттойгоор олон нийтэд санал болгон арилжаалах ажээ.

Андеррайтераар ажиллаж буй “БиДиСек” компаниас мэдээлснээр, банкны хадгаламжаас харьцангуй өндөр хүүтэй энэхүү бондыг иргэд, аж ахуйн нэгжүүдэд санал болгон, хөрөнгөө өсгөх боломж олгож буй юм байна. Мөн дотоодын хөрөнгийн биржид анх удаа гадаад валют буюу ам.доллараар гарч буй учир ханшийн уналтаас хамгаалагдсан давуу талтай аж. Тус бонд нь 24-36 сарын хугацаатай, нэг бүр нь 100 мянган төгрөг болон 100 ам.долларын нэрлэсэн үнэтэй юм.

"Монголын хөрөнгийн бирж" ТӨХК-ийн Гүйцэтгэх захирлын 2021 оны гуравдугаар сарын 19-ний өдрийн А-22 тоот тушаал, Санхүүгийн зохицуулах хорооны 2021 оны гуравдугаар сарын 26-ны өдрийн 96 тоот тогтоолоор “Эрдэнэс-Тавантолгой” ХК-ийн олон нийтэд нээлттэй санал болгон гаргаж буй 24-36 сарын хугацаатай, төгрөг болон америк доллар хосолсон, нийт 2 их наяд хүртэлх төгрөгийн үнийн дүн бүхий бондыг энэ сарын 27-ны өдөр бүртгэсэн билээ.

"Эрдэнэс Тавантолгой" ХК нь тус бондыг гурван үе шаттайгаар олон нийтэд санал болгон худалдаж, 2.0 их наяд төгрөг хүртэлх санхүүжилтийг татан төвлөрүүлэх юм. Дотоодын хөрөнгийн зах зээлээс татан төвлөрүүлсэн хөрөнгийг Засгийн газраас 2020-2024 онд хэрэгжүүлэхээр төлөвлөж буй төмөр зам, цахилгаан станц, сайжруулсан түлшний үйлдвэр зэрэг техник эдийн засгийн тооцоолол, байгаль орчны нөлөөллийн шинжилгээ бүрэн хийгдсэн томоохон дэд бүтцийн төслүүдийг санхүүжүүлэхээр төлөвлөсөн байна.

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-30 202.126.88.147

Хүү нь жилийн 10 %? хагас жилийн 10 уу?

Avatar

Зочин 2021-03-30 192.82.83.221

Зах зээлийн үнэлгээ бол ам долларыг бид гаднаас худалдан авахдаа жилийн 6-9% ийн хүүтэй авдаг. Гэтэл Монгол банкны өрилжааны банкууд жилийн 1,6-2% хүүтэй ам долларын хадгаламжинд хүү тооцдог дээрэмд том цохилтыг өглөө

Avatar

Зочин 2021-03-30 192.82.88.64

Энэ зарлалаа ард иргэд ойлгохоор тайлбарлаач ээ. Хаанаас, яаж худалдаж авах талаар дэлгэрэнгүй мэдээлэл авъя.Ер нь хөрөнгийн биржийн арилжаанд жирийн иргэн оролцох боломжийг нээгээч. Заавал нэг брокерийн пүүс дээр татвар хураамж төлж биш дуртай газраасаа утсаараа орох нөхцлийг бүрдүүлмээр байна. Тэртэй тэргүй арилжаанд оролцсон татвараа улсдаа тушаах нь эргэлзээгүй шүү дээ. Харин хэн нэгэн том хулгайчийн брокерийн пүүсэд татвар төлмөөргүй байна

NewsMN Гар утасны хувилбар Татах
NEWS.mn

Мэдээллийн эх сурвалж