Ерөнхийлөгчийн сонгууль угтсан улс төрийг Цэц дэнсэлнэ | News.MN

Ерөнхийлөгчийн сонгууль угтсан улс төрийг Цэц дэнсэлнэ

РЕДАКЦИЙН ЗУРВАС

Ерөнхийлөгчийн сонгууль угтсан улс төрийг Цэц дэнсэлнэ

Ерөнхийлөгчийн сонгууль угтсан улс төрийг Цэц дэнсэлнэ

Үндсэн хуулийн Цэцийн дээр хөх тэнгэр л бий гэдэг ч улстөрчид, нам, эцэстээ Ерөнхийлөгч байдаг уу гэдэг эргэлзээ сүүлийн өдрүүдийн улстөрийг халууруулж байна. Цэц Үндсэн хуульд нийцүүлж аливаа шийдвэрээ гаргах зарчимтай. Гэхдээ Үндсэн хуулийн Цэц Үндсэн хуульд захирагдаж байна уу эсвэл улстөрчид, улс төрийн намд захирагдаж байна уу гэж эргэлзэх хүн олон болжээ.

Хамгийн сүүлд Үндсэн хуулийн Цэцийн Бага суудлын хуралдаан болсон, болоогүй гэх маргаан Ерөнхийлөгчийн сонгуультай холбогдож үүсэв. Эрх баригч МАН Үндсэн хуульд нэмэлт, өөрчлөлт оруулахдаа “Ерөнхийлөгч 50 нас хүрсэн, сүүлийн таваас доошгүй жил эх орондоо байнга оршин суусан, Монгол Улсын уугуул иргэнийг зургаан жилээр зөвхөн нэг удаа сонгоно” гэх заалтыг оруулж өгсөн. Үндсэн хуулийн нэмэлт, өөрчлөлт 2020 оны тавдугаар сарын 25-ны өдрөөс хэрэгжиж эхэлсэн.  Мэдээж эрэх баригч МАН-д Ерөнхийлөгч Х.Баттулгыг нэр дэвшүүлэх хүсэлгүй. Харин Ерөнхийлөгч Х.Баттулга нэр дэвших хүсэлтэй. Тэдний аль алиных нь хүсэл биелэх эсэхийг Үндсэн хуулийн Цэц дэнслэхээр ийн маргаан дагуулаад байна.

Өөрөөр хэлбэл, одоогийн Ерөнхийлөгч Х.Баттулга 2021 оны Ерөнхийлөгчийн сонгуульд өрсөлдөх боломжтой, боломжгүй гэх асуудал маргаантай байсан учраас дөрвөн ч иргэн Үндсэн хуулийн Цэцэд мэдээлэл хүргүүлсэн байдаг.

Үндсэн хуулийн Цэцийн Бага суудлын хуралдаанаар Монгол Улсын Ерөнхийлөгч, Ерөнхийлөгчөөр сонгогдож байсан хүмүүс 2021 оны Ерөнхийлөгчийн сонгуульд оролцох эсэх асуудлаар иргэд мэдээлэл гаргасныг Цэцийн гишүүн Д.Солонго хүлээн авч, маргаан үүсгэх шийдвэр гаргасан. Үүнийг нь Цэцийн Бага суудлын хуралдаанаар хэлэлцэж, маргаан үүсгэх эсэхийг хэлэлцэх хурлын шийдвэр гараагүй байгааг Цэцээс мэдээлж буй. Тодруулбал, анхны Бага хуралдаанаас Цэцийн гишүүн Д.Солонгын гаргасан маргаан үүсгэх шийдвэрийг хүчингүй болгосон гэж Ерөнхийлөгч Х.Баттулгын тал үзсэн. Харин Цэцээс үүнийг үгүйсгэж, Бага хурал шийдвэр гаргаагүй, үргэлжилж хуралдана гэдгийг мэдээлэв. Үндсэндээ эхний хуралдаан Д.Солонгын маргаан үүсгэх шийдвэрийг хүчингүй болгосон гэж Ерөнхийлөгч Х.Баттулгын талынхан мэдээлж, түүнийг 2021 оны Ерөнхийлөгчийн сонгуульд өрсөлдөх боломжтой хэмээн пи-ардсан.  Бага суудлын анхны хуралдаанд гурван Цэцийн гишүүн оролцох ёстойгоос нэг нь санал нэгдэлгүйгээр хурлыг орхин гарч, нөгөө хоёр нь шийдвэрээ албажуулсан гэж тайлбарлаж буй.

Ерөнхийлөгчийн Тамгын газрын дарга Ө.Шижир болон Ерөнхийлөгчийн зөвлөхүүд нийлж, мэдээлэл хийсэн. Тэдний зүгээс Бага суудлын хуралдаанд гурван гишүүний ирцтэйгээр эхэлж, нэг гишүүн нь санал зөрж хуралдааныг орхисон үйлдэл нь буруу гэдгийг тайлбарласан.

Энэ талаар хуульч А.Эрдэнэцогт “Монгол Улсын Үндсэн хуулийн цэцэд маргаан хянан шийдвэрлэх тухай хуулийн 21 дүгээр зүйлийн 21.4 дэх хэсэгт “Цэцэд маргаан хянан шийдвэрлэх ажиллагаа үүсгэх эсэх талаархи Цэцийн гишүүний шийдвэрийг маргагч талууд буюу Цэцийн аль нэг гишүүн эс зөвшөөрч гомдол, санал бичгээр гаргасан бол Цэцийн даргын тогтоолоор томилсон З гишүүний бүрэлдэхүүнтэй хуралдаанаар хянан хэлэлцэж, маргаан хянан шийдвэрлэх ажиллагаа үүсгэх эсэхийг шийдвэрлэж магадлал гаргана” гэж заасан. Үндсэн хуулийн Цэцийн Бага суудлын хуралдаан энэ заалтын дагуу явагджээ” гэсэн тайлбарыг өгсөн юм. Харин Үндсэн хуулийн Цэцийн зүгээс энэхүү хуралдаан дахин үргэлжилнэ, хэзээ товлогдож, хуралдах нь тодорхойгүй байна гэдгийг онцолсон юм.

Үүнтэй зэрэгцэн Монгол Улсын Үндсэн хуулийн Цэцийн гишүүн Ш.Цогтоо, Д.Солонго нарын бүрэн эрхийн хугацаа дуусгавар болсонтой холбогдуулан Улсын дээд шүүхээс Ж.Эрдэнэбулганыг Цэцийн гишүүнээр томилох саналыг УИХ-д хүргүүлж, өнгөрсөн Баасан гаригт томилсон юм. Ингэхдээ бүрэн эрхийн хугацаа нь дуусгавар болсон Цэцийн гишүүн Ш.Цогтоогийн оронд томилсон юм. Гэвч Баасан гаригт Ерөнхийлөгч Х.Баттулга УИХ-ын Ж.Эрдэнэбулганыг томилсон тогтоолд хориг тавихаа мэдэгдсэн.

Үндсэн хуулийн Цэцийн дээр хөх тэнгэр л оршино хэмээдэг. Угтаа бол улстөрчид, улс төрийн нам эсвэл санал болгож томилсон бүхэн Үндсэн хуулийн Цэцэд өөр олон малгай “өмсгөх”-ийг оролдож, тэр нь Цэцийн шийдвэрт нөлөөлж болохгүй. Цэц, Цэцийн шийдвэр эрх баригч намд ч Ерөнхийлөгчид ч “үйлчлэх”, аливаа шийдвэрээ нөлөөллөөс ангид байлгах тангарагтай. Гэхдээ тэд тангарагтаа үнэнч байх уу эсвэл 2021 оны Ерөнхийлөгчийн сонгууль угтсан улс төрд “оролцох” уу гэдэг анхаарлын төвд байна.

Цэц бол Үндсэн хуулийн шүүх!

Энэ мэдээнд өгөх таны сэтгэгдэл?
3
ЗөвЗөв
2
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-29 150.129.142.143

Үндсэн хуулийн шүүх бол Үндсэн хуулиа улс орныхоо ирээдүйн эрх ашигтай нь хамт хамгаалах учиртай. Тийм зорилгоор тайлбарлах хандлага сүүлийн 10 гаруй жил олон улсад давамгайлж байгаа. Дарангуйлагч төрүүлэхээс сэргийлэх учиртай. Олон улсад гарч буй өөрчлөлтийг хүлээн авч онолын гүнзгий тайлбар хийх чадалтай гарууд тэнд ажилладаг гэж найдъя. Баттулга дэвших эрхгүй. Зандаахүүгийн Энхболд замыг нь хаачихсан. Удахгүй бүх юм ил болно.

Avatar

Зочин 2021-03-29 103.26.194.111

МАНгас Х.Баттулга Ерөнхийлөгчийн сонгуульд оролцвол ялагдана гэдгээ хэдийн хүлээн зөвшөөрсөн. Харин ганцхан элдэв заль мэхээр түүнийг сонгуульд дэвшүүлэхгүйн тулд бүхэл муу муухай аргаа хэрэглэж байна. Төсвийн мөнгө, энд тэндээс ирсэн зээл тусламж, Монгол банк гээд байж болох бүх үүсвэрээс мөнгө хулгайлж энэ бусармаг, төрийн эрхийг хууль бусаар авах арга хэмжээндээ цацаж байна…

Avatar

Зочин 2021-03-29 202.126.88.138

Цэц,нам хамаагүй.Хэн илүү мөнгө цацсан нь гарна.Тийм нөхцөл,суурь бүрдсэн.Удвал Ганбаатар шиг гаруудыг дэвшүүлж санал хуваалгана.

Avatar

ХУУЛЬЧ 2021-03-29 192.82.64.190

МАН,,гэх улс төрийн НАМ ЕРӨНХИЙЛӨГЧ ГЭХ ,БАТТУГА ГЭДЭГ ХҮНЭЭС АЙСАН ГЭЖ МУНХРУУЛАХ ХЭРЭГҮЙ Л ДЭЭ ,,,,,МОНГОЛЧУУДЫГ ТЭНЭГ МУНХАГ ГЭЖ БИТГИЙ ЭНДҮҮР,,,,,,,,,,ХАМГИЙН ГОЛ НЬ МОНГОЛ УЛСАД ХУУЧИН ТОГТОЛЦООНД БАЙДАГ ШИГ НЭГ ХҮНЭЭР 10 ЖИЛ ЕРӨНХИЙЛӨГЧ ГЭДЭГ НЭР ЗҮҮЖ ЗАСАГЛУУЛАХ ЭСЭХЭД БАЙГАА ЮМ ,,,,,,,,,НЭГ ХҮНЭЭ ДАХИН ШҮТЭЖ АМЬДРАХ АРДЧИЛАЛЫН ҮНЭНТ ЗҮЙЛ ГЭВЭЛ ҮХЦ ШИЙДЭЖ БАЙГАА БОЛ ,ТЭД ХҮНИЙ НИЙГМЭЭС УРАХЧ ФЕОДАЛЫН , НИЙГЭМДЭХЭЭР МӨРӨӨДӨЖ БАЙГАА ХЭРЭГ ,,,,,,

Avatar

Зочин 2021-03-29 192.82.71.78

6.2-ыг хэн санаачилсан юм. Хэн дэмжиж баталсан юм. Тэр хүмүүс дэвших нүүр байгаа л юм байх даа.

Avatar

Зочин 2021-03-29 59.153.113.55

МАН, ёрөнхийлөгч Х.Баттулгаас айж улс төржихийн оронд өөрсдийн нэр дэвшигчээ эр хүн шиг Баттулга ёрөнхийлөгчтэй үзүүлчихээч

Avatar

Zochin 2021-03-29 202.126.90.160

Undsen huuliin deer unuudur MANam. MANamiin deer darga n bna daa

Avatar

Зочин 2021-03-29 183.177.108.2

Үндсэн хуулийн цэц дээр Баттулга байгаа шүү дээ өөртөө тааруулж шийдвэр гаргуулаад л их л зэвүүн сууж байгаадаа

Avatar

Зочин 2021-03-29 202.126.90.116

Монголын түүхэнд хамгийн их хориг тавьсан ерөнхийлөгч. Өөрийн эрх ашгийн төлөө парламентийн засаглалын эсрэг дандаа ажиллана. Өөрийнх нь явцуу эрх ашигт нөлөөлсөн хууль, тогтоол гарлаа маргааш нь бүхэлд нь хориг тавьна. Одоо бүр тогтоол гараагүй байхад нь хориг тавьна гэж гүйдэг болоод байгаа.

Avatar

Зочин 2021-03-29 66.181.169.108

Х.Баттулга ард түмний эв нэгдлийг илэрхийлж Монгол улсыг дэлхийд төлөөлөх ёстой хүн. гэтэл ард түмнийг жагсаалд турхирч, зөвхөн өөрөө улс төрийн оноо авахыг хичээдэг хэтэрхий хувиа бодсон хүн гэдэг нь харагдлаа

Avatar

Зочин 2021-03-29 124.158.96.184

МАН хэт олонхи юм бол жэнко гэгч хөгжлийн гацааг гусаад л хаях хэрэгтэй. Жэнког дэмжих этгээдүүд цөөхөн ш дээ. Асуудлыг олонхоороо л шийднэ ш дээ.

Avatar

Зочин 2021-03-29 202.55.188.93

Kh. Battulga ner devshvel undsen huulu zurchsun gsn ug shdee

Avatar

tulgaa 2021-03-29 183.177.108.2

Эргүү с** ҮХЦ-рүү гүйхийн оронд Шүүхийн Ерөнхий зөвлөл рүү очооч , архичин з**х*й шүүгч яахаа яриач

Avatar

zochin 2021-03-29 183.177.108.2

battulga oortoo ashigtai naimaa hiih gj chichirch bndaa

Avatar

Jamts 2021-03-29 183.177.108.2

Ерөнхийлөгч та огцорнуу мөнгөтэй хүнд хууль үйлчлэхгүй юм байнал даа

Avatar

Jargalmaa 2021-03-29 202.55.188.110

Undsen huulind harshilsan ym boloh ni dee hervee ner devshvel

Avatar

irgen 2021-03-29 183.177.108.2

Цэцэд чинь долоо буудуулсан чоно шиг хуульчид байдаг биз дээ. Баттулгыг дуудахад нь салаавч үзүүлэх зангарагтай гишүүн байдаггүй юм уу

Avatar

Зочин 2021-03-29 202.126.89.240

Umnu ni nomhon zogsood bainalee, chaavaas ni!

Avatar

Surentuya 2021-03-29 202.55.188.88

Battulga ner dewshih n undsen huuli zurchinu

Avatar

Bataa 2021-03-29 183.177.108.2

Үндсэн хуулийн цэцэд Баттулга нөлөөлж байна

Avatar

Oyun 2021-03-29 183.177.108.2

Үндсэн хуулийн дээр хэн ч байх эрхгүй

NewsMN Гар утасны хувилбар Татах
NEWS.mn

Мэдээллийн эх сурвалж