ЖДҮ-чид барьцаа хөрөнгөгүйгээс зээл авч чадахгүй байна | News.MN

ЖДҮ-чид барьцаа хөрөнгөгүйгээс зээл авч чадахгүй байна

ЖДҮ-чид барьцаа хөрөнгөгүйгээс зээл авч чадахгүй байна

Гурван хувийн хүүтэй зээл зорилтот бүлэгтээ хүрэхгүй байна

Гурван хувийн хүүтэй зээл зорилтот бүлэгтээ хүрэхгүй байнаhttps://news.mn/r/2416006/

Posted by News.mn on Sunday, March 28, 2021

Жилийн гурван хувийн хүүтэй зээл авч, бизнесээ сэргээх гэсэн Жижиг, дунд үйлдвэрлэл (ЖДҮ) эрхлэгчид банкны үүдэнд дугаарлаж байна.

Албаныхан “Гурван хувийн хүүтэй зээл эзэндээ хүрч байна” хэмээн мэдээлж байгаа ч ажлын байрыг дэмжих энэхүү зээл зорилтот бүлэгтээ хүрэхгүй байна.

Орлого нь хүрэхгүй, барьцаа хөрөнгө нь хүрэхгүй гэх шалтгаанаар банкны шалгуурт бүдрэх болжээ. Анх энэхүү гурван хувийн хүүтэй зээлийг олгоход Засгийн газар нийт найман шаардлага тавихаар болсон ч банкууд хөнгөрүүлж, зөвхөн НӨАТ төлөгч байх гэсэн ганц шаардлага тавихаа мэдэгдсэн юм.  Гэвч ЖДҮ эрхлэгчид барьцаа хөрөнгөгүйгээс бага хүүтэй зээлд хамрагдаж чадахгүй байгаагаа учирлалаа.

Өрхийн үйлдвэрлэлээс бизнесийнхээ гарааг эхлүүлсэн иргэн Б.Зоригтхүү нь орон сууцны подволь түрээслэн оёдлын цех ажиллуулдаг. Тэрбээр эхнэртэйгээ хамт 2019 оноос жижиг оёдлын цех байгуулж, тогооч,  бэлтгэгчийн хувцас үйлдвэрлэж цайны газар, ресторанд нийлүүлдэг байсан аж. Гэвч цар тахлын улмаас хөл хорионд орсноор үйлдвэрлэл нь зогссон тул хүндхэн цохилтод оржээ. Хөл дээрээ зогсох боломж нь жилийн гурван хувийн хүүтэй зээл байсан ч банк “барьцаа хөрөнгө нь хүрэхгүй байна” гэх шалтгаанаар зээл олгохоос татгалзжээ.

БАНК МӨНГӨТЭЙ БОЛ  ЗЭЭЛ ОЛГОЖ, МӨНГӨГҮЙ БОЛ ТАТГАЛЗАЖ БАЙНА 

Өрхийн жижиг дунд үйлдвэрлэгч иргэн Н.ЗОРИГТХҮҮ: 

-Ерөнхий сайд Л.Оюун-Эрдэнэ Монголбанк болон банкуудад ажиллах үеэрээ “Зээл эзэндээ хүрч байна, банкуудад зээл олголт хэвийн үргэлжилж байна” гэж хэлсэн. Үүнийг сонсоод гурван хувийн хүүтэй зээл авч болох юм байна гэж ойлгосон. Банкин дээр очиход бодит байдал дээр эсрэгээрээ  Ерөнхий сайдын хэлсэн шиг байгаагүй. Хувь хүнээр 50 сая хүртэлх зээлд хамрагдъя гэхэд “барьцаа хөрөнгө” л шаардаж байна. Над шиг эгчийнхээ хашаанд таван ханатай гэрт эхнэр хүүхэдтэйгээ амьдардаг, гарааны бизнесээ дөнгөж эхлүүлсэн хүнд бараа материалаас өөр барьцаанд тавих эд зүйл байхгүй. Бараа материалаа барьцаалж 30 саяын зээл авъя гэхэд 60-70 саяын эргэлтийн хөрөнгөтэй байхыг шаардаж байгаа юм.

Би 70 саяын бараа материалын барьцаа хөрөнгөтэй байсан бол 30 саяын зээл авах шаардлагагүй. Хэрвээ зээл бүтсэн бол өөрийн гэсэн ажлын байртай болъё, бизнесээ өргөжүүлье, ажилчдынхаа тоог нэмж, бүтээгдэхүүнийхээ төрлийг нэмэгдүүлэх байсан.

Ер нь гурван хувийн хүүтэй зээлийг иргэн хүн авъя гэвэл 120 сая хүртэлх төгрөгийн барьцаа хөрөнгөтэй байж авах юм шиг байна. Гэтэл надтай адилхан гарааны бизнесээ эхлүүлээд удаагүй, барьцаа хөрөнгөгүй, ажлын байраа түрээслэдэг  өчнөөн хүн бий шүү дээ. Үнэхээр ажлын байрыг дэмжье,  бизнес эрхлэгчдийг том, жижгээр нь ялгахгүй, дэмжих зорилго байгаа л бол банкнаас олон шалгуур тавих бус итгэлцэл дээр тогтох ёстой. Банк мөнгөтэй хүнд нь зээл олгож, мөнгөгүй бол татгалзаж байна.  Үнэнийг хэлэхэд бухимдаж байна.

АЖЛЫН БАЙРТАЙ БОЛЖ ЧАДАХГҮЙ БОЛ 3 ХУВИЙН ХҮҮТЭЙ ЗЭЭЛ АВАХ ШААРДЛАГА АЛГА

Жижиг дунд бизнес эрхлэгч Т.БАЯРМАА: 

-Төрийн бодлого зорилтот бүлэгтээ хүрдэггүй нь дунд, доод шатандаа завхрал байна гэж харж байна. Оёдлын салбарт 15 жил үйл ажиллагаа явуулсан ч өнөөдрийг хүртэл өөрийн гэсэн байртай болж чадаагүй.

ЖДҮХС-гаас зээл авах гэж дүүгийнхээ 50 саяыг алдаж, өрөнд орж байсан. Сая гурван хувийн хүүтэй зээл авч, ажлын байртай болох санаатай банкинд хандсан ч авсан зээлээ бараа материал, техник технологи шинэчлэхээс өөр бусад зүйлд зарцуулж болохгүй гэх шаардлага тавьсан. Тэгэхээр энэ зээл надад ямар ч ашиггүй тусч байгаа юм.

Залхахдаа оёдлын цехээ зарж, жижиг дунд бизнесийн салбараас гарахдаа туллаа.  Баялаг бүтээгчдийг өнөөдрийн хоолны төлөө уяж байгаа нь төрийн эмгэнэл юм.

ЖДҮ эрхлэгчдийн дийлэнх нь өөрийн гэсэн ажлын байргүй, түрээсийн байранд үйл ажиллагаа явуулдаг.  Гэтэл мэргэжлийн хяналтын байгууллагаас үйл ажиллагааг нь хаах, торгох зэргээр дарамт ч учруулдаг байна.

ГУРВАН ХУВИЙН ХҮҮТЭЙ ЗЭЭЛ БИДЭНД ХҮРТЭЭЛГҮЙ ЮМ БАЙНА

Барьцаа хөрөнгөгүй, гэр бүлээрээ ажилладаг, хүн цалинжуулдаггүй, жижиг, бичил бизнес эрхлэгчид зээл авах тухай бодолтгүй гэдэгтээ итгэжээ. Тухайлбал, лангуу түрээслэгчид, гадаа зогсч бараа борлуулагчид, ТҮЦ ажиллуулдаг хүмүүс зээлийн шаардлагад нийцэхгүй гэдгээ хэлсэн. Тэдний төлөөлөл болох ТҮЦ ажиллуулдаг иргэн Батцэцэг  нь  гурван хувийн хүүтэй зээлийн шалгуурт  “орлого хүрэхгүй” гэх шалтгаанаар бүдэрчээ. Түүний хувьд хотын төвөөс алслагдсан захын хороололд ТҮЦ ажиллуулдаг, хашаа байшингаа барьцаалахад зээлд хамрагдах боломжтой гэж итгэсэн ч талаар өнгөрчээ.

ТҮЦ ажиллуулдаг иргэн Б.БАТЦЭЦЭГ:  

-ТҮЦ ажиллуулдаг хүмүүсийг жижиг дунд үйлдвэр эрхлэгчид гэж үздэггүй  бид орлогоороо амьдарч байгаа. Над шиг өдрийн орлогоороо амьдралаа авч яваа өчнөөн олон хүн бий. Гэтэл бидэн шиг хүмүүст ямар ч зээл олддоггүй, хүртээлгүй юм байна. Бидний хувьд зээл авах тухай бодоод ч хэрэггүй юм билээ.

Ерөнхий сайд Л.Оюун-Эрдэнийг банкныхантай уулзаж байхыг нь хараад, өөрийгөө зээл авч болно гэж итгэсэн. Хашаа байшингаа барьцаалаад 15 саяын зээл авч, ТҮЦ-ээ зургаа юмуу найман нэрийн дэлгүүр болгохыг зорьсон. Банкин дээр очтол бүтэн  жилийн орлогын хуулга авчрах шаардлага тавьсан. Гэтэл хөл хорионы улмаас хагас жил ажиллаагүй. 

Тиймээс орлогоо ч нотолж чадахгүй байна гэсэн шалтгаанаар банк зээл олгохоос татгалзсан гэлээ.

Засгийн газрын Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөнд тусгагдсан Ажлын байрыг дэмжих гурван хувийн хүүтэй зээлийг энэ сарын 9-өөс олгож эхэлсэн. Энэхүү зээлийг арилжааны банкуудын бүх салбараар олгож байгаа гэдгээ албаныхан мэдээлж буй.

Улсын хэмжээнд 94500 орчим аж ахуй нэгж үйл ажиллагаа явуулдаг. Эдгээрийн 80 орчим хувь нь худалдаа үйлчилгээний салбарт харъяалагддаг бөгөөд олонх нь түрээсийн байранд үйл ажиллагаа эрхэлдэг нь барьцаа хөрөнгө гаргах боломжгүйд хүрч байгаа юм.

ГУРВАН ХУВИЙН ХҮҮТЭЙ ЗЭЭЛ, БИЗНЕСИЙН ЗЭЭЛИЙН БҮРДҮҮЛЭХ МАТЕРИАЛ АДИЛХАН 

Иргэн Т.НАЙГАЛМАА: 

-Засгийн газраас хэрэгжүүлж буй жижиг дунд бизнесийг дэмжсэн гурван хувийн хүүтэй зээл надад том боломж олгосон. Зээлийн хүсэлтээ өгч, хариугаа хүлээх хугацаанд ямар нэгэн хүндрэл, бэрхшээл гараагүй. Төрийн банк миний хүсэлтийг богино хугацаанд хүлээн авч, шийдвэрлэсэн гэдгээ Т.Найгалмаа тодотголоо.

Өмнө нь бизнесийн зээл авч байхад бүрдүүлсэн материалаар гурван хувийн хүүтэй зээл авсан. Банкны гүйлгээ, хуулга, бараа материалын үлдэгдэл, үл хөдлөх хөрөнгийн барьцаа нь тодорхой, баримттай учраас ямар нэгэн асуудал гараагүй. 

Хамгийн гол нь нэг эдийн засагчтайгаа тогтмол харилцдаг байхад зээл ч бүтэхэд ч хялбар байдаг. Тухайн эдийн засагч нь өмнө нь намайг ямар зээл авч байсан, найдвартай эсэхийг мэддэг учраас тэр.

Миний хувьд гаднаас импортын бараа оруулж ирдэгүй, ЖДҮ эрхлэгчидтэй хамтран ажилладаг. 2007 оноос хойш лангуу түрээсэлж, дотоодод үйлдвэрлэсэн эсгий, ноос ноосон бүтээгдэхүүнээ борлуулаад 15 жил болж байна.

Хөл хорио хүндхэн цохилт болсон. Өвөл зарна гэж тооцсон бараанууд борлогдохгүй түгжигдсэн. Тиймээс ч барааны таталт хангалттай байсан.

Ийм хүнд нөхцлөөсөө гарч чадаагүй яахаа мэдэхгүй байхад ажлын байрыг дэмжих гурван хувийн хүүтэй зээл авч, эргэлтийн хөрөнгөө бүрдүүлсэн гэлээ.

НИЙТ 75.3 ТЭРБУМЫН ЗЭЭЛ  ОЛГОЖЭЭ 

Монголбанкнаас өгч буй мэдээллээр энэ сарын 24-ний өдрийн байдлаар Ажлын байрыг дэмжихэд зориулж 75.3 тэрбум төгрөгийн зээлийг 1,208 зээлдэгчид олгосон байна. Үүнээс Улаанбаатар хотод 21.1 тэрбум төгрөгийн зээлийг, орон нутагт 54.2 тэрбум төгрөгийн зээлийг тус, тус олгожээ.

ГЭРЭЛ ЗУРГИЙГ Н.БАТМӨНХ

Энэ мэдээнд өгөх таны сэтгэгдэл?
5
ТэнэглэлТэнэглэл
3
ХахаХаха
2
ХарамсалтайХарамсалтай
1
ХөөрхөнХөөрхөн
1
ГайхмаарГайхмаар
1
БурууБуруу
0
ЗөвЗөв
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ulemj 2021-03-29 66.181.177.165

Tuthai baiguulag dans deer dandaa gvilgee hiine orlog zarlaga gesen. bas gadaads baraa tataj abah ym bol barag geree zorchih ym shij oilgoloo geree zorchuul 19%bolno geh shig , 1buriin gvilgee ezen holbogdogchiin shalgana gesen 1esondoo tagnuulaad suuj bhiin ym bnle .

Avatar

battulga 2021-03-29 202.55.188.41

ymar shalguur tawuad bgn ed?

Avatar

поп хэнтии 2021-03-29 66.181.161.46

ХЯТАД СОЛОНГОСООС СУРАЛЦ банк дарга нар хэн юу хииж байгааг залхууралгүй явж танилц банкинд 8 орчим % хахууль төлж байна НӨАТ БАЙХГҮЙ бол монголын төлөө бус боллоо ОЮУНЭРДЭНЭ ХОШНОГО МАНГАРСҮХЭЭС ялгаа алга хахууль гаарлаа БАГАБАНДИИГ алтан бүсээр нь ороолгоно гэсэ яавдаа бас нэг ло поп ХЭНТИИ ДУНДГОВЬ ГОВЬАЛТАЙ ЯДУУ УЧИР ТЭНЭГҮҮД сонгодог

Avatar

Бөжуна 2021-03-29 66.181.161.122

Энэ ждү нэртэй болхоос ждүг дэмжсэн ямар нэгэн бодлого юү ч алга жижиг бизнес эрхэлдэг бидэн шиг хүмүүст олдоно гэж горьдох нь битгий хэл бодоод ч хэрэггүй юм байна лээ ийм завхарсан төртэй улс орон гэж Монголоос өөр алга

Avatar

ЖДҮ эрхглэгч 2021-03-29 64.119.17.210

Тоног төхөөрөмжид яагаад өгч болдоггүй юм бэ? Уг нь ТТ авна гэдэг чинь ажлын байраа хадгалах, нэмэгдүүлэх чухал нөхцөл шүү дээ. Эргэлтийн хөрөнгө нь өртөг багатай байдаг. ТТ муудаад шинийг авах шаардлагатай байдаг. Энэ бодлого нэг л буруу юмаа.

Avatar

Зочин 2021-03-29 66.181.161.84

20000000-саяын зээл хүсэхэд 50000000-саяын барьцаа хөрөнгө ч гэх шиг, тавин саяын эргэлтийн хөрөнгөтэй бол зээл авахын хэрэг байхгүй шүү дээ. Амьдралд ойрхон , ард түмнээ бодож байгаа бол хөрсөн дээр буусан зөв шийдвэр хэрэгтэй байнааа. Энэ зээл бол сонгуулийн шоу гэдэг илт мэдрэгдээд байна шүү. Ядарсан бид бол авч чадахчгүй юм байна лээ. Шоугаар зогсоо . энэ мөнгөөрөө сургууль , цэцэрлэгийнхээс асуудлыг шиидчихвэл энэ чинь харин ядарсан бидэнд хүртээмжтэй үр , хүүхдэд хэрэгтэй болох байх шүү.

Avatar

Зочин 2021-03-29 66.181.161.84

Бидэн шиг барьцаа хөрөнгө байхгүй, өөрсдийнхөө хар биений чадлаар хувиараа хөдөлмөр эрхэлдэг хүмүүст олдохгүй зээл байна лээ. Банкаар 2-3удаа очиж уулзаад урам хугарсан даа. Хувиараа жижиг бизнисхийдэг ирэгдээсээ заавал барьцаа нэхэлгүй дансны хуулага, оролгийн хар дэвтэр , ажилын байрыг нь үзэж хараад зээл олгох боломж байхгүй юу. Гадаадын улс орнуудад жижиг бизнис хийдэг хүмүүстээ ийм маягаар итгэлцлэлийн зээл олгодог гэсэн. Энэ 3- хувийн зээл бол зүгээр л сонгуулийн шоу , биднээр тоглож байна

Avatar

Зочин 2021-03-29 202.9.46.38

Барьцаа хөрөнгө байгаад ч болохгүй байна, ямар нэгэн инээдтэй шалтаг гаргаж ирээд л.. сүүлийн 1 жилийн хуулга ч гэх шиг

Avatar

Барьцаа хөрөнгөтэй бсан ч өгөх тун дургүй бна лээ 2021-03-29 112.72.6.174

Барьцаа хөрөнгө бсан ч борлуулалтын орлого хүрэхгүй бна гэж шалтаг хэлж бна лээ, олон сар жил дөвчигнөж хөл хорио хийчихээд яаж борлуулалтын орлого өнөр байх вэ дээ, худлаа талдаа л юм бна лээ, өргөдөл өгөөд бараг 1 сар болж бна…

Avatar

ulemjee 2021-03-29 66.181.177.165

Ogohgvi gatsaaj bdg songuuli duusah.r sanhuujilt duusan geh bhdaa.

Avatar

Зочин 2021-03-29 103.26.195.237

Гадны банкыг боомилоод, монгол банк, арилжааны банкуудтай нийлээд хувьчлалаас омно оорсдийн, чадавхийг бэхжуулж, яг л эдийн засгийн оршоолийн хууль шиг болгож бна даа. Маш том завхрал явагдаж, эцэст нь хариуцлага хулээх эзэнгуй болно доо.

Avatar

Зосн 2021-03-29 139.5.218.227

Jijig zeel avagchid 30,000,000-50000000 avsan tohioldol 98% huvtai ergen tulultei b.dag yuum b.na.Terbumees deesh zeel 10% tulugduj

Avatar

osor 2021-03-29 202.126.90.115

ene butexiinmu

Avatar

Дагва 2021-03-29 103.229.120.217

Харин нэг иймэрхүү юм болоод байна .Төсөл бичвэл яах бол оо? Барьцаа хөрөнгө л бас шаардах байх даа?

Avatar

Зочин 2021-03-29 66.181.161.10

Дээр байгаа хогийн новшнууд хэзээ ч ард түмний төлөө сэтгэл гаргахгүй. 3 хувийн хүүтэй урт хугацаатай мөнгөөр олигархи, өөрсдийн бизнесээ тэтгэх л бодлого ш дээ. Тэгээд нээх том юм ярьж худлаа пиардаад.

Avatar

Ийм л бна сдаануудаа 2021-03-29 66.181.189.152

Арчаагүй дандаа ард иргэдийнхээ хоолноос булааж иддэг ийм төр засаг бх ер нь хэрэг бна уу.

Avatar

Badarch taxar 2021-03-29 192.82.86.173

Ene zeelsen mongoni tal ni ergej irehgvi kowidoor shaltaglaad hvmvvs awsan zeelee ergeej ogohgvi e tor ch nehehgvi e

Avatar

МӨӨГИЙ 2021-03-29 86.106.74.197

насанд хүрсэн 2хон сая хүнтэй тал нь ядуу ЖИЖИГ ЗАХ ЗЭЭЛТЭЙ УЛСАД ЖДҮ ХӨГЖӨӨЧ ҮГҮЙ ХАГЖИХ ҮГҮЙ? ДЭЭР НЬ ХЯТАД ВЕТНАМ СОЛОНГОС ОРОС ӨМНӨД АЗИЙН ҮЙЛДЭРЛЖИЛТ ХӨГЖСӨН УЛСУУДААС АСАР ИХ БАРАА ТАТВАРГҮЙ ШАХУУ ЦУТГАХААР БҮР ХӨГЖИХГҮЙ?? ТЭГЭЭД Ч ТӨЛӨХ ЧАДВАРГҮЙ ҮЙЛДВЭРТЭЙ БАРЬЦААГҮЙ ХҮНД ЗЭЭЛ ӨГДӨГ ТЭНЭГ УЛС ДЭЛХИЙД ГАНЦХАН МОНГОЛД Л БАЙГАА АРИЛАХ ЁСТОЙ

NewsMN Гар утасны хувилбар Татах
NEWS.mn

Мэдээллийн эх сурвалж