Нийслэлийн Сонгинохайрхан дүүргийн 38-р хороо “Мон сүү” ХХК-ны гадаа байрлах траншейн дотор хүн нас барсан байна” гэсэн  дуудлага гуравдугаар сарын  23-ны 10:00 цагт Нийслэлийн онцгой байдлын газарт иржээ. Дуудлагын дагуу тус газрын 105-р ангийн алба хаагчид очиж ажиллаан, цогцсыг гаргасан байна. Тухайн хэргийн талаар Цагдаагийн ерөнхий газрын Хэвлэл мэдээллийн төвөөс тодруулахад “Одоогоор мөрдөн шалгах ажиллагаа хийж байгаа тул тухайн иргэн хэн болохыг нь бүрэн тогтоогоогүй байна. Талийгаач эрэгтэй нь 55-60 орчим насны хүн байсан. Биедээ ил харагдах гэмтэл, шархгүй байсан” гэх мэдээлэл өглөө. Хэргийг нийслэлийн Сонгинохайрхан дүүрэг дэх цагдаагийн газрын нэгдүгээр хэлтэс шалгаж байна.

Ц.ЯНЖИНДУЛАМ