Сэлэнгэд очсон Дарханы хоёр иргэн халдвартай нь тогтоогджээ | News.MN

Сэлэнгэд очсон Дарханы хоёр иргэн халдвартай нь тогтоогджээ

Сэлэнгэд очсон Дарханы хоёр иргэн халдвартай нь тогтоогджээ

Сэлэнгэд очсон Дарханы хоёр иргэн халдвартай нь тогтоогджээ

Сэлэнгэ аймгийн онцгой комиссын ээлжит хуралдаан өчигдөр (2021.03.23) 23:20 цагт хуралджээ. Хуралдаанаар үүссэн нөхцөл байдалтай холбогдуулан хэрхэн ажиллах талаар тус аймгийн Онцгой комиссоос сумдад чиглэл болгосон байна.

Ногоон бүс болох Дархан-Уул аймгаас асуумжаар ирсэн хоёр иргэн 2021 оны гуравдугаар сарын 20-ны өдөр Сүхбаатар суманд сүлжээний бизнесийн ухуулга сурталчилгааны ажлаар ирж, үйлчилгээний байгууллагууд, иргэдтэй уулзсан өгүүлэмжтэй. Дээрх иргэдийг гуравдугаар сарын 23-ны өдөр дөрвөн замын шалган нэвтрүүлэх цэгээс Дархан-Уул аймгаас авчруулсан хувийн автомашинаа тосч авах явцад нь түргэвчилсэн шинжилгээнд хамруулахад хариу нь эерэг гарсан. Улмаар баталгаажуулах PCR шинжилгээнд хамруулахад халдвартай нь батлагдсан. Мөн Улаанбаатар хот болон бусад аймаг орон нутагт өвчлөл нэмэгдэж байгаатай холбогдуулан эрсдэлээс урьдчилан сэргийлэх үүднээс Сэлэнгэ аймгийн хэмжээнд:

  • Сумдын онцгой комисс, мэргэжлийн байгууллагууд болзошгүй эрсдлийг үнэлж, шуурхай хариу арга хэмжээ авах,
  • Гэрийн ажиглалтад байгаа иргэдэд тавих хяналтыг чангатгах, энэ ажилд төрийн болон төрийн бус байгууллагыг татан оролцуулах,
  • Сумын тусгаарлах болон ажиглах байрны бэлтгэл бэлэн байдлын хангах, халдвар хамгааллын дэглэмийг сайжруулах,
  • Автозамын шалган нэвтрүүлэх хяналтын цэгүүдийн үйл ажиллагааг эрчимжүүлж, хяналтыг чангатгах,
  • Сумын хэмжээнд үйл ажиллагаа явуулж байгаа төр төсвийн болон үйлчилгээний байгууллагуудын халдвар хамгааллын дэглэмийг өндөр түвшинд сахиулж ажиллах,
  • Сумдын онцгой комисс сум орон нутгийнхаа орох, гарах хөдөлгөөнд зохицуулалт хийж, эрсдэл бүхий бүс нутагруу иргэдийг зорчуулахгүй байхад анхаарч ажиллахыг үүрэг болгосон байна.

Сүхбаатар суманд үүсэн нөхцөл байдалтай уялдуулан:

  • Хүнс, шатахуун, эмийн сангаас бусад төрлийн худалдаа үйлчилгээг хориглох, төр төсвийн байгууллагуудын ажилчдын 10 хүртэлх хувийг ажиллуулах, сургууль, цэцэрлэгийн үйл ажиллагааг түр зогсоох,
  • Тандалт судалгаа /Ойрын болон дам хавьтлыг нэг бүрчлэн тогтоох/
  • Ариутгал халдваргүйжүүлэлт хийх
  • Хөл хорио тогтоох
  • Орох, гарах хөдөлгөөнийг хязгаарлахыг Сүхбаатар сум болон мэргэжлийн байгууллагуудад үүрэг болгожээ.
Энэ мэдээнд өгөх таны сэтгэгдэл?
2
ХарамсалтайХарамсалтай
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-24 202.55.188.102

Huduu ochij baigaa humuusiig 14 honog tusgaarlah heregtei, udriin 50000 avaad buudal gargachihgui yu, tegvel haldvartai baisan ch 14 hongotoo arai gaigui bolno. Tegehgui bol shinjilgee uguud garaad yavahdaa haldvar avchaad taraagaad yavaad baina

Avatar

irgen 2021-03-24 192.82.84.230

zarim tohioldold iim henggui hariytslagagui tenemel humuusiis ner ys zyragtai n medeelj boldggui yum y,manaih arai l heterhii hunii erh hyviin nyyts yarij zadgai baih yum,iim baihd yu ch uurchlugdhgui l de

Avatar

Зочин 2021-03-24 150.129.141.188

1,4 тэрбум хүнийг хянаж эмчилж чадаж байгаа газраас туршлага судалвал дээргүй юу

Avatar

Зочин 2021-03-24 202.131.225.150

Hatuu hol horij l barij awsanshude oor zuilgu. Anh garj bhd ni l mash hatuu hol horiod awsn bol odo iim bdald hurehgu l baisan bh

NewsMN Гар утасны хувилбар Татах
NEWS.mn

Мэдээллийн эх сурвалж