ГХЯ: Хил нээсэн ч өмнөх шигээ гадаадад зорчих боломжгүй | News.MN

ГХЯ: Хил нээсэн ч өмнөх шигээ гадаадад зорчих боломжгүй

ГХЯ: Хил нээсэн ч өмнөх шигээ гадаадад зорчих боломжгүй

ГХЯ: Хил нээсэн ч өмнөх шигээ гадаадад зорчих боломжгүй

УОК-ын дэргэдэх Шуурхай штабаас цаг үеийн асуудлаар мэдээлэл хийлээ.


УОК-ын шийдвэрээр гадаад дахь иргэдээ үе шаттайгаар татан авч буй. Энэ дагуу гуравдугаар сард 14 удаагийн нислэг үйлдэж байна  гэж  Гадаад харилцааны яамнаас мэдээлэв.

-ГХЯ-ны Консулын газрын дарга Л.МӨНХТҮШИГ: 

-Гуравдугаар сард товлосон нислэгийн хуваарийн дагуу маргааш Сөүлээс 165 иргэн эх орондоо ирнэ. Энэхүү нислэгээр  тус улсаас нутаг буцах хүсэлтэй иргэд багтаж байна. Цөөн тохиолдолд, Тайвань, Испани улсаас зайлшгүй шаардлагаар нутаг буцах хүсэлтэй иргэд багтаж байгаа юм. Мөн УОК-оос өгсөн үүрэг чиглэлийн дагуу ОХУ-аас нутаг буцах хүсэлтэй 20 гаруй иргэнийг энэ сарын 30-ны Алтанбулаг хилийн боомтоор нэвтрүүлэх шийдвэр гарсан. Хилийн боомтоор нэвтрэх иргэдээ 10 хоног тусгаарлана.

Дөрөвдүгээр сарын нислэгийн тов зарлагдсан. Ирэх сард 400 гаруй иргэн эх орондоо ирэх тооцоо байна. Нутаг буцах хүсэлтэй иргэдийн тухайд улс бүрт харилцан адилгүй. Нутаг буцах иргэдийн тоо буурч байна. Энэ нь гуравдугаар сарын нислэгээр ажиглагдаж байна.

Covid-19 халдварын эсрэг вакцинжуулалттай холбогдуулан CoVax хөтөлбөрийн хүрээнд Файзер 25 мянган тун вакциныг маргааш татан авна. Энэхүү вакцинд  зорилтот бүлгийн  65-аас дээш насны болон архаг хууч хүнд өвчтэй хүмүүсийг хамруулахаар төлөвлөжээ.

НИЙСЛЭЛД 37 ЗОЧИД БУУДЛЫГ ТУСГААРЛАХ БАЙРААР  АШИГЛАЖ БАЙНА

Нийслэлийн хэмжээнд өнөөдрийн байдлаар 37 зочид буудал тусгаарлах байрны зориулалтаар ажиллаж байна. Одоогоор нөөцөд ашиглахаар төлөвлөсөн 9 зочид буудлын 600 гаруй өрөө байна. Тусгай үүргийн нислэгээр ирэх иргэдийг тусгаарлах 11 зочид буудлын 500 гаруй өрөөг бэлджээ.

                ГЭРТЭЭ ТУСГААРЛАГДАЖ БУЙ ХҮМҮҮС ДАРХЛААГАА ДЭМЖИНЭ

Эрүүл мэндийн яамнаас Covid-19 халдварын онош нь батлагдсан ч хөнгөн өвдсөн иргэдээ гэрт нь тусгаарлахаар болсныг мэдээлж байв.  Энэхүү шийдвэр хэрэгжиж эхэлсэн гэдгийг УОК-ын дэргэдэх Шуурхай штабаас мэдээлэв. Тухайн иргэний санал хүсэлтийг харгалзан үзэж, гэртээ тусгаарлах юм. Тодруулбал, энэ сарын 15-аас хойш иргэний хүсэлтээр 7-14 хоног тусгаарлаж байна. Гэртээ тусгаарлагдан эмчлүүлж байгаа хүмүүсийн тухайд онцын эмчилгээ байхгүй гэж Шуурхай штабаас мэдээлэв. Тус штабт ажиллаж буй

Д.Нарангэрэл “Гэртээ байгаа хүмүүс халуун цай ундаа уух хэрэгтэй. Ардын уламжлалт аргаар хунчир, чацаргана, аньс зэрэг хэрэглэж дархлаагаа дэмжихийг зөвлөж байна. Өндөр тунгаар витамин В, D хэрэглэнэ. Ямар нэг байдлаар халуурах, толгой өвдөх зэрэг шинж тэмдэг илэрвэл парацетамол уух хэрэгтэй. Гэхдээ эмийг гурав хоногоос илүү хэрэглэж болохгүй” гэлээ.

Гадаад харилцааны яамнаас ирэх тавдугаар сараас хил нээх шийдвэртэй холбогдуулан дараах тайлбарыг өглөө. Тус яамны Консулын хэлтсийн дарга Л.Мөнхтүшигийн хэлснээр хил нээгдсэн ч өмнөх үе шиг чөлөөтэй гадаадын улс орнууд руу зорчих, хилээр нэвтрэх боломжгүй аж. Тодруулбал, цар тахлын үед халдвар хамгааллын дэглэмд нийцүүлэн улс орнууд хилийн хязгаарлалт хийснийг онцоллоо. Энэ талаар Тэрбээр “Гадаад харилцааны яам өнөөдрийн байдлаар хил нээхтэй холбогдуулан гадаадын улс орнууд хилийн ямар хязгаарлалттай байгааг судалж байна. Өнөөдрийн байдлаар гадаадын 113 улс хилээ бүрэн болон хэсэгчлэн хааж байна. Үүнтэй холбогдуулан Япон руу зорчих виз авсан иргэд сар гаруйн хугацаанд зорчиж чадахгүй асуудал байна. Тиймээс хил нээнэ гэдэг бүх зүйл чөлөөтэй болно гэсэн үг биш. Сүүлийн үед чартер нислэгтэй холбоотой хүсэлт буурч байна” гэлээ.

Энэ мэдээнд өгөх таны сэтгэгдэл?
4
БурууБуруу
2
ЗөвЗөв
2
ХарамсалтайХарамсалтай
2
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-23 43.242.243.115

ene ulaan said ih buduleg erleg olbin humuus shuude. ugaasa bodoo hoolo idehdee nusa ideel yag traktor yabjigam shigen muuhai duu gargaal soorool iim muuhai hunnd hen geree hiihin boloo.

Avatar

Зочин 2021-03-23 202.179.27.186

munkhtushig mundag zalu shu, ajilaa ih sain hiij bgaa sanagddag, turiin alban haagch iim l bh yostoi

Avatar

Зочин 2021-03-23 103.212.116.86

Социализмийн үед эргээд морил. Ганц нэг алтан мусагва явсан хүнтэй таархад пий паа болдог бждээ.

Avatar

Hyanan shalgagch 2021-03-23 103.26.195.144

Nuguu 8 say tugrugiin emchilgee ni geriin nuhtsuld 0 munguur emchlegdeh bolov u?

Avatar

Зочин 2021-03-23 66.181.188.200

Oyun erdene g**** s*****g

NewsMN Гар утасны хувилбар Татах
NEWS.mn

Мэдээллийн эх сурвалж