Австралийн зүүн хэсэгт сүүлийн 50 жил тохиогоогүй их үер буусан талаар мэдээлсэн билээ. Тус улсын Шинэ Өмнөд Уэльс үерт хамгийн их хохирол амсч, далангууд хальж, суурьшлын бүс эрсдэлтэй болсон тул 18 мянга гаруй хүнийг нүүлгэн шилжүүлж, авто болон төмөр зам, тээврийн хөдөлгөөнийг түр хязгаарласан байна.  Хүчтэй аадар бороо үргэлжлэн орох төвөлтэй байгаа юм.

Иймд Шинэ Өмнөд Уэльс муж дахь нүүрсний уурхайнуудын үйл ажиллагааг хэсэгчлэн зогсоож, олборлолтын хэмжээг түр хугацаанд бууруулахаар болсон байна. Түүнчлэн тус компанийн нүүрсний экспортын гол зангилаа “Newcastle” боомт руу зорчих хөдөлгөөн саатаад байгаа аж.

Түр зуурын байгалийн үзэгдэл нь нүүрсний зах зээлд шууд ноцтой нөлөө үзүүлэхгүй ч давтамж нь олширох юм бол сэргээн босголт, нөхөн сэргээлийн зардал зэрэг таагүй нөлөөтэйг эдийн засагчид онцолж байна.

Мөн үерийн улмаас тус улсын газар тариалангийн бүс нутгууд ихээхэн хохирол амсаад байгаа юм. Өнгөрсөн жил зуны турш гал түймрийн гамшигтай тэмцсэн Австрали улсын хувьд түймрээс үүдсэн халуун агаар хур тунадас орох магадлалыг улам нэмэгдүүлдэг учир энэ жилийн хувьд ч усархаг бороо үргэлжлэн орохыг цаг уурчид мэдээлжээ.

Эх сурвалж: Bloomberg