УИХ-ын гишүүн Ц.Анандбазар өнгөрсөн амралтын өдрүүдэд Булган аймагт ажиллалаа. Саяхан Монгол орон даяар болсон байгалийн гамшигт үзэгдэл шороон шуурганд Булган аймгийн урд сумд өртөж ард, иргэд багагүй хохирол амссан юм. Хаврын хүнд хэцүү цаг үед орон гэргүй болсон малчин өрхүүдэд цаг алдалгүй хандивын цувааг хүргэхийн тулд зохих хяналтын дор Covid-19 шинжилгээ өгч орон нутагт зорчсон гэдгийг УИХ-ын гишүүний ажлын албанаас мэдээлж байна.