АНУ-ын Ерөнхийлөгч Жо Байден Баасан гаригт /2021.03.19/ Атланта хот руу нисэхээр онгоцны шатаар өгсөж байгаад бүдэрч унасан нь олны анхаарлыг татжээ. Тухайн үед хүчтэй салхитай байсан Ерөнхийлөгчийг гурвантаа бүдрэхэд хүргэсэн хэмээн Цагаан ордны зүгээс мэдэгдсэн юм.

Жо Байдены бүрдэрснийг хараад экс Ерөнхийлөгч Дональд Трамп “Би ийм хүнд ялагдаагүй шүү гэж өөртөө хэлсэн. Бараг 75 сая саналын хуудсыг тэр луйвардсан” хэмээн ярьжээ.

Жо Байденыг зөнөж, ухаан санаа нь самуурсан тул улс орон удирдах яадваргүй хэмээн Дональд Трамп байнга шүүмжилдэг.

Үүний дараа Трампын ууган хүү Дональд Трамп Жуниор мөн Байдены бүдрэн унаж буй бичлэгийг элэглэсэн видеог цахим сүлжээндээ нийтэлсэн байна. Уг бичлэгт Трампын гольф тоглож буй видеог Байдены бүдрэн унаж буй бичлэгтэй нийлүүлж, Трампын цохьсон бөмбөг Байденыг онож буйгаар эвлүүлжээ.

Өдгөө 78 настай Жо Байден нь АНУ-ын түүхэнд хамгийн өндөр настайдаа Ерөнхийлөгч болсон бөгөөд Ерөнхийлөгчийн эрүүл мэнд үргэлж олон нийтийн анхаарлын төвд байдаг.

Эх сурвалж: Republicworld