ОХУ-ын Ерөнхийлөгч Владимир Путин амралтын өдрүүдийг Батлан хамгаалахын сайд Сергей Шойгугийн хамт Тувагийн тайгад өнгөрүүлжээ. Сергей Шойгугийн хувьд Тувагийн уугуул хүн бөгөөд Путинд ойгоос түүсэн модоор сийлбэр хийсэн урлангаа үзүүлж, сонирхуулсан байна. Мөн тэд тайга дундуур аялахдаа бартаат замын унаагаар явж, Путин жолоо барьсан байна.

Үүний дараа тэд модны дор зассан ширээнд сууж хооллосон байна. ОХУ-ын Ерөнхийлөгч жил бүр Тувад очиж, зэрлэг байгаль дунд амралтаа өнгөрөөдөг уламжлалтай бөгөөд амралтын зураг, бичлэгүүдийг Кремлийн хэвлэлийн алба сайтдаа байрлуулсан байна. Тэд өмнө нь мөн хэд хэдэн удаа ийнхүү зэрлэг байгальд аялан, амарч байсан юм.

Эх сурвалж: MOSCOW TIMES