Төв аймгийн Эрдэнэ сумын Засаг дарга гуравдугаар сарын 20 буюу өчигдрөөс эхлэн хоёр хоног хатуу хөл хорио тогтоох захирамж гаргажээ. Тус сумын Аржанчивлан сувиллын ажилтнуудаас Covid-19 илэрсэн тул сумын хэмээнд гуравдугаар сарын 22-ны өдрийг дуустал хатуу хөл хорио тогтоохоор болсон байна. Тодруулбал, Аржанчивлан рашаан сувилалд 2021 оны гуравдугаар сарын 15-ны өдрөөс амарсан Улаанбаатар хотын иргэний 2 дахь удаагийн шинжилгээний хариу эерэг гарсан тул ойрын хавтал болсон 35 ажилтанд шинжилгээ хийхэд 6 ажилтны шинжилгээний хариу эерэг гарчээ.

Сумаас орох, гарах хөдөлгөөнийг бүрэн хязгаарлаж, халдвар хамгааллын дэглэмийг чанд мөрдөж, онц шаардлагагүй бол гэрээсээ гарахгүй байхыг сумын иргэдэд анхааруулж байна.