МУИС-ийн багш нар Covid-19-ийн тархалтыг математикийн аргаар тооцоолж, дараа долоо хоногоос халдварын дундаж тоо долоо хоногийн дунджаар 200 давах тооцоолол гаргажээ. Тиймээс тэд халдвар тараагчийн байршил тодорхойгүй бол хэсэгчилсэн хөл хорио тархалтын хурдыг бууруулж чадахгүй, нийтийг хамарсан хөл хориог эрт тавих тусам үр нөлөө их байдгийг тодотгосон байна.

Мөн багш нар халдвар тархалтын хурдыг сааруулах зорилгоор Улаанбаатар хотод өнөөдөр буюу гуравдугаар сарын 20-ноос 28-ны өдрийг дуустал ес хоногийн турш бүх нийтийн бэлэн байдлын зэрэгт шилжих, албан байгууллагууд ажлын тав, амралтын дөрвөн хоног буюу нийт ес хоногийн хөл хорионы стратеги хэрэгжүүлэх шаардлагатай зөвлөмжийг УОК-т хүргүүлжээ.

Б.ЖАРГАЛ