Д.Ганбат: Ерөнхий сайд нь УИХ-ыг үл тоолоо | News.MN

Д.Ганбат: Ерөнхий сайд нь УИХ-ыг үл тоолоо

Д.Ганбат: Ерөнхий сайд нь УИХ-ыг үл тоолоо

УИХ-ын чуулганы хуралдаан

УИХ-ын чуулганы хуралдаан

Posted by News.mn on Thursday, March 18, 2021

УИХ-ын  чуулганы үдээс хойших хуралдаан эхэллээ. Хуралдаанаар мал сүргийн хаваржилт, хаврын тариалалтын бэлтгэл ажлын талаар Монгол Улсын Ерөнхий сайдын мэдээллийг мөн зарим Байнгын хорооны бүрэлдэхүүнд өөрчлөлт оруулах тухай асуудлыг хэлэлцэнэ.

Хэлэлцэх асуудлын өмнө УИХ-ын гишүүн Т.Аубакир Наурызын баярын мэндчилгээ дэвшүүллээ. Хүнс хөдөө аж ахуй, хөнгөн үйлдвэрийн сайд З.Мэндсайхан Ерөнхий сайдыг төлөөлөн “Мал сүргийн хаваржилт, хаврын тариалалтын бэлтгэл ажлын талаар” танилцуулж байна.

"8.5 МЯНГАН ТОННЫН БАГТААМЖТАЙ ТӨМС, ХҮНСНИЙ НОГООНЫ АГУУЛАХ БАЙГУУЛНА"

Өвөлжилтийн нөхцөл байдал хүндэрсэн болон хүндрэх төлөвтэй байгаа Архангай, Баянхонгор, Баян-Өлгий, Говь-Алтай, Говьсүмбэр, Өмнөговь,Өвөрхангай, Дархан-Уул, Дорноговь, Дорнод, Дундговь, Ховд аймгуудад улсын нөөцийн салбар, цэгүүдэд хадгалагдаж байсан нийт 2.2 тэрбум төгрөгийн үнэ бүхий 3800 тонн өвсийг үнэгүй, 1900 тонн малын тэжээлийн үнийг 50 хувь хямдруулан олгохоор шийдвэрлэж, малчдад өвс, малын тэжээл олгох ажлыг зохион байгууллаа.

Дэлхийн банкны санхүүжилтээр хэрэгжиж байгаа “Мал аж ахуйн эдийн засгийн эргэлтийг нэмэгдүүлэх” төслийн 5 сая ам.долларын эх үүсвэрээр Говь-Алтай, Өмнөговь аймгийн зарим сумд, Баянхонгор, Өвөрхангай, Дундговь аймгуудын нийт 45750 малчин өрх болон отроор явж буй малчин өрх бүрд 300 мянган төгрөгийн малын хүчит тэжээлийн тусламж үзүүлэхээр шийдвэрлэсэн бөгөөд тэжээл тээвэрлэлтийн ажил 2021 оны 3 дугаар сарын 10-ны өдрийн байдлаар 70 хувийн гүйцэтгэлтэй байна. 2021 оны 1 дүгээр сард гаргасан цаг агаар, зудын эрсдэлийн зургаас үзэхэд манай орны 11 аймгийн 89 сум нэн их эрсдэлтэй, 20 аймгийн 152 сум их эрсдэлтэй гэсэн ангилалд хамрагдаж байсан бол цаг агаарын гуравдугаар сарын эхний 10 хоногийн тойм мэдээнээс үзвэл өмнөх сараас агаарын температур дулаарсан, хур тунадасны хэмжээ болон цасны зузаан багасаж, цаг агаар харьцангуй дулаарсан байна.

Харин өвөлжилт хүндхэн байсан Говь-Алтай, Өмнөговь, Баянхонгор, Өвөрхангай, Дундговь, Архангай зэрэг аймгуудад мал хаваржилт хүндрэх төлөвтэй байгаад анхаарал хандуулан ажиллаж байна.

Энэ оны 3 дугаар сарын 5-ны өдрийн байдлаар улсын хэмжээнд нийт 590.1 мянган толгой том мал хорогдоод байна. Үүнээс Архангай аймагт 33.2 мянга, Баянхонгор аймагт 279.8 мянга, Говь-Алтай аймагт 41.6 мянга, Өвөрхангай аймагт 57.2 мянга, Төв аймагт 37.1 мянга, Өмнөговь аймагт 27.1 мянга буюу 476 мянган мал хорогдсон нь нийт хорогдлын 80.7 хувийг эзэлж байна. Энэ оны ургац хураалт хүртэл хүнсний улаанбуудай, гурилын дутагдал гарахгүй, үнэ өсөхгүй байх нөхцөлийг бүрдүүллээ.

Бүгд Найрамдах Польш Улсын Засгийн газрын 10.2 сая еврогийн санхүүжилтээр “Хүнсний ногооны үйлдвэрлэлд нэмүү өртгийн сүлжээг хөгжүүлэх”төслийг эхлүүлж, 8.5 мянган тоннын багтаамжтай төмс, хүнсний ногооны агуулах байгуулах, 50-80 морины хүчтэй трактор 100 ширхэг, дагалдах 600 гаруй төрлийн техник, тоног төхөөрөмжийн хамт нийлүүлэх ажлыг зохион байгуулж байна.

Газар тариалангийн гаралтай бүтээгдэхүүний чанарыг сайжруулах зорилтын хүрээнд тариалангийн үйлдвэрлэлд 2021 онд ашиглаж болох химийн бордоо, ургамал хамгааллын бодисын нэр төрөл, тоо хэмжээг баталж, хэрэгжилтийг зохион байгуулж байна.

Мөн нийслэл хотод байгуулагдах 16.0 мянган тоннын багтаамжтай, 90-100 мянган тоннын эргэлтийн нөөцтэй төмс, хүнсний ногоо, жимс, жимсгэнэ, махны хадгалалт, борлуулалтын цогцолбор төвийн дэд бүтэц, цахилгаан, шугамсүлжээний ажлыг эхлүүлэхээр бэлтгэл ханган ажиллаж байна.

АН-ын байр суурийг УИХ-ын гишүүн А.Адъяасүрэн танилцуулсны дараа гишүүд Ерөнхий сайдын танилцуулагатай холбогдуулан асуулт асууж байна.

УИХ-ын гишүүн С.Одонтуяа:

-Польш улсын 10.2 сая еврогоор хүнсний агуулахууд барина гэж танилцууллаа. үүнийг хувийн хэвшил барих юм уу эсвэл төрийн өмчит компани барих уу. Хоёрт, нийслэлийн гэр хорооллын айлууд хашаандаа хүнсний ногоо тарихад яамнаас дэмжлэг үзүүлэх үү. Иргэд өрхийн хүнсний хэрэглээгээ ч өөрсдөө хангадаг болмоор байна.  Өөрөөр хэлбэл ногоон зээлд хамрагдах уу. 10 их наядын хөтөлбөрийн хүрээнд ямар төрлийн 600 гаруй тоног төхөөрөмж авах юм бэ. Мөн өмнөх жилүүдэд энэ чиглэлд хийж, хэрэгжүүлсэн төслүүд хэр үр дүнтэй байв, мөн зээлийн эргэн төлөлт нь хэр байдаг вэ. Тодорхой тайлбаруудыг өгнө үү.

ХХААХҮ-ийн сайд З.Мэндсайхан:

-Бүгд Найрамдах Польш Улсын Засгийн газрын 10.2 сая еврогийн санхүүжилтээр “Хүнсний ногооны үйлдвэрлэлд нэмүү өртгийн сүлжээг хөгжүүлэх”төслийг эхлүүлж, 8.5 мянган тоннын багтаамжтай төмс, хүнсний ногооны агуулахыг найман аймагт байгуулна. Хүнсний ногоо үндэсний хөтөлбөрийн хүрээнд өрхийн тариалан хөдөлгөөнийг орон даяар зохион байгуулна. Үүнд үрийн дэмжлэг үзүүлэхээр төсөвт хөрөнгө суусан.

УИХ-ын гишүүн Н.Алтанхуяг:

-Хөнгөлөлттэй зээлээр зоорь барих нь зөв. Гэхдээ нэг юм ойлгосонгүй төр барьж байгаа юм уу. 16 мянган тонн багтаамжтай агуулах гэж байна. Энэ хэний өмч юм. Дараа нь хэний өмч болох юм. БНХАУ-ын хэдэн төгрөгийн зээлээр юу хийж байгаа юм. Төсвийн хөрөнгөөр суулгац үржүүлгийн төв Төв аймагт байгуулсан гэлээ. Яагаад төсвийн хөрөнгөөр барьж байгаа юм бэ, хувийн хэвшлүүдээ дэмждэггүй юм уу. Ерөнхий сайдыг өөрөө орж ирж мэдээллээ хийх байх гэтэл орж ирсэнгүй. Бизнес дэмжих гурван хувийн хүүтэй зээлийг өмнөх зээлийг нь шилжүүлж болдоггүй юм уу. Өмнө зээлээ хаагаад дахин зээл хөөцөлд гэж байгаа юм байна. Тэгэхээр судалгаа дахиж явуулаад өнгөрсөн зургаан сарын үйл ажиллагаа, орлого гэхээр хүндрэл учирч байгаа юм байна. Энэ иргэний санал их зөв байгаа юм. Үүнийг уламжилж өгөөрэй. Миний дөрвөн асуултад тодорхой хариулж өгөөрэй.

ХХААХҮ-ийн сайд З.Мэндсайхан:

-Найман аймагт барих зоорийг хувийн хэвшлүүд барих юм. Харин газрыг нь НЗДТГ-тай хамтран шийдсэн. Өмнө нь БНХАУ-аас хөдөө аж ахуйн тоног төхөөрөмжид зарцуулах 40 сая ам.долларын зээл хэрэгжсэн. Эргэн төлөлтөөр төлөгдөж байгаа. Жимсний үр суулгацыг Жимсний холбоогоор дамжуулна. Гурван хувийн хүүтэй зээлийн тухайд ААН-үүдэд НӨАТ төлдөг байх гэсэн ганцхан л шалгуур тавьсан. Бусад шаардлагыг арилжааны банкууд тавина. Засгийн газраас нэмэлт шаардлага тавихгүй. Засгийн газрын байр суурь бол далд эдийн засгийг хумих, татварын тогтолцоог бүрдүүлэх чиглэлээр ажиллаж байгаа.

УИХ-ын гишүүн Ц.Туваан:

-Өвөлжилт хүндэрсэн аймгуудад хаваржилтын нөхцөл байдал хүнд байна. Үүнд, ХХААХҮЯ онцгой анхаарч бэлтгэх шаардлагатай. Саяны шуурга нэрмээс боллоо. Өнгөн хөрсийг тэр чигт хамчихсан. Малын хамар хатгах хялгана байхгүй болсон. Нийслэлийн гэр хорооллын гудамжуудын хөрс шиг хөрс бий боллоо. Мал аж ахуйд онцгой эрсдэл учирсан. Төв аймгийн нутагт отрын мал их хаваржиж байна. Төв аймгийн Эрдэнэ, Батсүмбэр, Баянчандань, Сэргэлэн сумдын газар нутгийг улсын тусгай хэрэгцээнд авна гэх юм. Энэ байдлаа болиоч, хариу тайлбар өг. Үр маш дутуу, үнэтэй байгаа шүү. Хэдэн хувийн үр бэлэн байгаа юм бэ. Өнгөрсөн жил газар тариалангийн салбарт 150 тэрбум төгрөгийн хөнгөлөлттэй зээл өгнө гээд баахан ярьсан, өнөөдөр гүйцэтгэл нь хэдэн хувьтай байна вэ. 10 их наяд хөтөлбөрийн хүрээнд 500 тэрбум төгрөгийг газар тариалангийн салбарт зарцуулах юм байна. Том том дүнтэй тоонуудаас хэтрэхгүй байна.

ХХААХҮ-ийн сайд З.Мэндсайхан:

-Нийт 16 мянган тонн үрийн буудайг тариалалт эхлэхээс өмнө бэлэн болгоно. Өнгөрсөн жил газар тариалангийн салбарт 150 тэрбум төгрөгийн санхүүжилтийн зээлийг Хөгжлийн банкаар олгосон. Үүнээс 76 тэрбум төгрөгийн зээлийг 833 ААН хамрагдсан. Энэ салбарт нийтдээ 1400 орчим ААН бий. Харин 500 тэрбум төгрөгийн тухайд том тоо биш ээ, бодитой.

УИХ-ын гишүүн Д.Ганбат:

-Өнөөдөр Ерөнхий сайдын цаг ч өөрөө алга. Асуудалд яаж хандаад байгаа юм бэ. УИХ ард түмний төлөөлөл. УИХ-ыг үл тоомсорлоод байна уу эсвэл АН-ын бүлэгт хариулахгүй гээд үл тоогоод байгаа юм уу. Ерөнхий сайд нэг их сайн ажил хийгээд байгаа юм байхгүй. ЗГХЭГ-ын даргыг тавиад, муугаараа байх гэж байгаа юм уу гэж Ерөнхий сайд болж байхад нь хэлж байсан. Манай улсын эдийн засаг нийт 10 хувиар унасан. З.Мэндсайханаас хэдэн зүйл асууя. Сүүлийн 100 жил ганцхан зөв бодлого гарсан нь малыг эзэнд нь өгсөн. Үүнээс өөр олигтой шийдэл энэ салбарт гараагүй.

УИХ-ын чуулганы хуралдааны төгсгөлд Нийгмийн бодлогын байнгын хорооны гишүүнээс Л.Энх-Амгаланг чөлөөлж, түүнийг Боловсрол, соёл, шинжлэх ухаан, спортын байнгын хорооны гишүүнд хуваариллаа. Үүгээр Баасан гаригийн чуулганы хуралдаан дууслаа.

Энэ мэдээнд өгөх таны сэтгэгдэл?
7
ТэнэглэлТэнэглэл
4
ЗөвЗөв
3
ГайхмаарГайхмаар
1
ХахаХаха
1
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Дулам 2021-03-19 103.212.119.9

нэмэргүй дээ. Чамд дахин боломж олдохгүй шүү. Чи бүгдийг илчлээд ард түмнээсээ уучлал гуйгаад энэ улс орныг зөв замд нь оруулнахыг энэ зовсон зүдэрсэн ард иргэд чинь хүсч байгаа. Чиний эргэн тойронд чинь байгаа наад эрх мэдэлтэнгүүд чинь бүгд чиний эсрэг шүү. Энэ сайтын үгийн хязгаар арай юм аа. За болих минь. Яана даа, яана. /төгсгөл нь/

Avatar

Дулам 2021-03-19 103.212.119.9

хөгөө муу Хүрэлсүхийгээ улс төрийн тавцангаас зайлуулахаар шийдсэн бололтой буруу тийш нь залаад л намынхаа нэр хүндийг унагаад явж байх гэж. Эд нарт эрх мэдэл дутаагүй, одоо яах гээд байгаа юм бол. Идсэн уусан гээд байгаа нөхдийгөө өмгөөлөх гэж тэдний гэм буруугийн ул мөрийг арилгах гээд янз бүрийн арга заль зохиогоод л… Эх орон, ард түмнээ бодож байгаа юм алга. Хүрэлсүх ээ! Чи хөөрцөглөөд

Avatar

Дулам 2021-03-19 103.212.119.9

Үргэлжлэл: гишүүд дэмжигчид, ард иргэдийн дургүйцлийг ихээхэн хүргэж байна даа. Хамгийн сүүлийн жишээ гэхэд л шоронгоос шууд их хуралд тангараг өргүүлж байгаа асуудал. Ямар бодлогогүй, ард иргэдээ басамжилсан, улаандаа гарсан, ичих нүүргүй болсон ганцхан эрх мэдэл албан тушаал, мөнгөний төлөө яахаас ч буцахгүй болсноо л харуулж байна. Өмнөөс чинь ичиж үхэх нь ээ. Ийм байхад Хүрэлсүх Ерөнхийлөгч болно гээд нөгөөдүүл Занданшатартангууд нь сонгуульд хамаг анхаарлаа хандуулсан худлаа царай гаргаад

Avatar

Дулам 2021-03-19 103.212.119.9

Эрх баригч Ерөнхий сайд асан МАН-ын дарга Хүрэлсүх, Ерөнхий сайд Оюун-Эрдэнэ нарыг үнэндээ ойлгохоо байлаа. Ганц би ч биш МАН-ын олон зуун мянган гишүүд, дэмжигчид юу болоод байгааг мэдэхээ байгаад удаж байна. Энэ Ганбат сөрөг хүчнийхэн, ард иргэдийн яриад байгаа үнэн болж байна. Үнэндээ юу ч хийхгүй байна. Хийж байгаа ажил нь гэхээр нөгөө л сонгуульд ажилласан, танил тал, төрөл садан, цүнх барьсан хэдэн нөхдийг энд тэндэхийн төрийн албанд ямар ч шалгуургүйгээр томилж байгаа нь үнэхээр

Avatar

Зочин 2021-03-19 139.5.217.171

Хөнгөлттэй зээл нэрээр худлаа ярьж өөрсдөө авдагаа болио,1 жил ажиллаагүй байхад юугаараа орллого нотлох вэ,бүх орлогогүй иргэдээ 1 сая төгрөг өгөө,

Avatar

Зочин 2021-03-19 62.216.202.146

Pidaanaa zulge

Avatar

зочин 2021-03-19 124.44.59.30

Төрийн сайд, засгийн газрын гишүүн хүн ямар цамц, хувцастай сууж байна вэ? Төрийн сайд хүн ингэж хувцаслаж болох уу? Сайд та өөрийгөө хүндэтгэдэггүй юм гэхэд ард иргэдийг, Төрийн ордноо хүндэтгэх хэрэгтэй биз дээ? Яана аа, ичмээр, санаа зовмоор юм аа,

Avatar

Зочин 2021-03-19 103.212.118.125

Өндөр хүүтэй зээл болохоор зээлдэгч нар нь шаардлага хангасан гээд зээл өгсөн байдаг,яг тэр барьцаа нөхцөлөөрөө 3% ийн хүүтэй зээлийн шаардлага хангахаа байдаг. Үнэхээр хачин байгаа биз. Одоо юу гэж ойлгомоор юм дэ ,энэ зээл нь байгаа юм уу үгүй юм уу

Avatar

Зочин 2021-03-19 59.153.114.229

Хөдөө суманд хуучин ашиглаж байсан зоорь байна түүнийг ашиглаж болохгүй юм бол уу? Ж.нь Төв аймаг Баяндэлгэр суманд бүтэн зоорь байна.

Avatar

zochin 2021-03-19 64.119.17.17

cham shig shiwertyey oymsoo solikh zawguy ,. o0ymsoo soli , p***a

Avatar

Зочин 2021-03-19 192.82.76.77

Ямаагаа л маллахаа больчооч, дээр нь ойн зурвас мод тарьцгаа

Avatar

Зочин 2021-03-19 109.252.29.124

Оюунэрдэнэ гэж ухэр толгойтойд хийх чадвар байхгуй. Зовхон. Хурэлсухийн гар хол бологч ногоо .
Хийж чадах зуйл нь
Хэдэн мая жуулчин оруулж оорийхоо бариулсан Гавар барималыг узуулэх
Хурэлсухийг еронхийлогч болох
Эмэгтэйчуудийг доррмжилж чадна.
Худалаа солиорч хийсч чадна.
Хун дарамталж чадна

Avatar

Зочин 2021-03-19 192.82.77.167

biton GANBATALTANHYUAG.ene 2 dandaa yaryij.hudlaa orilj yavdag.ene 2 iig zailuul.medrel

Avatar

Зочин 2021-03-19 103.229.121.35

Адьяасүрэн, Ганбат нар гишүүн гэхэд хэцүүхэн байна даа. Мөнгө ихтэй байж болно гэхдээ хэллэг яриагаа засах хэрэгтэй байна

Avatar

zochin 2021-03-19 202.131.240.147

ih hurlyn tanhimd bieiin tamiriin huvtsastai irj boldog boltson umuu?

Avatar

Зочин 2021-03-19 59.153.115.91

Энэ сайд гуай ч амны зоргоор ярьж байна доо. Бүтэж байгаа зүйл байгаа юмуу. Зээл гээд өгөөш хаясан хэдэн том загас нь үмхсэн байх

Avatar

Зочин 2021-03-19 66.181.161.74

сөрөг хүчин гэж хэдэн эргүүтсэн юмнууд үгээ олоод ч ярьж чадахгүй дандаа хэнд ч хэрэггүй юм харлуулсан тэнэгтсэн юм л ярина өөрсдийгөө тэгж ярих ёстой гээд ойлгоцон хэдэн малнууд

Avatar

zochin 2021-03-19 202.179.25.210

songuul ,songuul bas dachin songuul !!! , Ouunerdene eronchii said tun zavgui, chaaschdaach buurch zavgui !!!, MANamaa .N.Enchbayrtai niilj eronchiilogchiin songuuld yluulna geed er zavgui baigaa schuu!!!, ug n uls orniichoo ajliig chiich estoi daanch er oilgochgui gar .

Avatar

Зочин 2021-03-19 66.181.161.43

Битон Ганбатаа чамайг их хуралд юу хэлж, юу ярихаа мэдэхгүй эргүйтээд суух ххоронд аймаг чинь мал нь үхээд хэцүүдлээ тэнэг хог минь хэдэн битон харжигнуулаад чирээд очооч.

Avatar

үхдэл 2021-03-19 49.0.140.26

үнэн үг сонсоод энэ төлгөн коммнист үхлээ гахайн хоншоор Занданшатарт бас хэлээч

Avatar

Зочин 2021-03-19 192.82.77.167

ter odontyùad hamaa baihgyi yrgelj hucnaj yavdag zailuul

Avatar

Зочин 2021-03-19 122.201.22.21

Ганбат Үгүйсгэж ярихаа болиоч ИХ гишүүн шиг зангарагтайхан шиг юм ярьж байгаач .

Avatar

үхтэл 2021-03-19 49.0.140.26

үнэн үг сонсоод энэ төлгөн коммнист үхлээ гахайн хоншоор Занданшатарт бас хэлээч

NewsMN Гар утасны хувилбар Татах
NEWS.mn

Мэдээллийн эх сурвалж