Оюутолгойг Монголд үр ашигтай болгох ЗГ-ын байр суурь өөрчлөгдөөгүй | News.MN

Оюутолгойг Монголд үр ашигтай болгох ЗГ-ын байр суурь өөрчлөгдөөгүй

Оюутолгойг Монголд үр ашигтай болгох ЗГ-ын байр суурь өөрчлөгдөөгүй

Оюутолгойг Монголд үр ашигтай болгох ЗГ-ын байр суурь өөрчлөгдөөгүй

Монгол Улсын Ерөнхий сайд Л.Оюун-Эрдэнэ Рио Тинто компанийн гүйцэтгэх захирал Якоб Стаусхолмтой 2021 оны гуравдугаар сарын 18-ны өдөр цахим уулзалт хийлээ.

Цахим уулзалтын үеэр Ерөнхий сайд Л.Оюун-Эрдэнэ “Оюутолгой” төсөлтэй холбогдуулж Засгийн газраас байгуулсан Ажлын хэсгийг ахалж байх хугацаандаа баримталж байсан бодлого, байр суурь огт өөрчлөгдөөгүй болохыг илэрхийлэв.

Тодруулбал, Ерөнхий сайд Л.Оюун-Эрдэнэ Засгийн газрын хэрэг эрхлэх газрын дарга байхдаа 2021 оны нэгдүгээр сарын 4-ний өдөр Рио Тинто компанийн гүйцэтгэх захирал Якоб Стаусхолмд явуулж байсан албан бичигт дурдсан асуудлуудыг Рио Тинто компани цаг алдалгүй анхаарч, “Оюутолгой” төслийг Монгол Улсад үр ашигтай болгоход яриа хэлэлцээг чиглүүлэх шаардлагатайг онцоллоо.

Түүнчлэн, Ерөнхий сайд Л.Оюун-Эрдэнэ Засгийн газрын Ажлын хэсгийг ахалж буй Хууль зүй, дотоод хэргийн сайд Х.Нямбаатар болон Рио Тинто компанийн Зэсийн группийн захирал Б.Болд нар яриа хэлэлцээг үргэлжлүүлж, бодит үр дүнд хүрнэ гэдэгт найдаж буйгаа илэрхийлж, амжилт хүслээ.

Рио Тинтогийн гүйцэтгэх захирал Якоб Стаусхолм дөнгөж томилогдоод удаагүй байхдаа буюу 2020 оны арванхоёрдугаар сарын 18-ны өдөр тухайн үед Засгийн газрын Хэрэг эрхлэх газрын даргаар ажиллаж байсан Ерөнхий сайд Л.Оюун-Эрдэнэтэй анхны цахим уулзалт хийж байсан билээ. Өнөөдрийн уулзалтын үеэр тэрбээр Оюутолгой төслийн хамтын ажиллагааны шинэ хуудас эхэлж байгааг онцлон тэмдэглэсэн бөгөөд энэхүү төслийг Монгол Улсад илүү үр ашигтай хэрэгжүүлэхэд анхаарч ажиллахаа мөн илэрхийллээ.

Өнөөдрийн цахим уулзалтад Монгол Улсын Засгийн газрыг төлөөлж Ерөнхий сайд Л.Оюун-Эрдэнэ, Хууль зүй, дотоод хэргийн сайд Х.Нямбаатар, Засгийн газрын Хэрэг эрхлэх газрын Тэргүүн дэд дарга Б.Ганбат, дэд дарга Б.Солонгоо, Ерөнхий сайдын Эдийн засгийн бодлогын зөвлөх Э.Болормаа нар оролцсон бол Рио Тинто компанийг төлөөлж гүйцэтгэх захирал Якоб Стаусхолм, Рио Тинто компанийн Зэсийн группийн захирал Б.Болд, Бизнес хөгжил эрхэлсэн захирал С.Мөнхсүх, Рио Тинто Монголиа ХХК-ийн дэд захирал Х.Амаржаргал нар оролцов.

Энэ мэдээнд өгөх таны сэтгэгдэл?
4
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Өвөгөн 2021-03-18 192.82.90.130

3,3 сая монгол 40 сая жуулчин хүлээн авна гэж тэнэгтэдэг энэ мангар юу хийнэ. Бага сургуульд орж түшингээ ахиулсан нь дээр

Avatar

Зочин 2021-03-18 103.212.119.130

Оюун-Эрдэнэ сайд жинхэнэ жижигдэхээ ажлаа аваад албан газраар хэсүүцэлж яваа айлчлал нь нотолж өглөө Одд нөгөө штнэ жишгээ дагаад түргэн огцрох хэрэгтэй олон хүн нас барлаа, ард иргэдийг бухимдуулсан олон олон буруу зөрүү шийдвэр гарлаа Настай 2 ч авгай хүйтэн цасанд хөл нүцгэн ордон тойрлоо Одоо огцрох болзлоо 100 хувь хангалаа шүү дээ

Avatar

Зочин 2021-03-18 66.181.188.240

Ингэж хэлэхээс өөр шинэ санаа байхгү юу? Зайлаа ингэж ерөнхий сайд хийвэл захын нэгэн хийнэ.

Avatar

Mongol hvn 2021-03-18 202.126.89.64

Er ni bol Rio tin to hurungu tehnikee gargaj manai gazar deer ajillaad, olson bvh ashigaa manaid vg duugvi uguh estoi. Bid bvh ard niitiin sanal asuulgaar Rio d yu uguhiigee shiideh estoi!

Avatar

Зочин 2021-03-18 66.181.181.135

Усаа үнэ төлбөргүй хэрэглүүлэхээ болих хэрэгтэй. Тун удахгүй уух усгүй, улаан шороогоор эргэсэн талд хүн малгүй ангаж цангахдаа алтаа ширгээж уух уу??????????? Байгалийн нөхөн сэргээлт хйиж чадахгүй, түүнд нь ЗГ хяналтаа тавьж чадахгүй юм бол өүр болих хэрэгтэй.

Avatar

Зочин 2021-03-18 66.181.161.122

Сайханбилэг 53: 47 харьцаатай үр ашигаа хүртэе гээд буруудсан энэ хэнтмйн мангар яах юм бол

Avatar

Зочин 2021-03-18 192.82.67.12

шаврын хаалтууд орж бусад нь алсаас ажиглаж байна.

NewsMN Гар утасны хувилбар Татах
NEWS.mn

Мэдээллийн эх сурвалж