Диснейлэнд жил гаруй хаасны эцэст ирэх сард нээгдэнэ

Хуучирсан мэдээ: 2021.03.18-нд нийтлэгдсэн

Диснейлэнд жил гаруй хаасны эцэст ирэх сард нээгдэнэ

Диснейлэнд жил гаруй хаасны эцэст ирэх сард нээгдэнэ

Цар тахал АНУ-ыг нөмөрснөөс хойш жил гаруй хугацаанд хаалттай байсан Диснейлэнд ирэх дөрөвдүгээр сард дахин нээгдэж, үйл ажиллагаагаа хэвийн үргэлжлүүлэхээр болсноо зарлажээ.

Тухайлбал, Диснейлэндийн цэцэрлэгт хүрээлэн, Дисней Калифорни цэцэрлэгт хүрээлэн зэрэг газрууд ирэх дөрөвдүгээр сарын 30-нд эргэн нээгдэхээр болжээ. Гэхдээ Калифорни муж улсын эрүүл мэндийн зөвлөмжийн дагуу цэцэрлэгт хүрээлэн бүрэн хүчин чадлаараа ажиллах боломжгүй бөгөөд үйлчлүүлэгчид халдвар хамгааллын дэглэмээ чанд баримтлах ёстой аж. Түүнчлэн орох тасалбарыг зөвхөн Калифорни муж улсын иргэд худалдан авах боломжтой.

Калифорни муж улсын эрх баригчид энэ сарын эхээр цар тахлын үед баримтлах дүрмүүдийг шинэчлэн танилцуулжээ. Ингэхдээ соёл амралтын хүрээлэнгүүдийг халдварын өндөр эрсдэлтэй бүлгээс гаргаж, дөрөвдүгээр сарын 1-нээс үйл ажиллагаагаа үргэлжлүүлэхийг зөвшөөрсөн байна. Улмаар тус муж улсын соёл амралтын хүрээлэнгүүд 15-35 хувийн хүчин чадлаараа ажиллах аж.

Харин Диснейн гүйцэтгэх захирал Боб Чапекийн хэлснээр цэцэрлэгт хүрээлэн удаан хугацаанд хаалттай байсан учир дахин нээхийн тулд бэлтгэлээ хангах, зарим засвар, цэвэрлэгээ хийх хугацаа шаардлагатай хэмээжээ. Мөн түүний мэдээлснээр цэцэрлэгт хүрээлэнг нээснээр 10 мянга гаруй ажилчин эргээд ажилдаа орно гэсэн үг.

Цар тахлаас болж хаалгаа барьснаар Дисней 2020 оны дөрөвдүгээр улирал гэхэд нийт 2.4 тэрбум ам.долларын орлогоо алджээ. Харин Флорида муж улсад байрладаг Диснейн цэцэрлэгт хүрээлэн өнгөрсөн долдугаар сараас үйл ажиллагаагаа эхэлсэн байна.

Эх сурвалж: INSIDER

Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж