АН-ын даргад нэр дэвшигчид Говь-Алтай, Говь-сүмбэр, Баян-Өлгий аймгийн гишүүд, дэмжигчидтэй уулзлаа | News.MN

АН-ын даргад нэр дэвшигчид Говь-Алтай, Говь-сүмбэр, Баян-Өлгий аймгийн гишүүд, дэмжигчидтэй уулзлаа

АН-ын даргад нэр дэвшигчид Говь-Алтай, Говь-сүмбэр, Баян-Өлгий аймгийн гишүүд, дэмжигчидтэй уулзлаа

Ардчилсан намын даргын сонгуульд нэр дэвшигчдийн цахим уулзалт хоёр дахь өдрөө үргэлжилж байна. Шинэчлэлийн бодлогоо гишүүддээ танилцуулж буй Ардчилсан намын даргын сонгуульд нэр дэвшигчид Говь-Алтай, Говь-сүмбэр, Баян-Өлгий аймгийн гишүүд, дэмжигчидтэй цахимаар уулзлаа.

Ардчилсан намын түүхэн цаг үед зохион байгуулагдаж байгаа тус намын даргыг сонгох энэ удаагийн сонгуульд шинэ залуу 70, 80 оны залуус тунан үлдэж, шинэчлэлийн мөрийн хөтөлбөрөө танилцуулж байгаад гишүүд, дэмжигчид нь талархалтай хандаж байна.

Ардчилсан намын даргын сонгуульд нэр дэвшигч Одонгийн Цогтгэрэл, Сүхбаатарын Эрдэнэболд, Отгондаваагийн Амартүвшин, Даваахүүгийн Пүрэвдаваа нар өчигдөр (2021.03.16) Архангай, Булган, Баянхонгор аймаг болон Нийслэлийн БЗД-ийн гишүүд, дэмжигчидтэйгээ цахимаар уулзаж, мөрийн хөтөлбөрөө танилцуулсан бол өнөөдөр (2021.03.17) Говь-Алтай, Говь-сүмбэр, Баян-Өлгий аймгийн гишүүд, дэмжигчидтэй цахим уулзалтыг хийж, мөрийн хөтөлбөрөө танилцуулан санал солилцлоо.

Нэр дэвшигчид хэлсэн үгэндээ Ардчилсан намын дараалсан ялагдал, уналт, хагарал, бутралын шалтгаанд дүн шинжилгээ хийж, даван туулах гарц шийдлийн талаар өөрсдийн байр суурийг илэрхийлж, эв, нэгдэл, хамтын удирдлагын тогтолцоог бий болгох ёстой гэдгийг онцолж байсан юм.

Цахим уулзалтад оролцсон гишүүд, дэмжигчид  эв нэгдлээ эрхэмлэж, намаа эрс шинэчлээрэй гэдэг захиасыг хэлж, нэр дэвшигчдэд амжилт хүслээ.

Ардчилсан намын даргын сонгуульд нэр дэвшигч О. Цогтгэрэл : Миний бие Ардчилсан намын даргын сонгуульд "Цуг шинэчилье" гэсэн уриатайгаар оролцож байна. Шинэчлэл бол зөвхөн Ардчилсан намын бус, Монгол Улсын асуудал. Энэ намд бүрэн шинэчлэл шаардлагатай гэж боддог. Ардчилсан нам илүү хөдөлгөөнтэй, үзэл баримтлалтай, цахим, хурдтай нам болж өөрчлөгдөх ёстой. Боловсон хүчний бодлогоор, иргэн, төрийг холбох ёстой.  Шинэчлэл гэдэг дарга солихын төдийхөн ойлголт биш. Ялангуяа Ардчилсан намын шинэчлэл гэдэг хэлбэрийн төдийхөн ажил биш. Бид иж бүрэн шинэчлэл хийж чадвал үлдэх, үгүй бол “арчигдах” том сорилтын өмнө байна.

Ардчилсан ХӨНГӨН, ХУРДАН, ХҮРТЭЭМЖТЭЙ, ХОЛБОГДДОГ болж байж сонгогчдын ой тоонд дахин өөрөөр байршина, ахин сэргэн мандана. Энэ өөрчлөлтийг шат шатны гишүүдтэйгээ цуг шинэчлэхээр энэхүү сунгаанд өрсөлдөж байна. Ардчилсан Монгол Улсаа, Ардчилсан намаа “мосттой” болгох Шинэчлэлийн 4Х хөтөлбөрөө танилцуулж байна.

Ардчилсан намын даргад нэр дэвшигч С.Эрдэнэболд: Миний мөрийн хөтөлбөр “Шинэ Ардчилсан нам” гэсэн нэртэй. Үүнд гурван зорилтыг дэвшүүлж байна.Нэг. Бид жинхэнээсээ  эв нэгдэлтэй байх ёстой. Хуурамч эв нэгдэл, хэлбэрийн төдий эв нэгдэл биш жинхэнээсээ эв нэгдэлтэй байх ёстой. Хоёр. Бодлогын сөрөг хүчин. Бид сөрөг хүчний ажлыг сөрөхийн төлөө, бусдыг муулах, популизм хийхийн төлөө биш харин ард түмнийхээ эрх ашгийг хамгаалахын тулд, Монгол Улсын язгуур ашиг сонирхол болсон ардчилал хүний эрх, эрх чөлөө парламентын засаглалыг хамгаалахын тулд хэрэгжүүлдэг нам  байх ёстой.Гурав. Ялагч 24 гэдэг хөтөлбөрийг дэвшүүлж байна. Улс төрийн намын санхүүжилтийн тухай хуулийг ил тод болгоно. Улс төрийн намыг бодлогын шинэ төвшинд гаргахад хичээж ажиллах ёстой. Ардчилсан нам ялахын тулд хүн ам руугаа орох ёстой. Төрийн ордон тойрч тауэр, цамхаг хэсч тамга тэмдэг булаацалддаг биш ард түмнийхээ дунд асуудал шийддэг тогтолцоо руу орно.

Ардчилсан намын даргад нэр дэвшигч О.Амартүвшин: 2020 оны сонгуулийн дараалсан том ялагдлын дараа бидний алдаа оноо юу байсан бэ гэдэг судалгааг Монгол орны өнцөг булан бүр болон Ардчилсан намын олон зуун гишүүний дунд явуулсан. Энэхүү судалгааны үр дүнгээр бидний хамгийн том асуудал нь намын дотоод зөрчил хагарал байсан. Тодруулбал, нийт судалгаанд оролцогчдын 71 хувь ялагдлын гол шалтгаан намын дотоод хагарал гэж хариулсан. Энэ судалгааг үндэслэн миний бие ардчиллын таван ялалт, цаашлаад энэ нь ард түмний таван ялалт юм гэдэг үндсэн үзэл санааг дэвшүүлж байна. Үүнд эв нэгдэл, үзэл санаа, Ерөнхийлөгчийн сонгууль, УИХ-ын сонгууль, үндэстний ялалт хэмээх таван зорилтыг тавьж ажиллана.

Ардчилсан намын даргын сонгуульд нэр дэвшигч О.Пүрэвдаваа: "Миний хувьд, "Зогсолтгүй урагшилж, Тогтвортой хөгжье" гэсэн уриатай, "Тогтвортой хөгжил" мөрийн хөтөлбөртэй оролцож байна. Богино, дунд, урт хугацааны бодлого гэж ажлаа эрэмбэлсэн. Богино хугацаанд, өнөөдөр үүсээд буй талцлыг шийдвэрлэхэд оршино. Ялангуяа, намын дарга төвтэй бодлогоос, гишүүн төвтэй бодлогод шилжих ёстой гэж үзэж байна. Өмнө нь намын дарга гишүүн хасах, нэмэх зэрэг асуудлыг дангаар шийддэг байсан. Тэгвэл намын гишүүд хамтаар шийдвэр гаргадаг байгууллага болох ёстой. Намын талцал эрх баригчдад боломж олгож байна. Дунд хугацаанд, 2024 оны сонгуулийн мөрийн хөтөлбөрийг маш сайн боловсруулж, 76 боловсон хүчнээ бэлдэхдээ иргэдийн дунд нэр хүндтэй хүмүүсээс сонгох ёстой. Одоо нийт сонгогчдын 44 хувийн саналыг авсан нам парламентын 80 хувийг бүрдүүлж байна. Тиймээс дунд хугацаанд энэ асуудлыг шийдвэрлэнэ. Урт хугацаанд, зарим оронд хүсээд ч олдохгүй байгаа энэ ардчиллыг "тордож" авч явна".

Энэ мэдээнд өгөх таны сэтгэгдэл?
5
ХахаХаха
5
ТэнэглэлТэнэглэл
1
ГайхмаарГайхмаар
0
ЗөвЗөв
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

гишүүн 2021-03-17 203.23.199.183

новшнууд дээгүүрээ хэмлэлдээд доод үмүүүсээ хог дээр хаядаг нь нууц биш энэ тэнэглэлийг дэмжихгүй ээ

Avatar

Зочин 2021-03-17 103.26.193.158

Амартүвшин л юм байна! Бусад нь хэрэггүй ээ. Сонин юм яриад байхын.

Avatar

Зочин 2021-03-17 64.119.25.88

Hugiin garuud AN yana daa suircher

Avatar

Зочин 2021-03-17 103.57.95.140

Хэн нь ч Ард түмэнээ гэсэн сэтгэлтэй сайхан залуучууд байна , Амжилт хүсье

Avatar

Зочин 2021-03-17 103.26.193.22

Эрдэнэболд гэгч энэ жаахан хүү Элбэгдлржийг дагаж гүйдэг байсан одоо хэн энэ хүүг балалж байгаа юм болоо хөөрхий….

Avatar

Зочин 2021-03-17 202.179.21.195

Нэр дэвшигчид урьдын адил цээжилсэн сайхан үг яриагаар МАН, Засгийн газрын бодлогыг хичнээн муучлаад амжилт олохгүй. Сүүлийн арван хэдэн жил АН ард түмэнд хангалттай танигдсан.

Avatar

Зочин 2021-03-17 66.181.181.233

Хэн нь ч хэрэггүй. АН хүний нөөцийн тураалд орчихсон. Ойрын 5 жилд сураг гарахгүй. Тайван байцгаа

Avatar

Зочин 2021-03-17 64.119.22.218

Амартүвшин бол ерөнхийдөө дажгүй шүү

Avatar

Зочин 2021-03-17 64.119.22.218

С.Эрдэнэболд бол 2020 оны УИХ-ын сонгуульд дарваатлаа далаараа тавиулж ялагдсан, тэгээд ямар ч хариуцлага хүлээгээгүй, түүний удирдса залуучуудын байгуулагын нэр дэвшигчид бүгд 2 сонгуульд ялагдсан. Дээр нь шударга бусыг хонгтлийг гол зохиогч хүзүүгүй толгойт болтолоо сагсан Ц .Элбэгдоржийн цүнх баригч, хоосон амны фигур, аав нь з****г зарсан хэргээр шоронд орж байсан нөхрийн зулбасаг. Түүнд эрх мэдэл өгч болохгүй

Avatar

зочин 2021-03-17 202.9.46.79

Амартүвшин , Эрдэнэболд хоёрыг дэмжижи байна

Avatar

Зочин 2021-03-17 139.5.218.110

Ээ эд нар боль доо анам арай л доошоо ороод бна татан буулгавал таарна даа

Avatar

Зочин 2021-03-17 66.181.189.99

Эрдэнэболдоос бусад нь дэндүү жол байна. Пүрэвдаваа гэж нөхөр өрсөлдөхөөр энэ нам өнгөрчээ

Avatar

Зочин 2021-03-17 192.82.77.167

ene 4 t hereggyi.zailuul.medreliin. yvcntei.hyyj yavuul.

NewsMN Гар утасны хувилбар Татах
NEWS.mn

Мэдээллийн эх сурвалж