Нийгмийн даатгалын үйлчилгээ цахим хэлбэрээр хэрэгжиж байна | News.MN

Нийгмийн даатгалын үйлчилгээ цахим хэлбэрээр хэрэгжиж байна

Нийгмийн даатгалын үйлчилгээ цахим хэлбэрээр хэрэгжиж байна

Нийгмийн даатгалын үйлчилгээ цахим хэлбэрээр хэрэгжиж байна
Сонгинохайрхан дүүргийн Засаг дарга Н.Алтаншагай дүүргийн нийгмийн даатгалын хэлтэст ажиллалаа. Энэ жил нийгмийн даатгалын системийн хэмжээнд “Эерэг хандлага цахим хөгжүүлэлтийн жил” болгон зарласан. Нийгмийн даатгалын Ерөнхий газар, Хөдөлмөр нийгмийн хамгааллын яамнаас нийгмийн даатгал, тэтгэврийн дэвтрийг цахим хэлбэрт шилжүүлсэн. Тиймээс дүүргийн Засаг дарга цахим шилжилтийн ажил дүүргийн хэмжээнд үе шаттайгаар хэрхэн хэрэгжиж буй талаар болон дүүргийн Нийгмийн даатгалын хэлтсийн ажлын байрны орчин нөхцөлтэй танилцав.
Сонгинохайрхан дүүргийн нийгмийн даатгалын хэлтэс 2021 оныг “Цахим хөгжүүлэлтийн жил” болгон зарласан. Тиймээс нийгмийн даатгалын үйлчилгээг цахим хэлбэрт шилжүүлснээр даатгуулагчид алсаас буюу заавал биеэр үйлчлүүлэх шаардлагагүйгээр үйлчилгээ авах боломжийг иргэд, даатгуулагчдад олгож байгааг дүүргийн Засаг дарга Н.Алтаншагай онцоллоо.
Энэ үеэр Нийгмийн даатгалын хэлтсийн дарга Б.Жаргалсайхан “Цахим хөгжүүлэлтийн жил болгон ажиллаж байгаатай холбогдуулан удахгүй хөдөлмөрийн чадамж алдалтыг цахимжуулах арга хэмжээг хэрэгжүүлэхээр ажиллаж байна. Ингэснээр нийгмийн даатгал, эрүүл мэндийн байгууллагын хоорондох цаасан баримт багасах юм” хэмээн хэллээ. Иргэд цахим шилжилттэй холбоотой мэдээллийг “Сонгинохайрхан дүүргийн Нийгмийн даатгалын хэлтэс” пэйж хаягаар холбогдон авах боломжтой. Мөн өдөр бүр хөтөч байцаагчид иргэдэд 70173261 утсаар зөвлөгөө мэдээлэл өгч ажиллаж байна.
Энэ мэдээнд өгөх таны сэтгэгдэл?
3
ХахаХаха
2
ЗөвЗөв
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

йыбө 2021-03-17 202.9.46.122

Нийгмийн даатгал гэхээс илүү татвар болчихсон зүйл. Учир нь эргээд хүндээ өгөөж байхгүй, улс төрчдын поп амлалт зэргээс болж ашиггүй, бөөн алдагдалтай ажилладаг сан. Итгээд байх зүйл байхгүй, одоогоор

NewsMN Гар утасны хувилбар Татах
NEWS.mn

Мэдээллийн эх сурвалж