“Ази Фарма” ХХК нь 2002 онд байгуулагдсан цагаасаа эхлэн өнөөдрийг хүртэл эм эмнэлгийн хэрэгслийн жижиглэнгийн болон бөөний худалдаа, хадгалалт, тээвэрлэлт, ханган нийлүүлэлтийн үйл ажиллагааг явуулан хүн амыг тасралтгүй хүртээмжтэй жигд хангасаар салбартаа тэргүүлэгч компаниудын нэг болсон билээ.

Тус компани нь Монгол улсын хэмжээнд бүх аймаг болон Улаанбаатар хотын бүх дүүргүүдэд 30 гаруй эм ханган нийлүүлэх төв, 50 гаруй эмийн сантайгаар үйл ажиллагаагаа явуулж байна.

2022 онд болох 20 жилийн ойгоо тохиолдуулан “Ази Фарма” ХХК нь хөгжлийнхөө дараагийн шатанд гарах алхам болгож компанийнхаа брэндийн шинэ дүр төрхийг нийт харилцагчид та бүхэндээ танилцуулахад таатай байна.

“Ази Фарма” ХХК нь нийт харилцагчидаа Монгол улсын эмийн бүртгэлд бүртгэгдсэн чанарын баталгаатай 2000 гаруй эм, эмнэлгийн хэрэгслээр хангаж, эм зүйн салбарт улам их хувь нэмрээ оруулахын төлөө ажилчдынхаа мэргэжлийн ур чадварыг илүү сайжруулж харилцагчийн үйлчилгээгээрээ тэргүүлэх зорилго тавин ажиллаж байна.