Коронаг ялах боломжийг хэлээд өгөхсөн | News.MN

Коронаг ялах боломжийг хэлээд өгөхсөн

Коронаг ялах боломжийг хэлээд өгөхсөн

Драмын театрт Ковид илэрчээ. Халдвар авсан хүний тоо 54, хавьтлын тоо 1000 давсан тухай мэргэжлийн хүмүүс мэдээлж байна. Бөхийн өргөөний суудал дүүрэн, дуучид үзэгчидтэйгээ хамтдаа дуулан цэнгэж байхад "Баянгол" зочид буудалд одонгийн найр хавтгайрч, бүжиг танц, халуун тэврэлт, нойтон үнсэлт үргэлжлэв гэнэ. МАН-ын байрнаас улбаатай халдвар нь Драмын театрт шилжин тархсан гэх мэдээлэл олон нийтийн сүлжээгээр хөвөрсөөр байна. Хатуу хөл хориог сулруулаад хоёр долоо хоног өнгөрөөгүй байхад коронагийн халдвар өвсөнд тавьсан түймэр мэт дэгдлээ.

“Нэг хаалга-нэг шинжилгээ” юу болов?

Одоогоос жил гаруйн өмнө буюу 2020 оны хоёрдугаар сарын 12-ны өдөр Монгол Улсын Засгийн газар шинэ коронавирусын халдвараас урьдчилсан сэргийлэх, эрсдэлийг бууруулах зорилгоор улсын хэмжээнд гамшгаас хамгаалах “Өндөржүүлсэн бэлэн байдалд” шилжүүлэх арга хэмжээ авснаар монголчуудын хөл хорионы амьдрал эхэлсэн түүхтэй. Түүнээс хойш Засгийн газар гамшгаас хамгаалах бэлэн байдлын зэрэглэлийг “Өндөржүүлсэн бэлэн байдлаас” “Бүх нийтийн бэлэн байдалд” шилжүүлэх зэргээр тухайн үеийн байдлаас хамаарч арга хэмжээ авсаар ирэв.

“Нэг хаалга-нэг шинжилгээ” арга хэмжээг ард иргэд Шинэ коронавирусын эсрэг тэмцэлд нэгдэж байна хэмээн ухамсарлан, итгэл зүтгэл гаргасан. Элгэмсэг хандаж, айл өрх бүр гэр бүлийн төлөөллөө шинжилгээнд хамруулсан. Ажил, арга хэмжээ амжилттай өндөрлөсөн.

Гэвч… шийдвэр гаргагчид иргэдэд ковидын эсрэг авах халдвар хамгааллын  дүрэм журмыг зөрчиж болох боломжийг олгосноор “Туулын мөсийг долоох шахам” байж гүйцэлдүүлсэн “Нэг хаалга-нэг шинжилгээ” арга хэмжээний үр дүн нь салхинд хийсэх хамхуул лугаа адил замхарлаа. Хайран гэж халаглах ч багадна. Театр үзвэр, баар цэнгээний газар, гоо сайханы үйлчилгээг яаран нээсэн. Магадгүй, Улаанбаатар хотын дарга Д.Сумъяабазарын хол, ойрын лобби байсныг үгүйсгэхгүй. Бушуу туулай борвиндоо баастай гэх үг биеллээ олж алдарт “Анна Каренина” жүжиг “коронинагаар” төгссөн нь эмгэнэлтэй. Урлаг соёлоор цангасан эгэл жирийн иргэдийн буруу гэж үүнд үгүй билээ. Ийм боломж, бололцоог олгосон УОК болон шийдвэр гаргагчид хариуцлага хүлээх ёстой.

Гамшгаас хамгаалах бүх нийтийн бэлэн байдлын зэрэгт шилжүүлсэн 2021 оны хоёрдугаар сарын 11-нээс 13-ны өдрүүдэд УОК-оос авч хэрэгжүүлсэн “Нэг хаалга-нэг шинжилгээ” арга хэмжээний үр дүнгийн талаар Үндэсний Аудитын газрын тайланд:

  • Нэг хаалга-нэг шинжилгээ” арга хэмжээнд шаардагдах хөрөнгийг хууль, журмын дагуу үндэслэлтэй төлөвлөж, хэрэгжүүлээгүй.
  • “Нэг хаалга–нэг шинжилгээ” арга хэмжээний шийдвэр, хөрөнгө санхүүжилтийн мэдээлэл, олон нийтэд ил тод байдлыг бүрэн хангаагүй байна;
  • “Нэг хаалга-нэг шинжилгээ” арга хэмжээг зохион байгуулах ерөнхий төлөвлөгөөтэй нийслэл, дүүргийн онцгой комиссын төлөвлөгөөг уялдуулан төлөвлөөгүй.
  • Улсын болон Нийслэлийн онцгой комиссын удирдлага зохион байгуулалт хангалтгүйгээс дүүргийн онцгой комисс шинжилгээ авах үйл ажиллагааг бодит тооцоо судалгаанд үндэслэхгүйгээр төлөвлөж хэрэгжүүлсэн байна гэж дүгнэжээ.

Үндэсний Аудитын газрын дүгнэлт нь “Нэг хаалга-нэг шинжилгээ” арга хэмжээг олигтой зохион байгуулж чадаагүйг илтгэж байна. УОК нь Үндэсний Аудитын газрын гаргасан дүгнэлтийн талаар ус балгасан юм шиг чимээгүй сууна. Хийсэн ажлаа дүгнэж, алдаа оноогоо шүүн тунгаах нь дараа дараагийн ажлыг амжилттай хэрэгжүүлэхэд ач тусаа өгдөг жамтай. Харамсалтай нь УОК-оос “Нэг хаалга-нэг шинжилгээ” арга хэмжээний талаарх тайлан, дүгнэлтээ өнөөдрийг хүртэл гаргаагүй байгаа нь хачирхалтай.

Засгийн газрын 45 дугаар тогтоолоор Гамшгийн үеийн бэлэн байдлын гурван зэрэглэл, дөрвөн түвшнийг НОГООН, ШАР, УЛБАР ШАР, УЛААН өнгөөр тодруулан баталсан байдаг. Тэгвэл 3 дугаар сарын 13-ны өдрийн УОК-ын хуралдаанаар улбар шар буюу гуравдугаар түвшинд, олон нийтийг хамарсан үйл ажиллагаа зохион байгуулж болох 14 салбарыг зарласан байна. Энэ салбарт үзвэр үйлчилгээ /нийт суудлын тооны 30 хувиас их/, чийрэгжүүлэх бялдаржуулах /нийт хүчин чадлын 30 хувиас их/ төвийг багтаасан нь Шадар сайд С. Амарсайханы Зайсан Хиллс дахь эзэмшил газрын кино театр, бялдаржуулах үйлчилгээний байгууламжид таатай боломж олдож буй мэт харагдаж байгааг дашрамд дурьдсу.

Эрх баригчид хөл хориог сулруулж, урлагийн арга хэмжээг хараа хяналтгүй орхисон нь санаандгүй хэрэг биш болов уу. МАН-ын 100 жилийн ойд зориулсан урлаг соёлын арга хэмжээг “амжуулаад авах” гэсэн далд санаа агуулсан нь өнөөдөр тодорхой болж байна. Энэ талаар хэвлэлүүд ч амаа үдүүлсэн мэт таг чиг. Тэр ч бүү хэл сөрөг хүчин болох УИХ дахь АН-ын бүлгийн гишүүд ч ганц үг ган хийсэнгүй. Сонгууль дөхсөн үед ийм бэлээхэн сэдвийг шүүрч авч шуугиулж баймаарсан.

Гайхал коронавирус аймаг, сум дамнан тархаж эхэллээ. Сүүлийн өдрүүдэд халдварын тохиолдол гурван орон тоо тооноос буухгүй байна. 26 сая хүн амтай Токио хотод өдөртөө халдварын 100-200 гаруй тохиолдол бүртгэгдэж байхад 1,5 сая хүн оршин суудаг Улаанбаатар хотод өдөрт 100 давсан халдварын тохиолдол илэрч байгааг аюултай нөхцөл бүрдсэн гэж үзэхээс өөр яах билээ.Төд удалгүй дахин хөл хорионы байдалд шилжих нь тодорхой болоод байна.

УОК-ын албатуудад дайх үг

Монгол улс дотооддоо халдвар дэгдээгүй арван сарын хугацаанд ковидтой тэмцэх бэлтгэл ажлыг хангасангүй. УОК-оос АЙДАС менежментийг хэрэгжүүлж, ард түмнийг арван сар “дарамтлав”. ЭМЯ болон төрийн холбогдох байгууллагуудын хамтран явуулдаг 11 цагийн мэдээлэл нь иргэдийн тархийг угаах шилдэг технологи болохыг утгаар нь харуулав. Эрхтэн дархтанууд үг сөрж, үнэнийг өгүүлэх нэгнээ  дэлгэцийн цаанаас сүрдүүлэн загнаж, “орон гэртээ амгалан суу, хариуцлагыг бид үүрнэ” хэмээн ойворголон аашилсаар арван сарыг ардаа орхив. Бүтэн жил шахам гэртээ хоригдсоны үр дүн нь гэр бүлийн хүчирхийлэл, архидан согтууралт, гэмт хэрэг үүрлэх үүр уурхайг бүрдүүлсэн нь нууц биш.

Өнөөдрийн байдлаар Монгол улсад коронавирусийн халдвар авсан 3961 тохиолдол бүртгэгдээд байна. Эдгээрийн 3001 тохиолдол нь эдгэрч, эмнэлэгээс гарсан тухай өнөө 11 цагийн мэдээллээр хэлж байна. Ямар эмчилгээг, хэрхэн хэрэглэж өвчлөлийг яаж эдгээсэн талаар өчүүхэн ч сураг үгүй, нууц!  Албаны эх сурвалж нь нэг хүнийг эмчлэхэд 8 сая төгрөг зарцуулдаг тухай ам алдсан байдаг. Эмнэлэг, эрүүл мэндийн байгууллага эм, эмчилгээг нууцлалаас гаргаж, иргэдийн өвчлөлөөс айх, ичих сэтгэл зүйг дэмжихэд туслахыг ЭМЯ-наас хичээнгүйлэн хүсье.

Монгол Улсын Засгийн газар нь дотооддоо халдваргүй байсан хирнээ арван сарын турш хаах, бас дахин хаах арга хэмжээг хэрэгжүүлсэн. Хил гаалийг урт удаан хугацаагаар хааж, Монгол Улсыг гадаад ертөнцөөс тасалсан. Үр дүнд нь 130 мянган аж ахуйн нэгж, бизнес эрхлэгчид үйл ажиллагааны хаалгаа барьж, ядуусын эгнээнд шилжив. Гадаадад гацсан 60 мянга орчим монгол хүн эх орондоо ирэх эрхээ хасуулж, өлсгөлөн гуйранчлалыг амсаж, дарга ямбатнуудын гэр бүл, ойрын хүмүүс нь гэртээ саадгүй морилж, иргэд ялгаварлан гадуурхалтын горыг хүртэж байна.

Коронавирус дотоодод тархах нь цаг хугацааны асуудал байлаа. Эрт орой хэзээ нэгэн цагт монголчууд үүнтэй нүүр тулах байсан. 2020 оны 11 дүгээр сард дотоодод анхны халдвар бүртгэгдлээ. Дотоодын халдвар бүртгэгдсэний дараахан буюу 2020 оны 11 дүгээр сарын 12-ны өдрөөс Гамшгаас хамгаалах бүх нийтийн бэлэн байдлыг зарлав. Ингэж Монгол улс коронатой тэмцэх сорилтын өмнө бодитой зогсох болсон. Тэр болтол эрх баригчид 10 сарын турш  хоосон сүржигнэж, “барилдахаасаа таахалзах”-ыг үзүүлсээр ирсэн юм.

УОК-ын хариуцлагагүй ажиллагаа, алдаанаас болж монгол иргэн халдварын тохиолдлоор бүртгэгдсэн. Уг халдвар нь Дархан, Сэлэнгэ зэрэг орон нутгаар тэлж, цочирдсон ард түмэн жинхэнэ утгаараа хөл хорионд оров. Дархан аймагт “Нэг хаалга-нэг шинжилгээ” арга хэмжээг амжилттай зохион байгуулж, халдварыг хумьж чадсан. Нийслэл хотод аль өнгөрсөн оны сүүлээр “Нэг хаалга-нэг шинжилгээ” арга хэмжээг ул суурьтай, сайтар зохион байгуулсан бол өнөөдөр бид короно вирусээс салсан байгаа гэдэгт эргэлзэхгүй байна.

Өнгөрсөн оны 11 дүгээр сараас хойш дөрвөн удаа өндөржүүлсэн бэлэн байдлын зэрэгт шилжжээ. Эдгээрээс 2021 оны 2 дугаар сарын 11-ний өдрөөс 2 дугаар сарын 23-ны өдөр хүртэлх 12 хоногийн хөл хорио нь хамгийн үр дүнтэй байж болох хөл хорио нь байв. Гэвч дээр өгүүлсэнчлэн хөл хорионы хугацаа хэт богино байсан нь “Нэг хаалга-нэг шинжилгээ” арга хэмжээг үр өгөөжгүй, үнэгүйдүүлэх шалтгаан болсон юм. Тиймээс өдгөө түймэр мэт дүрэлзэн асч, газар авч байгаа коронавирусын халдварын тархалтыг зогсоох цорын ганц арга нь “Нэг хаалга-нэг шинжилгээ” арга хэмжээ гэж онцлон тэмдэглэж байна.

Цаг алдалгүй, нэн яаралтай 21 хоногийн хөл хорио тогтоож, “Нэг хаалга-нэг шинжилгээ” арга хэмжээг хэрэгжүүлбэл, Гамшгийн үеийн бэлэн байдлын Ногоон түвшинд хүрч, өдөрт халдварын тохиолдол 10-20 хүртэл буурах боломж бүрдэнэ. Чингэвээс, коронатой тэмцэх тэмцэл үр өгөөжөө өгч, коронаг ялах болно. Монгол улсын Засгийн газар, УОК болон  холбогдох байгууллага, эрх мэдэлтнүүдэд мэргэн ухаандаа тунгаан үзэхийг уриалж байна.

Монгол улсын Засгийн газар, УОК, НОК зэрэг холбдогдох байгууллагуудын ковидтой тэмцэж буй арга ажиллагаа хуудуутай байна. Бас хоорондоо уялдаа холбооогүй байна. Бодлого шийдвэрүүд нь харалган байна. Засгийн газраас цар тахлын үеийн эдийн засгийн бодлого гэж томоохон хөтөлбөр төлөвлөгөө батлан гаргаж, сүржин даржин байна. Үнэндээ эдийн засгийг аврах хамгийн том арга бол коронагүй болох явдал юм. Коронагүй болчихвол хүн ард аялж зугаалж, дэлгүүр хоршоогоор айдасгүй явж, ресторан зоогийн газар сэжиггүйгээр хооллож, үзвэр үйлчилгээний газраар чөлөөтэй үйлчлүүлэх зэргээр эрх чөлөөтэй зорчих болно. Хүмүүсийн дэргэд корона оршиж буй тул тэд болгоомжилж, нийгмийн харилцаанаас бэргэж байна. Тиймээс коронаг зайлуулах нь нэн чухал болой.

Нийслэлийн Иргэдийн Төлөөлөгчдийн хурлын төлөөлөгч М.Тулгат /2020.03.15./  

Энэ мэдээнд өгөх таны сэтгэгдэл?
27
ТэнэглэлТэнэглэл
17
ЗөвЗөв
2
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

49 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-16 202.55.188.36

Зайл

Avatar

Зочин 2021-03-16 64.119.23.235

Маш зөв санал гаргажээ. Нэг өрх нэг шинжилгээ арга хэмжээ үр дүнгүй, хайран мөнгийг цацаж, хүн ардыг 12 хоног дэмийн гэрт нь хорьсон ш дээ. Одоо 100 зуугаар нэмэгдэж байхад яах болж байна!!!!

Avatar

зочин 2021-03-16 103.229.123.144

мөрөөрөө яв даа.чамаар дутахгүй.АН-ын ах нартаа алуулаад,бөгсөө ухуулаад явж бай,Сураагүй биш.чи өөрөө юу хийсэнийн.

Avatar

Зочин 2021-03-16 103.26.194.107

Иргэдийн хариуцлагаүй үйлдэл маш их байна. Гадуур шүлс баасаа хаяал хэд хэдээрээ тамхилаал. маскгүй нийлж уулзаал яваал байна штээ. Энэ байдлаараа энэ өвчнөөр бүгд өвдөх байх

Avatar

Зочин 2021-03-16 1.75.238.167

usamsargui ork idgettei uls iim l bgaa daa haha korona-g ashiglasan heden shimch horhoinuud ni tiim shiidver gargaj tuun ni bairlsan orkuud aa gej. ork shimig horhoi 2 bainga hamt sh dee

Avatar

ZOCHIN 2021-03-16 119.40.98.166

Энэ өөрөө юу хийв.

Avatar

Зочин 2021-03-16 202.9.46.82

санаа оноогоо хэлж болохгүй юу

Avatar

Зочин 2021-03-16 202.55.188.36

Энэний санаагаар дутвал гэж

Avatar

ХУД-ийн иргэн Ш.Раднаа:ЗГ вакцины асуудлаа хэлэлцээд иргэдэд тодорхой мэдээлэл өгөх хэрэгтэй байна 2021-03-16 66.181.186.218

Вакцинжууллалт номер нэг ажил. Гэтэл хариуцлага хүлээхгүй ЭМЯ-ны хэвлэлийн төлөөлөгчөөр үнэн, худал мэдээлэл өгүүлчихээд ЗГ чимээгүй байж болохгүй.ДЭМБ-ын зөвшөөрсөн вакциныг хийнэ гэсэн ч байдал хүндэрсэн тул хоёр хөршийн вакциныг хийх болсноо, вакцины хангамжаас болоод иргэд вакцин сонгох боломжгүй болсныг тайлбарлах.Хятадын вакцины эргэлзээг тайлах.Вакцин худалдаж авах нь зөв биш үү.Вакциныг улс хоорондын харилцаанд үл ойлголцлын шалтаг болгохгүйг хичээх г.м. ЗГ-ын түвшний ажил их байна.

Avatar

Зочин 2021-03-16 202.55.188.46

Байдаг л нэг бэртэгчин хошного.

Avatar

Зочин 2021-03-16 66.181.186.76

Эмнэлгүүд дүүрсэн халдвартай хүмүүсийг авч чадахгүй болсон байна. Шууд хатуу хөл хорионд шилжих шаардлага тулгарлаа. Маргаашнаас хугацаагүй хөл хорио тогтоож айл өрхүүдэд бага ч гэсэн дэмжлэг үзүүлэх зайлшгүй нөхцөл үүслээ дээ

Avatar

Зочин 2021-03-16 202.9.47.18

Адьшаа гэдэг чинь юу хийдэг баагий билээ, тэр тусчихаж гэнээ.соёл урлагийн баахан жүжигчин туссан гэнэ.Отгонбат, Наранбаатар зэрэг нөхөд..

Avatar

Зочин 2021-03-16 66.181.161.105

Их хуралд шургалсан хулгайч лдаа. Коронадчихсан уу

Avatar

Зочин 2021-03-16 66.181.186.76

Энэ ямар санаа нь амарчихсан Амарсайхан гуай вэ.. Хэнийг хөнгөн хэнийг хүнд гэхийн?? Нөгөө арын хаалга танил тал гээд ёстой буруу гарын ажлууд нь цэцэглэж өгөх юм байна даа. Жир иргэд ингээд засагтаа ч тоогдохгүй өвчинтэй улаан нүүрээрээ тулж хаягдах дээрээ ирж дээ Eрөнхийлөгч минь та ямар 1н юм хийгээч. Иргэд чинь тахалд баригдаж эмчлэх эмнэлэг туслах хүнгүй болохнээ. Амарсайхан сайд юу хэлчихвээ

Avatar

Zochin 2021-03-16 72.236.87.153

Haldwar hamgaalalaa sain hiij huwi hun uuruu hariutslagatai baih heregtei .Vaktsinaa hurdan hii.Odoo hungun uwchtei humuusee gert ni tusgaarlaj emchilj oron nutagt garsan uwchtunuu oron nutagt ni emchil tend chin emleg bgaa shtee.Hul horio togtooj blohgui bh

Avatar

Зочин 2021-03-16 202.126.89.238

Unen dump gar shuu

Avatar

Зочин 2021-03-16 202.21.108.253

Халдварын тоо нэмэгдээд, эмнэлэгийн орны тоо хүрэлцэхгүй болжээ. Энэ бол эрсдэл улаан дээр ирчихээд бна. Юун улбар шар. Удахгүй эмч нар ч өвчилсөн хүндээ хүрч чадаргүй болох нь. Хайран цаг, хайран эмч цагдаа нарын хүч хөдөлмөр. Урьд нь ковидоос сэргийлж мөнгөө зарцуулж бсан бол одоо ковид өвчинтэй тэмцэх, эдийн засгаа сэргээх гэж давхар давхар зардал гарч бна. Жоохон тэвчээд ковидыг ялчихсан бол өдийд эдийн засгаа дорно сэргээчих байж дээ.

Avatar

Кк 2021-03-16 103.229.121.192

За чи дут нус минь

Avatar

Энхээ 2021-03-16 192.82.75.201

ЭНЭ ЗАСАГ АЛБААР КОВИД ТАРААСАН, СОНГУУЛИЙН ӨМНӨ АВРАГЧИЙН ДҮРД ТОГЛОХ НЬ ТЭДЭНД АШИГТАЙ, ХҮНИЙ АМЬ ЭРҮҮЛ МЭНД ОДООГИЙН САГСУУ ЭРХ БАРИГЧДАД ЯМАР Ч ХАМААГҮЙ

Avatar

зочин 2021-03-16 202.9.47.4

халдвар хамгийн өндөр идэвхжилтэй сарыг эрдэмтэд тооцоолж санамж өгсөөр байтал бүх зүйлийг ямарч хяналтгүй нээж олон нийтийг эрсдэлд оруулсан тэр шийдвэрийг гаргагчид бас дарамт үзүүлсэн нөхөд яагаад хариуцлага хүлээдэггүй юм бэ. одоо эмнэлэг нь эмчлэгч эмч нь хүрэлцэхгүй бол яах болж байна, хариулаач. ийм эгзэгтэй үед ЗГ яагаад дуугарахгүй байна вэ.

Avatar

Иргэн 2021-03-16 66.181.181.215

Хоосон толгойт, хөөрүү гар вэ. Төр засаг, иргэд, улсаараа л хичээж байна. Энэ хүний хэлсэнд шинэ санаа нэмэр болох юм алга.

Avatar

АСУУЛТ 🤡 2021-03-16 54.38.214.16

гандангийн лам нар короно буцаах ном уншиж байгаа үр дүн нь сайхан гарнаа гээд дүнгэнэлдээд байсан шүү

Avatar

ЗОЧИН 2021-03-16 139.5.218.91

ЛАМ НАР, МЭРГЭД, БӨӨ МӨРГӨЛЧ НАР ГМ УЛСУУД ОДОО КОРОНА-Г ЗАЙЛУУЛЖ ИД ШИДЭЭ ҮЗҮҮЛЭЭД ӨГӨӨСЭЙ, ХУДЛАА ГАРУУД

Avatar

Зочин 2021-03-16 64.119.22.218

Дэлхий нийт коронавируст алийгаа алдчихаад байхад чи нэг их сүрхий хүн болж дүр эсгээд яахаваа даа. Одоо 2 хон асуудал л байна нэг нь вакцинжуулалт, нөгөө нь халдьар хамгааллаа иргэд хатуу сахих, хөл хорио одоохондоо болоогүй байна. Ойлгож ядаад байх юм алга. Төр засагт буруу тохох гэж оролдоод хэрэггүй. Өөрсдийгөө л сайн хичээ. Гүйцээ. Тэгээд сүржигнэхээ л больчих

Avatar

Зочин 2021-03-16 122.201.24.136

Jijken company udirdaj cahdahgui bj haha. dongoshiimaa nere

Avatar

Зочин 2021-03-16 202.126.89.74

Хэлэх цэцэрхэх амархаан. Харин ч манай төр засаг сайн ажиллаж байгаа шүү

Avatar

Zochin 2021-03-16 66.181.161.12

Garaagui bhad ny l hamsg surguulia haachihsan hezee neehiig b** med. Delhiin uls ornuudiin jishig geel yarihiin manaiihiig dulj dulj neg surgah tuhai shiidver gargamar aydah ued nuguu delhiin uls ornuud ny aly hediin kovidiin ued surguuliuddaa avch heregjuulsen ajiliinhaa amjilt ololtiin tuhai turshlaga tailangaa yarij baih bailgui dee.

Avatar

Зочин 2021-03-16 202.126.89.74

Хэн ч ярьж чаднаа бацаан аа.? Хамгийн чухал зүйл бол хүмүүсийн ухамсарт байгаа шүү. Энэ банди хөөрхөн л бурж байна.

Avatar

Зочин 2021-03-16 202.21.113.238

За яахав дээ. Сонгуулийнхаа мөнгөө л босгожиишд

Avatar

Эгэл нэгэн 2021-03-16 64.119.25.138

Ерөөсөө дотоодод тархаагүй байх үед бэлтгэл ажил хийгээгүй сонгууль улс төрөө бодсон МАН, Хүрэлсүх, түүний ЗГ, УИХ буруутай. Тэд одоо улс төрд биш ялтны ширээнд суух ёстой

Avatar

Зочин 2021-03-16 64.119.25.218

Дүр эсгэсэн ардчилагчид, цаанаа шорон гяндан ярьсан,муу муухайд дурлагч хоёр нүүрт зандалчид

Avatar

Иргэн 2021-03-16 103.26.193.170

Маш зөв зүйл бичжээ. Үнэхээр Засгийн тэргүүн сэтгэлийн хөөрлөөр 12 хоног хөл хорио тавиад дараа ньв бүх халдварыг хумиж чадсан мэт дураар нь тавюьсан. Энэ нь Засагт байгаа бизнэсмэнүүдийн ятгалага байсан байх лдаа.

Эрүүл хүн байж бизнэс чинь урагштай явж гаргасан бүтээгдэхүүн чинь борлогдох байх лдаа. Нэг л их хөрөгө зарцуулсан мэт яриад ерөнхийлөгчийн сонгуульд бэлдэж байгаа бололтой. Хайран 18 тэр бум төгрөг.

Avatar

Зочин 2021-03-16 49.0.149.12

савж уналаа. салаавч өгөх юмсан.

Avatar

Зочин 2021-03-16 64.119.25.218

Төрсөн нь үнэн бусад нь худал гэдэг үг ,манай дүр эсгэсэн ардчилагчдад тохирно.Олон түмэнд учиргүй хайртай,зөв сэтгэдэг, сайхан сэтгэлтэй,төлөв төвшин хүн болж, эд нар энэ сонгууль дуустал их жүжиглэнэ дээ. Харамсалтай нь үүний цаана санаа буруу, хийж буй ажилд тээг саад гох дэгээ болох, хийсэн ажлыг харлуулахыг хичээнэ,алдаа дутагдал гараасай л гэж хүсч байгаа. Эд угаасаа эвдэж сүйтгэх, нурааж устгах,нийгмийг дэг журамгүй, эмх цэгцгүй байлгахыг хүсэгч үүнийгээ эрх чөлөө гэж үздэг хүмүүс.

Avatar

Зочин 2021-03-16 150.129.143.224

Үнэн дээ иргэдийг ч бай ААН-г ч бай зүгээр л дарамтлах айлгах нугалаа үүсгэх хий хоосон мөрдөж мөшгөх яс хаях талцуулах далимдуулж шахаа хийх торгох хэрэгтэн зөрчилтөн болгох гээд уялдаагүй хагас дутуу ажил шийдвэр гээд хар бараан талдаа жирийн ард иргэддээ халгаатай манжийн дарангуйлал гэдэг шиг л байгаа ш дээ

Avatar

Зочин 2021-03-16 192.82.85.6

Коронаг ялах боломжийг хэлээд өгөхсөн… гэсэн нийтлэлийн зохиогч …Тиймээс коронаг зайлуулах нь нэн чухал болой… гэж төгсгөжээ. Уг нь тийм ч, хэн бүхний л хэлдэг үг. Хэрвээ тэр боломжийг хэлээд өгсөн бол Монголоос нэг хүн Нобелийн шагналыг Анагаах ухааны салбараар хүртэх байсан юмсан

Avatar

Зочин 2021-03-16 202.55.188.105

Иргэн бурт 1 саяаа егеед 1 сар хатуу хориочээ, емнех хорионууд тийм хатуу биш байсан шуу. Эруул мэнд эрхэм баян. Халдвар тусаад евдсен, ухсэн хумуус яаж ажиллах вэ? Харамч аминчхан хун хамгын их шатдын шуу. Иргэдээсээ харамлачаад еерсдее болохоор далимдуулж 10 их наядын цавчаа хийх гээд улайраад байхым МАНгар чинь.

Avatar

ард 2021-03-16 202.9.46.81

анна карина тогололт үзэж ухаантай дээд зиндаа гэж мөрөөдсөн малууд гэр бүл хамаатан саднааа дэлхиин хэмжээнд амьдруул лаларуудааа гв

Avatar

Маш зөв 2021-03-16 103.80.211.52

Маш зөв бичиж. Ийм хүмүүсээ дэмжээд ажлыг нь хийлгээд байвал, уг нь

Avatar

Зочин 2021-03-16 192.82.64.208

хүн сайхан бичиж болно. харин ийм юм бичээд суухын орон хүрж ирээд дуу хоолойгоо сонсгуулаад явах чинь яасан юм? ухаантай царайлаад сууж хэн ч чадна. том том юм хуцалгүй юм хийгээч, хийсэн юмгүй байж ямар их хүмүүсийг шүүмжилдэг мулгуу вэ!

Avatar

ЗОЧИН 2021-03-16 202.21.108.31

Цаг хугацааны хувьд зөвхөн 2020 оны 11 сараас эхэлсэн мэт бичжээ. 2020 оны 2,3-р сараас л мунгинаж эхэлсэн ш дээ. УИХ-иар МАН-н ЭМЯ-ны сайд Сарангэрэл тэргүүтэй бүх эрх мэдэлтнүүд бүгдээрээ маскгүй тэврэлдээд ард түмний гайхшралыг барсан. 100 жилээрээ ч талбай дээр Хүрэлсүх, Энхбаяртайгаа бүгд л максгүй үлгэрлэсэн. Тэгэхээр энэ ковид19 яг үнэндээ байгаа ч юм уу, шоу ч юм уу гэмээр. Засгийн газар өөрсдөө маш хэнэггүй, үлгэргүй, хариуцлагагүй гэсэн үг.

Avatar

Зочин 2021-03-16 192.82.80.151

Дарга нарт корона тусдаггүй

Avatar

иргэн 2021-03-16 202.131.236.170

Зөв байна. Үнэн хэлсэн. НОК-ыг татан буулгаж УОК ажилласан шиг ажилла.

Avatar

Зочин 2021-03-16 66.181.183.115

Ямарч шийдэл байхгүй худлаа нээх мундаг хүн болж бичсэн улс төр чинь харагдаад бна. Тийм л мундаг юм бол яахыг нь хэлээд өгөө. Худлаа гарчиг өгч эргүү юм ярихаа боль.

Avatar

Зочин 2021-03-16 66.181.183.115

Хэлэхэд амархан, хийхэд хэцүү. Тэр цаг үед хамгийн зөв шийдвэр бол Нэг хаалга нэг шинжилгээ блаа. Хэрвээ энэ шинжилгээг хийгээгүй бол бүр болохоо бсан бна, нийт хүн амд тарсан бна гэж донгосдог хүн их бсан. Бид бүгдээрээ цаг хугацааны хайчин дунд явж бна. Цаг хугацааг шүүх эрх хэнд ч байхгүй. Өнгөрсөн хойно нь тэгдэг байж ингэдэг байж гэж гонгинох хэрэггүй. Өвчтэй иргэдээ оношилж илрүүллээ, мөнгийг нь иргэндээ зарлаа. ДЭМБын шинжил, илрүүл гэсэн бодлогын дагуу явж бна.

Avatar

Зочин 2021-03-16 202.126.89.196

Нийслэлийн ИТХын төлөөлөгч асуудлыг зөв дүгнэжээ.Одоо төлөөлөгч та бүхэн нийслэлийн засаг дарга СУМЬЯАБАЗАРыг ОГЦРУУЛЖ мэдрэмжтэй,чадвартай,боловсролтой хүнийг засаг даргаар томилох асуудлыг хөндөж тавиач.

Avatar

Зочин 2021-03-16 64.119.23.235

Зөв санал бичжээ. Өдөр бүр 100 гаруй халдвар!!! Айлгаж байна шүү.

Avatar

Зочин 2021-03-16 66.181.183.115

Герман австри улсад хүн бүрт нэг удаагийн коронагийн илрүүлэх оношлууоын тестийг 5 ширхэгийг үнэ төлбөргүй ойролцоох аптекаар өгөж байгаа.хязгааоладтын дэглэмтэй хорил тавигдсан ч кинотеато үзвэр үйдчилгээ нээгпээгүй .хүмүүс кайшаа маш сайн бхрьж суосан дэлгүүрт олон хүн бөөгнөрдөгүй ариутгал маш сайн хийгддэг хоолны газао кофены газруупад ихжвчлэн захиалгаар авчдаг болсон бэлэн ийм жишээ байхад дуурайгаап байж блддлгүй юм байхдаа тэс хөндлөн байхтймаа

Avatar

Дарь 2021-03-16 66.181.161.49

Герман Австрид байдал Монголоос хамаагүй муу байгааг ойлгоорой. Баруунаас жишээ татвал муудна л гэсэн үг.

NewsMN Гар утасны хувилбар Татах
NEWS.mn

Мэдээллийн эх сурвалж