Ерөнхийлөгч малчдыг GPS төхөөрөмжөөр хангахыг Засгийн газарт сануулав | News.MN

Ерөнхийлөгч малчдыг GPS төхөөрөмжөөр хангахыг Засгийн газарт сануулав

Ерөнхийлөгч малчдыг GPS төхөөрөмжөөр хангахыг Засгийн газарт сануулав

Ерөнхийлөгч малчдыг GPS төхөөрөмжөөр хангахыг Засгийн газарт сануулав

Монгол Улсын Ерөнхийлөгч Х.Баттулга эмгэнэл илэрхийлэв

Манай улсад нүүрлэсэн байгалийн гамшигт үзэгдлийн улмаас 10 иргэн, түүний дотор хоёр хүүхэд амь насаа алдаж, нөхөж баршгүй гарз тохиосонд Монгол Улсын Ерөнхийлөгчийн хувьд гүнээ харамсаж, эмгэнэл илэрхийлж байна.

Байгалийн гамшигт үзэгдлийн улмаас 590 иргэн сураггүй алга болсон ч эрэн хайх ажиллагаа хийсний үр дүнд 579 иргэнийг эсэн мэнд олж, нэг иргэнийг эрэн хайх ажиллагаа үргэлжилсээр байна.

Байгаль, цаг уурын эрхээр амьдардаг малчин түмэнд тулгарсан байгалийн давагдашгүй хүчин зүйлс цаашид ч дахин нүүрлэхгүй гэх баталгаа байхгүй тул бид эрдэнэт хүний амь насыг хамгаалах, давагдашгүй нөхцөл байдлын үед малчид болон онцгой байдлын албан хаагчид хэрхэн мэдээлэл солилцох, цаг алдалгүй эрэн хайх ажиллагаа явуулах асуудалд онцгой анхаарах шаардлагатай байна.

Жилийн дөрвөн улиралтай, эрс тэс уур амьсгалтай манай орны нөхцөлд Монгол Улсын Засгийн газар малчдыг онцгой нөхцөлд хэрэглэдэг утаат дохиолол, олон улсад өргөнөөр хэрэглэдэг 48 цагийн турш тусламжийн дохиолол илгээх галт дохиолол болон байршил тогтоох GPS гэх мэт шаардлагатай төхөөрөмжөөр хангах бодит шаардлага үүссэн байна.

Техник технологи хөгжсөн 21 дүгээр зуунд малчдыг дээрх төхөөрөмжүүдээр хангаж чадвал үер усны аюул, цасан болон шороон шуурга, ойд төөрөх зэрэг тохиолдолд цаг алдалгүй тусламж авах нөхцөл бүрдэнэ. Иймд олон улсад өргөнөөр хэрэглэгдэж туршигдсан ийм төхөөрөмжүүдээр малчдыг хангах ажлыг цаг алдалгүй хийх шаардлагатай байгааг Монгол Улсын Засгийн газарт сануулж байна.

Монгол Улсын Үндсэн хуулийн Арван зургадугаар зүйлд, Монгол Улсын иргэн бүр 1/ Амьд явах эрхтэй…, 2/ Эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхтэй хэмээн заасан байдаг.

Иймд эрдэнэт хүний амь насыг хамгаалах, Монгол Улсын Үндсэн хуульд тунхагласан дээрх заалтыг хэрэгжүүлэхэд онцгой анхаарч ажиллахыг Монгол Улсын Засгийн газарт дахин сануулъя.

Монгол Улсын Ерөнхийлөгч Халтмаагийн БАТТУЛГА

Энэ мэдээнд өгөх таны сэтгэгдэл?
3
ЗөвЗөв
3
ХахаХаха
1
ХөөрхөнХөөрхөн
1
ГайхмаарГайхмаар
1
ТэнэглэлТэнэглэл
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-16 124.158.86.197

Манай намууд ямар ч итгэл үнэмшил, намын голч бодлого байхгүй байгааг манай боловсролгүй ерөнхийлөгч бэлхэн харуулж байна даа. Уг нь Ардчилсан намаас сонгогдсон либерал бодлого баримтлах ёстой хүн. Дандаа өр тэглэнэ, мөнгө тараана, үнэгүй юм өгнө гэж коммунист аргаар өөртөө коко авч иргэдийг тэмцэлгүй, залхуу, ажил хийх сонирхолгүй, халамж горьдсон социалист сэтгэлгээтэй болгож байгаа хүн. GPS авч өгөх биш, харин хүүгүй лизингээр өгч малчид хөдөлмөрөөрөө эргүүлж төлөх ёстой юм.

Avatar

Хүн 2021-03-16 192.82.73.221

Тийм дуртайн бол өөрөө мөнгөөрө авч өгөхгүй юу. Өчнөөн орлоготой байж өөрсдөө авна биз. Ямар тэнэг юм ярьдаг юм бээ чааваас

Avatar

ЗОЧИН 2021-03-16 202.21.126.30

БАЙГАЛЫН ГАМШИГТ ҮЗЭГДЭЛ БОЛЖ АМЬ АМЬЖИРГАА БОЛСОН ХЭДЭН МАЛЫНХАА АРААС ЯВЖ БАЙГААД ЭНДСЭН ХЭДЭН МАЛЧНЫ АМИЙГ БАС Л УЛС ТӨРИЙН АШИГ ХОНЖОО БОЛГОХ СЭЖҮҮР ҮНЭРТЭЭД ЭХЭЛЛЭЭ ШҮҮ. ЯМАР Ч ЛАЙТАЙ УЛС ВЭ БИД.

Avatar

Зочин 2021-03-16 192.82.64.208

хоригдлуудаа хянаж чадахгуй халтайж үхсэн баасныхан малчдыг хянах. тэнэг төрөөс тэнэг юм гарна гэдэг чинь л энэ дээ.

Avatar

Зочин 2021-03-16 103.26.193.141

МАЛЧДЫГ САНСРЫН ХОЛБООНЫ УТСААР ХАНГА..

Avatar

Зочин 2021-03-16 202.126.90.2

Малчин хүн малдаа явөхдаа өөрөө GPS -тэй бол олоход амар биздээ.

Avatar

Зочин 2021-03-16 202.126.89.143

Солиорол. Сонгуулийн халуурал.

Avatar

bat 2021-03-16 192.82.65.182

malchid tuiliin hariutslagagui,dulaan deel hiigeed omsdog,mori temeegee unadag malchin baihgui bolson.gants honi ogood jps av gevel avahgui,arhi avaad uuna.

Avatar

Зочин 2021-03-16 103.80.210.183

хэ хэ мал болгондоо GPS төхөөрөмж зүүгээд малаа хариулахгүй ТВ-гээ үзээд л утсаа хараад байж байг гээ юу?

Avatar

Зочин 2021-03-16 202.179.21.225

why not?!

Avatar

монгол 2021-03-16 139.5.216.155

Тэр багаж нь байгалийн гамшигт үзэгдэл болохоор малаа хот руу нь залдаг

NewsMN Гар утасны хувилбар Татах
NEWS.mn

Мэдээллийн эх сурвалж