News агентлагийн эрхлэн гаргадаг www.news.mn сайтын Ерөнхий редактороор Ш.Оюунчимэг томилогдлоо. Ш.Оюунчимэг нь Орхон аймгийн 10 жилийн дунд сургууль,  2005 онд Монгол Улсын Боловсролын их сургуулийг тус тус төгссөн.

Ш.Оюунчимэг нь 2010 оноос тус сайтын Шуурхай мэдээллийн албаны сурвалжлагчаар ажиллаж байгаад 2012 оноос парламентын сурвалжлагчаар ажилласан. Мөн 2015 оноос тус сайтын редактороор өнөөг хүртэл ажиллаж байгаад Ерөнхий редактороор ажиллаж эхэллээ.

Ш.Оюунчимэг нь 2013 онд Монголын сэтгүүлчдэд олгодог "Ган үзэг" шагнал, 2021 онд "Хэвлэл мэдээллийн тэргүүний ажилтан" цол тэмдгээр тус тус шагнагдаж байв.