Сурвалжлага: Шоудаж буй залууст covid-19 "хамаагүй" | News.MN

Сурвалжлага: Шоудаж буй залууст covid-19 "хамаагүй"

Сурвалжлага: Шоудаж буй залууст covid-19 "хамаагүй"

Сурвалжлага: Шоудаж буй залууст covid-19 "хамаагүй"

Засгийн газрын зүгээс дотоодын бизнесээ таг зогсоочихгүйн тулд хоёрдугаар сарын 23-аас эхлэн хөл хориог сулруулж, төрөл бүрийн уралдаан тэмцээн 40-100 хүнтэй буюу олныг хамарсан аялал зугаалга, өртгөтгөсөн болон үзэсгэлэн худалдаа диско баар, цахим тоглоомын газраас бусад ААН үйл ажиллагаа хэвийн явуулах шийдвэр гарсан.  

Диско баар үйл ажиллагаа явуулах эрхгүй учраас лаунж нэрийн дор ажиллаж 22.00 цагаас хойш 00.00 цаг хүртэл залуус дискоддог байна.  Ингэснээр  “хоригдсон” хотын шөнө “амь орж” баар  залуусын хөлд дарагджээ.

Үүдээ нээсэн баар  ариутгал, халдваргүйжүүлэлтийн дэглэм мөрдөгдөж буй эсэхийг сурвалжлахаар бямба гаригийн 22.00 цагт хотын төвд байрлах нэгэн газраар  оров. Хэдийгээр хөл хорио үргэлжилж байгаа боловч их хотын шөнө хөл хөдөлгөөн ихтэй. Энд тэндхийн буланд хөл дээрээ тогтож ядан гуйван зогсох согтуу залуус олон байлаа.  Насанд хүрээгүй болов уу гэмээр охид, хөвгүүд  баарны гадаа тамхи  зуучихсан, тас тас инээлдэнэ, архиндаа халамцсан эрчүүд хажуугаар нь зөрсөн охид, хүүхнүүдийг өдөж хоргооно. Энэ бүхнийг машин дотроос хэсэг хугацаанд харж суулаа. Улмаар баар руу орохоор зүглэв. Баарны зохион байгуулагчид баар руу орох залуусын  халууныг  үзэж, хаалганы хажууд наасан байршлын цэгийн QR кодыг уншуулан, такс таслан оруулж байлаа.

Цааш орвол зөөгч “Хэдүүлээ яваа вэ” гэсээр бүжгийн талбайн голд байрлах  ширээн дээр биднийг  урив. Тус баар нь бүжгийн сул талбайг  ашиглахын тулд хоёр  хүний суух зориулалттай текний 20 гаруй  ширээ, сандалыг байрлуулжээ. Ширээ хоорондын зай нь 500 см байх аж. Хэрэв 1.5-2 метрийн зайд ширээгээ байрлуулсан бол  ердөө аравхан ширээ багтах  учраас алдагдлаа нөхөхийг чухалчилсан бололтой юм. Удалгүй нүргэлсэн хөгжим явж, залуус өөрсдийн ширээнийхээ хажууд бүжиглэж эхлэв. Амны хаалт зүүх нь бүү хэл тэврэлдэх нь холгүй бүжиглэж буй залууст  Covid-19 халдварын аюул огтхон ч хамаагүй бололтой. Угаасаа зай барихыг хичээсэн хүн ч ховор.

Баарны хамгаалагчид амны хаалтаа зүүхээс төвөгшөөсөн залууст амны хаалтаа зүүхийг сануулавч “Амны хаалттай яаж бүжиглэх юм бэ. Халууцаад байна шүү дээ. Энд угаасаа пиво уухдаа амны хаалтаа авч л байгаа биз дээ”  хэмээн уурсах залуус олон байсан юм.

Хэдийгээр бааранд архи согтууруулах ундаа хэрэглэж,  бүжиглэх эсэх  нь хувь хүний эрх боловч нөгөө талаас хувь хүний ухамсар, хариуцлагын асуудал ч энэ цаг үед яригдана.  Баар, караоке 23.30 цагт гаднаас хүн авахаа больж, доторх хүмүүсээ гаргах гэсээр 00.00 цаг болдог аж. Нийслэлийн мэргэжлийн хяналт, цагдаагийн газраас хяналт, шалгалтыг тогтмол хийж байгаа учраас цагаа яг барьж 23.30 гэхэд баарны гэрэл асч, залууст тарах дохио өгөв. Согтуу залуучууд уулга алдсаар үргэлжлүүлэн бүжиглэмээр байгаа нь илт. Баарны зохион байгуулагч залууст “Хэрэв нууцаар цаг хэтрүүлэн ажиллаж байгаад баригдвал байгууллагын тусгай зөвшөөрлийг шууд цуцалж байгаа” гэдгийг учирлан тэднийг тарахыг дахин сануулав. Баар хаагдсан ч гэр гэрлүүгээ харих бодол залууст байсангүй. “Одоо хаачих уу”, “Онгорхой бар байна уу”, “Үргэлжлүүлэх үү” хэмээн хоорондоо ярин нэг, нэгийгээ ээрэх нь түгээмэл.

МИКРОФОНЫ НЭГ УДААГИЙН БҮРХЭВЧ УУТЫГ СОЛИОГҮЙ ЗӨРЧИЛ ИЛЭРЧЭЭ

Нийслэлийн Мэргэжлийн хяналтын газраас гуравдугаар сарын 7-9-ний өдрүүдэд  366 ресторан, 69 кафе, 143 баар, 446 караоке баар, 112 цайны газар, 16 түргэн хоол, 20 кофе шоп, хоёр буфет, нэг хүргэлтийн хоол зэрэг нийт 1,175 аж ахуйн нэгж, иргэний үйл ажиллагаанд өдөр болон шөнийн цагаар хяналт шалгалт хийсэн байнаШалгалтаар 668 зөрчил илрүүлэн 343 буюу 51.3 хувийг газар дээр нь арилгуулах арга хэмжээ авч, зөвлөн туслах үйлчилгээ үзүүлжээ.

Зөрчлүүдээс дурдвал,

  • QR код байршуулаагүй
  • Ажилтан, үйлчлүүлэгчдийн биеийн халууныг хэмждэггүй
  • Тусгай өрөө “VIP”, караокены өрөөний талбайн багтаамжийн 50 хувиас хэтрэхгүй байхаар тооцож үйлчлээгүй
  • Микрофоны нэг удаагийн бүрхэвч уутыг үйлчлүүлэгч тус бүр дээр солих, үйлчилгээний дараа микрофон, дууны цэсийг цэвэрлэж, халдваргүйжүүлээгүй байжээ.

ӨНӨӨДРӨӨС ЭХЛЭН ДАРААХ 14 БАЙГУУЛЛАГЫН ҮЙЛ АЖИЛЛАГААГ ХЯЗГААРЛАНА

Нэг л хүний хариуцлагагүй үйлдлээс болж нийтийн эрх ашиг хөндөгдөж мэдэхээр эгзэгтэй цаг үед баар, цэнгээний газруудыг нээснээр залуус амны хаалтгүй  зугаалж, нэг дор бөөгнөрсөн нь цар тахлаас сэргийлж ажиллаж буй олон хүний хичээл зүтгэлийг үгүй болгож мэдэх эрсдэл дагуулав. Тиймээс  Улсын Онцгой комиссоос хатуу хөл хорио тогтоохгүйгээр 14 хоногийн хугацаанд гуравдугаар түвшинд буюу улбар шар түвшинд  шилжиж ажиллах шийдвэр гаргасан. Энэ шийдвэр нь өнөөдрөөс /2021.03.15/ эхлэн  мөрдөгдөнө.  Ингэснээр үйл ажиллагаа явуулахыг хориглосон уралдаан тэмцээн, 40-100 хүнтэй буюу олныг хамарсан аялал зугаалга, өргөтгөсөн болон үзэсгэлэн худалдаа, диско баар, цахим тоглоом болон хүүхдийн тоглоомын газар дээр саун бассейн, дэн буудал, сүм хийд, фитнесс, алжаал тайлах төв, баар, караоке, алжаал тайлах төвүүд нэмэгдэж  байгаа юм.

Нийслэлийн хүн амын дунд тархсан Covid-19-ийн тохиолдол өдөр ирэх тусам нэмэгдсээр байна. Ялангуяа сүүлийн хэдэн өдрүүдэд халдварын тохиолдол 100-аас  буурсангүй. Өнгөрсөн бямба гаригт 169 хүнээс халдвар илэрсэн нь  Монгол Улс дотооддоо халдвар алдсан үеэс буюу 2020 оны арваннэгдүгээр сараас хойш бүртгэгдсэн хамгийн өндөр үзүүлэлт юм. 14 хоногийн дараа өдөрт 150-400 хүртэл халдвар гарах магадлалтай аж.  Ерөнхийдөө хүн амын дунд халдвар өргөн тархсан үе гэсэн үг. Тиймээс халдварын тархалтыг хязгаарлахын тулд дээрх арга хэмжээг аваад байна.

Э.БУРАМ

Энэ мэдээнд өгөх таны сэтгэгдэл?
13
ТэнэглэлТэнэглэл
4
ЗөвЗөв
3
ХарамсалтайХарамсалтай
2
ХахаХаха
2
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-03-15 103.57.92.198

Тахалтай зэрэгцээд БААР ЦЭНГЭЭН ҮЗВЭР ҮЙЛЧИЛГЭЭНИЙ газрууд ажиллаад байгаа нь хир нийцтэй вэ …. Ганцхан халдвар гарахад бүр нийтээр нь ХӨЛ ХОРИОД байсан ….Одоо өдөрт 100 гаас дээш бүртгэгдэж байгаа ЭНЭ ҮЕД л ХӨЛ ХОРИХ ЁСТОЙ байтал ЯАГААД ЭСРЭГЭЭРЭЭ ажиллаад байна вэ ….. Гадаадын улс орнууд ХАЛДВАРАА БАРИЧИХААД байхад Монголд ХАЛДВАРАА АЛДЧИХААД байгааг юу гэж үзэх вэ …. МОНГОЛЫН төрд УЛС ОРНОО АРД ТҮМНЭЭ боддог УЛСЫН ТӨЛӨӨ СЭТГЭЛТЭН байна уу …. АРД ТҮМНЭЭ БОДООЧэээээТӨР ЗАСАГ ааааааа

Avatar

Мэдээгээ дахиж уншиж байлдаа гайхлаа шд 2021-03-15 66.181.190.238

Цааш орвол зөөгч “Хэдүүлээ яваа вэ” гэсээр бүжгийн талбайн голд байрлах ширээн дээр биднийг урив. Тус баар нь бүжгийн сул талбайг ашиглахын тулд хоёр хүний суух зориулалттай текний 20 гаруй ширээ, сандалыг байрлуулжээ. Ширээ хоорондын зай нь 500 метр байх аж. Хэрэв 1.5-2 метрийн зайд ширээгээ байрлуулсан бол ердөө аравхан ширээ багтах учраас алдагдлаа нөхөхийг чухалчилсан бололтой юм……Мэдээгээ дахиж уншиж байлдаа гайхлаа шд.

Avatar

Онч 2021-03-15 64.119.21.25

500 см гэдэг нь 5 метр гэсэн үг шүү дээ.Бодвол 50 см гэж бичих гэсэн нь энэ үү?

Avatar

Arhi darsaar uilchildeg gazriig korona duustal bitgii nee 2021-03-15 202.55.188.42

Arhi darsaar uilchildeg gazriig korona duustal neehgui baih heregtei. Sogtson humuus yag maskaa zuuj zai barij haragdaach, zarim humuus bur alingaa alddag bizdee.

Avatar

Зочин 2021-03-15 203.91.112.209

Нийтийн бүжиг 1940-оод онд байв, диско нь 1980-иад онд байсан, одоо залуус клуб-т бүжиглэдэг болсон. Зөв ярихгүй бол Диско гэхэд орчин үеийн залуус ойлгохгүй.

Avatar

Зочин 2021-03-15 103.26.194.19

Бар, диско, караоке бурийн ард нэг хурган дарга байгаа даа, хичнээн яриад нэмэргуй дээ, шалгадаг хянадаг улс нь айгаад ч юи уу, хахууль залгиад ч юм уу таг дуугуй

Avatar

Зочин 2021-03-15 202.21.127.238

Ширээ хоорондын зай нь 500 см буюу 5м бол 1,5-2,0 метрээс илүү хол зай барьж байгаа САЙН БААР байна. Удирдлагыг нь сайшааж, шагнаж, туршлагыг нь бусад бааранд нэвтрүүлэх хэрэгтэй юм байна

Avatar

Зочин 2021-03-15 202.179.27.138

39 хүн бол яах ч үгүй 40 бол шууд ковид тусна гэж байгаа юм даа шинжлэх ухаанаа гэж

Avatar

Зочин 2021-03-15 66.181.166.134

Har malnuud

Avatar

Зочин 2021-03-15 202.21.108.33

Шоудаж буй дарга нарт ч ковид хамаагүй болчихдог байгаа . МАН 100 гэж сүртэй арга хэмжээг харсан л байлгүй

Avatar

Зочин 2021-03-15 192.82.75.208

Томчууд бүгд л 1, 2 диско бартай юм чинь аргагүй шүү дээ, анхнаасаа л нээх хэрэггүй байсан юм

Avatar

Зочин 2021-03-15 103.212.118.125

ИНГЭХ ГЭЭД ЗАЛУУСТАА ЭХЛЭЭД ВАКЦИН ХИЙ ХӨГШЧҮҮЛ ГЭР АЖИЛ ХОЁРТОО Л БАЙХ ЮМ ЧИНЬ ГЭЭД БАЙГАА ЗАЛУУЧУУД ШҮҮ ДЭ. ЭДНИЙ ИХЭНХ НЬ ХӨГШЧҮҮЛЭЭСЭЭ СААСАН МӨНГӨӨР БААРДАЖ УТАГАГҮЙ ЦОВХЧИЖ ХАЛДВАР ТАРААЖ БАЙГАА НЬ ЭМЭГНЭЛТЭЙ БАЙНА ДА…

Avatar

Зочин 2021-03-15 66.181.179.87

NEH BOLOGUI BAIHAD NEJ BAR BAYR ANNA KARINA KORONO

Avatar

Зочин 2021-03-15 192.82.82.150

"Ширээ хоорондын зай нь 500 метр байх аж" ????

Avatar

К 2021-03-15 66.181.188.200

Нээж болохгүй гээд байхад нээхийг удаа дараа зөвшөөрөөд байдаг хотын удирдлагыг яая даа байз?

Avatar

Зочин 2021-03-15 192.82.82.150

Бизнес, эдийн засаг, хүний амь хоёрын аль нь чухал вэ??? Хүний амь 2-рт гэж үзээд хатуу хөл хориог цуцалсан, манай төр засаг!!!

Avatar

zochin 2021-03-15 64.119.25.145

Mongoliin teneg zerleg araatan bolson zaluuchuud mongol ulsaa sunuuj ustgana gedegiin neg jishee ene baina.

Avatar

Зочин 2021-03-15 202.126.88.33

Өвчин ихсэж байгаа болохоор шөнийн хорио эхэллээ, болгоомжлох ёстой юм бна гэж бодохын оронд үхэх гэж бга юм шиг баар луу гүйлдэх. . Амжаад өвчин олоод авъя гэхтэй ялгаагүй. Сонин улсууд их байнаа.

Avatar

Зочин 2021-03-15 202.131.243.186

ширээ хоорондын зай 500 м

Avatar

Зочин 2021-03-15 202.126.88.33

🤔🤔

Avatar

Зочин 2021-03-15 202.126.88.33

500мм? 😂

Avatar

Зочин 2021-03-15 202.179.24.227

Ийм байхад халдвар 100,100 гаараа нэмэгдэлгүй яахав. Хувь хүн хариуцлагатай байж л халдвар тархалт багасна. зочин

Avatar

Zochin 2021-03-15 64.119.24.99

Цар тахал дуустал бар тоглолт кароке шоу цэнгээнийг бүрмөсөн хорь түүнгүйгээр үхэх гээд бна уу эсвэл Уок дашиг сонирхол бна уу

NewsMN Гар утасны хувилбар Татах
NEWS.mn

Мэдээллийн эх сурвалж