Эрүүл мэндийн яамны өнөөдрийн мэдээллээр цус, цусан хангамжийн асуудал эрүүл мэдийн салбарт тулгамдаж буйг онцолсон. Цар тахал, хөл хорионы нөлөөгөөр цусан хангамж багассан тул иргэдийг сайн дураараа цусаа хандивлахыг уриалж байгаа юм. Цус сэлбэлтийн үндэсний төвийн мэдээлснээр өнөөдрийн байдлаар аж ахуйн нэгж, албан байгууллагуудын албан хаагчид цусаа сайн дураар хандивлаж байна.. Тухайлбал, 12 мянга гаруй аврах ажиллагаанд оролцсон "Mongolian pajero club"-н залуус, Хан-Уул дүүргийн Улаанзагалмайн хороо, Жүр үр бэйкери зэрэг албан байгууллагын ажилчид сайн дураараа цусаа хандивлажээ.

Улсын хэмжээнд хүн амын дунд өвчлөл, нас баралтын шалтгааны дотор хорт хавдар, осол гэмтэл эхний байруудыг  эзэлж, төрөлхийн болон олдмол цусны өвчний тохиолдол нэмэгдэх хандлагатай болжээ. Мөн эхийн эндэгдлийн шалтгааны дотор цус алдалт үндсэн шалтгаан байсаар байгаа юм. Нэг удаа цус бэлэглэснээр  3-5 хүний амийг авах боломжтой юм.

Б.ЦЭЦЭГ