Нийслэлийн статистикийн газрын энэ долоо хоногийн ажиглалтаар махны үнэ хэдэн төгрөгөөр өсчээ.

Зах худалдааны төвүүд үхрийн ястай мах кг нь дунджаар 12423 төгрөгийн үнэтэй байна. Энэ нь өмнөх долоо хоногоос 7 төгрөгөөр өсчээ. Харин үхрийн цул махны үнэ 4 төгрөгөөр буурч, “Хүчит шонхор”, “Хархорин”  хүнсний захуудад хамгийн хямд буюу  кг нь 11000 төгрөгийн үнэтэй байгаа юм.

Тэгвэл “Саруул”, “Их наяд” хүнсний захад хамгийн өндөр үнэтэй буюу 14500 төгрөгийн үнэтэй. Мөн хонины мах 50-154 төгрөгөөр нэмэгдэж, ястай мах кг нь дунджаар 10279 төгрөгийн үнэтэй байна. Хонины мах “Баянзүрх” захад хамгийн хямд буюу кг нь  9000, Саруул хүнсний захад хамгийн үнэтэй буюу 13000 төгрөгийн үнэтэй байна. Махны үнэ өссөн ч гурил, ногооны үнэ тогтвортой байгаа юм.

Б.ЦЭЦЭГ