Коби Брайнт 60 оноо авлаа | News.MN

Коби Брайнт 60 оноо авлаа

Хуучирсан мэдээ: 2016.04.14-нд нийтлэгдсэн

Сагсан бөмбөгийн амьд домог, АНУ-ын үндэсний сагсан бөмбөгийн “Лос Анжелес Лэйкэрс” багийн тамирчин Коби Брайнт зодог тайлахаа мэдэгдээд байсан. Тэрбээр өнөөдөр сүүлийн тоглолтдоо оролцлоо.

Лэйкэрс “Стэплэс цэнтр”-тээ “Юта Жазз”-ыг хүлээн аван тоглож, 101:96-гийн  харьцаатай хожлоо. Энэ тоглолтод багийн лидер Коби Брайнт өөрийн гайхалтай тоглолтыг үзүүлж, 60 оноо авсан юм. Энэхүү тоглолт Улаанбаатарын цагаар 11.00 цагт эхэлсэн.

37 настай Коби тоглолт эхлэхийн өмнө  Лос Анжелес Лейкерс, их спорт түүний хувьд амьдралынх нь салшгүй хэсэг байсныг дурссан байна.

Филадельфи хотын унаган иргэн Коби "Би багаасаа л  Лейкерс багийн улаан фэн байсан. Хайртай багтаа тоглоно  гэдэг жаахан хөвгүүний  хувьд том мөрөөдөл байв. Мэргэжлийн сагсан бөмбөгийн багт тоглосноос хойш 20 жил өнгөрчээ. Өнгөрсөн хугацаанд энэ хот ч маш их өөрчлөгдлөө. Энэ бүхэн намайг ч бас их өөрчилсөн байх. Энд би карьераа эхэлсэн. Энэ хотоос өөр хаана би ажлаа дуусгах билээ” гэсэн юм.

Коби Брайнт 1996 оны NBA-гийн драфтын дараа  Чарлотте Хорнетс багт элссэн нь ахлах сургуулиас шууд лигт орсон хэрэг байв. Тэр үед Лос Анжелес Лейкерсын ерөнхийлөгч Жерри Уэст ихэд сонирхож байсан тул түүнийг Влад Дивацаар наймаалцаж авчээ. Коби Лос Анжелес Лейкерст амжилт дагуулж ирсэн гэхэд болно.

  • NBA-ын түүхэн дэх хамгийн олон гоол оруулсан гурван тоглогчийн  нэг
  • NBA-гийн таван удаагийн аварга 2000-2002, 2009-2010
  • Олимпын хоёр удаагийн аварга – 2008,  2012
  • NBA-гийн хоёр удаагийн гоолын аварга 2006, 2007
  • NBA-гийн бүх оддын тоглолтын дөрвөн удаагийн үнэ цэнтэй тоглогч

Коби Брайнтын сүүлчийн тоглолтыг үзэхээр дэлхийн олон одод “Стэплэс центер”-т цугласан. Тухайлбал реппер Жей-Зи, Снүүп Догг, алдарт сагсан бөмбөгч нэгэн цаг үед Лэйкэрс багт хамтран зүтгэж байсан Шакил Онел, түүний дотны анд алдарт хөлбөмбөгт Девид Бекхемийн том хүү, жүжигчин Энтоны Хопкенс, мөн эхнэр хоёр охин нь ирж түүний сүүлийн тоглолтыг үзлээ.

Ч.БОЛОР

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2016-04-14 183.177.98.174

хэн ч 50 шидэхэд 60 оноо авна гайхах зүйлгүй

Avatar

Зочин 2016-04-14 202.72.245.252

Энэ МАНАН Монголын улс төрөөс хэзээ арилах бол. Өөрөө сарнихгүй бол хэзээ нэгэн цагт бүр ч аюултай юманд хүргэж байж арилах зүйл тохиолдох вий гэж үнэхээр сэтгэл зовниж байна. Ард түмэн минь ямар ч хувилбараар сонгууль явсан гэсэн хүний хуучин, дээлийн шинэ нь гэдэг ч юмуу, эсвэл таньдаггүй бурханаас таньдаг чөтгөр дээр гэхчилэн тийм тэнэг зарчмаар л сонголтоо бүү хи йгээрэй дээ. Үр хүүхдийнхээ ирээдүй хойчийг бодож, энэ бузрын олигархуудаас л салцгаая эх орноо аврая Монголын тэнгэр цэлмэг байг улс төр нь цэвэр байг ирээдүй маань тунгалаг байг

Avatar

Зочин 2016-04-14 202.72.245.252

Коби чи шүү чи гайхамшигтай тоглогч домог болсон хүн

Avatar

Зочин 2016-04-14 59.153.113.159

Golden State Warriors 73 ялалт байгуулэ шинэ дээд амжилт тогтоолоо

NewsMN Гар утасны хувилбар Татах
NEWS.mn

Мэдээллийн эх сурвалж