Эмэгтэй гишүүд Хүүхэд хамгаалах хуульд өөрчлөлт оруулах төсөл өргөн барив | News.MN

Эмэгтэй гишүүд Хүүхэд хамгаалах хуульд өөрчлөлт оруулах төсөл өргөн барив

Эмэгтэй гишүүд Хүүхэд хамгаалах хуульд өөрчлөлт оруулах төсөл өргөн барив

Эмэгтэй гишүүд Хүүхэд хамгаалах хуульд өөрчлөлт оруулах төсөл өргөн барив

УИХ-ын гишүүн Д.Сарангэрэл, С.Одонтуяа, М.Оюунчимэг, А.Адъяасүрэн, П.Анужин, Б.Баярсайхан, Х.Булгантуяа, Б.Жаргалмаа, Г.Мөнхцэцэг, Ц.Мөнхцэцэг, Д.Өнөрболор, Б.Саранчимэг, Ч.Ундрам нар Хүүхэд хамгааллын тухай хуульд нэмэлт, өөрчлөлт оруулах тухай, Жендэрийн эрх тэгш байдлын тухай хуульд нэмэлт, өөрчлөлт оруулах тухай хуулийн төслийг Улсын Их Хурлын дарга Г.Занданшатарт өнөөдөр (2021.03.08) өргөн барилаа.

Хүүхэд хамгааллын тухай хуульд нэмэлт, өөрчлөлт оруулах тухай хуулийн төсөлд орон нутгийн түвшинд буюу сум, хороонд хүүхэд хамгааллын үйлчилгээг хүргэх, орон тооны нийгмийн ажилтан ажиллуулах, төрийн бодлого, зохицуулалт, удирдлага, арга зүйгээр хангах чиг үүргийг Хөдөлмөр, нийгмийн хамгааллын яам, түүний харьяа агентлагийн чиг үүрэгт хамруулах, хүүхэд хамгааллын үйлчилгээний төсвийн хуваарилалт, зарцуулалт, жишиг зардлыг тооцох аргачлал, журамд нэмэлт, өөрчлөлт оруулах зэрэг шинэ зохицуулалт тусгажээ.

Хуулийг баталснаар хүүхэд хамгааллын тогтолцоо бэхжих, төрийн байгууллагын бүтэц, чиг үүрэг бүх түвшинд оновчтой тодорхойлогдох, хүүхэд хамгааллын үйлчилгээ төрөлжиж, нэр төрөл нь олширч, чанар, хүртээмж дээшлэхээс гадна мэргэжлийн түвшинд шаардлагатай хүүхэд бүрт хүртээмжтэй хүрэх нөхцөл бүрдэнэ гэж төсөл санаачлагчид үзэж байна.

Жендэрийн эрх тэгш байдлын тухай хуульд нэмэлт, өөрчлөлт оруулах тухай хуулийн төслийн гол зорилго нь ажлын байранд бэлгийн төдийгүй сэтгэл санаа, бие махбодийн дарамт гарахаас урьдчилан сэргийлэх, хүчирхийллийг үл тэвчих орчин нөхцөлийг бүрдүүлэх, ажилтнаас гарсан гомдлыг шийдвэрлэх журмыг хөдөлмөрийн дотоод хэм хэмжээнд тусгах, бие махбодь, сэтгэл зүйн болон аливаа хэлбэрийн бэлгийн дарамтаас ангид байх харилцааг хамт олонд төлөвшүүлэх сургалт, хөтөлбөрийг боловсруулан хэрэгжүүлэхэд чиглэсэн байна.

Судалгаагаар манай улсад таван эмэгтэй тутмын нэг нь ажлын байран дахь бэлгийн дарамтад өртөж байна. Түүнчлэн хөдөлмөрийн харилцаан дахь жендэрийн ялгаварлан гадуурхалт байсаар буй. Хохирогчид нь хүчирхийллийн үйлдлийг хүлээн зөвшөөрөөгүй, хүлээж аваагүйн улмаас ажлаас чөлөөлөгдөж, албан тушаал буурч, үндэслэлгүйгээр сахилгын шийтгэл хүлээж, тэвчишгүй байдалд хүрэх нь тохиолдсоор байгаа аж.

Эдгээрийг таслан зогсоох, урьдчилан сэргийлэх шинэ тогтолцоо бүрдүүлэх зүйл, заалтууд хуулийн төсөлд тусгажээ.

Б.ЖАРГАЛ

Энэ мэдээнд өгөх таны сэтгэгдэл?
3
ХахаХаха
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-03-08 202.21.120.242

Энэ хуульд өөрчлөлт оруулах асуудлыг хурдан хэлэлцэх хэрэгтэй Гэр бүлийн тухай хуулийн шинэчилсэн найруулга бол олон жил явдаггүй ээ гэдэг хууль даа

Avatar

Зочин 2021-03-08 202.126.90.39

Ай Хөөрхий 100 ЖИЛИЙН ДАРАА МОНГОЛ АРДЫН НАМ ӨӨРӨӨ БАРОН УНГЕРН; ГАМИН ЧАНДРУУ БОЛЖДЭЭ….ЮМ ӨӨРЧЛӨГДӨНӨӨ ГЭЖ….

Avatar

Зочин 2021-03-08 64.119.24.90

гэр бүлийн дотоод асуудалд орохоо болиочээ

Avatar

зочин 2021-03-08 202.21.120.242

Энэ хуульд өөрчлөлт оруулах асуудлыг хурдан хэлэлцэх хэрэгтэй Гэр бүлийн тухай хуулийн шинэчилсэн найруулга бол олон жил явдаггүй ээ гэдэг хууль даа

Avatar

Зочин 2021-03-08 103.10.23.171

Юуч хийдэггүй хоолны савуудаа уих ын гишүүд авдаг 250 саяаасаа татгалзчих тэгээд агаар хөрсний бохирдолд зарцуул тэтгэврийн доод хэмжээ хэдийг мэдэхүү дуграач ээжүүдээ

Avatar

Зочин 2021-03-08 88.198.172.76

Чимгээг суллаачээ

Avatar

Зочин 2021-03-08 46.27.145.211

ДОНГОСООД байлгүй Чимгээг суллаачээ

NewsMN Гар утасны хувилбар Татах
NEWS.mn

Мэдээллийн эх сурвалж