ЭМЯ: Covid-19-ийн 108 тохиолдол бүртгэгдэж, нэг хүн нас барлаа | News.MN

ЭМЯ: Covid-19-ийн 108 тохиолдол бүртгэгдэж, нэг хүн нас барлаа

ЭМЯ: Covid-19-ийн 108 тохиолдол бүртгэгдэж, нэг хүн нас барлаа

ЭМЯ: Covid-19-ийн 108 тохиолдол бүртгэгдэж, нэг хүн нас барлаа

Эрүүл мэндийн яамнаас Covid-19-тэй холбоотой цаг үеийн асуудлаар өнөөдөр (2021.03.08) мэдээлэл хийлээ.


ХӨСҮТ-ийн Халдварт өвчин тандалт, судалгааны албаны дарга А.АМБАСЭЛМАА:

-Гуравдугаар сарын 7-нд нийт 13269 хүнд шинжилгээ хийхэд 108 хүнээс халдвар илэрлээ. Мөн сүүлийн 24 цагт нэг иргэн халдварын улмаас нас барлаа.

Нийт тохиолдол 3336 болсноос 2588 нь эдгэрсэн байна. Шинээр илэрсэн халдваруудын гурав нь гаднаас зөөвөрлөгдөн орж ирсэн бол 54 нь УДЭТ-аас илэрлээ. Үлдсэн нь халдвар авсан хүмүүсийн ойрын хавьтлууд байсан. ЭМЯ-наас уран бүтээлчдэд хандан зарласан тоглолтуудаа цуцлах уриалгыг гаргаж байна.

Төв аймагт дөрөв, Завхан аймагт хоёр тохиолдол бүртгэгдээд байгаа бол бусад аймаг одоогоор халдваргүй байна. Нийт 732 хүн эмчилгээнд байгаагаас нэн хүнд хоёр, хүнд гурав, хүндэвтэр 68 хүн байна. Нийслэлд нийт 1905 хүн ойрын хавьтал болсон. Хоёр дахь хавьтал болсон 78 хүнтэй холбоотойгоор 258 хүн хяналтад орж байна. Ингэснээр нийт хавьтал 500 гарч, халдварын тохиолдол, хүндрэл нэмэгдэх эрсдэл бий болж байна.
Халдвар нэмэгдсэн нь сүүлийн үед үүрэг хариуцлагаа сулруулсантай холбоотой. Тухайлбал, PCR шинжилгээ хийлгээд, эрүүл гэж бодон, оршуулгын үйл ажиллагаанд оролцсон, золголт хийсэн, гадуур явснаас болоод өвчлөлд өртөх, бусдад тараах эрсдэл гарч байна. Төв аймагт халдвар авсан хүн шинжилгээний хариу гараагүй байхад явсан. Түүний улмаас 100 гаруй хүнийг тусгаарлан, ойрын хавьтлын 60 орчим хүнээс шинжилгээ авахад гурван хүнээс халдвар илэрсэн.
Кластер өвчлөл бүртгэгдсэнээс хойш өнөөдөр хамгийн олон тохиолдол илэрсэн өдөр боллоо. Өдөрт 50-100 тохиолдол бүртгэгдэж байгаа нь дор бүрнээ хариуцлагатай байхыг анхааруулж байна.

ЭМЯ 11.00 цагийн мэдээлэл

ЭМЯ-аас коронавирусийн нөхцөл байдлын талаар ээлжит мэдээллээ хийж байна

Posted by News.mn on Sunday, March 7, 2021

Энэ мэдээнд өгөх таны сэтгэгдэл?
26
ХарамсалтайХарамсалтай
6
ТэнэглэлТэнэглэл
3
ГайхмаарГайхмаар
2
ХахаХаха
1
БурууБуруу
0
ЗөвЗөв
0
ХөөрхөнХөөрхөн
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж