IJF буюу Олон улсын жүдогийн холбооноос зохион байгуулж буй олимпын эрхийн оноо олгох Ташкентын Гранд Сламын хоёр дахь өдрийн барилдаанууд өчигдөр/2021.03.06/ өндөрлөлөө. Тэмцээний хоёр дахь өдөр Монгол улсаас ОУХМ Б.Ганхайч, ОУХМ Ц.Энхчимэг, ОУХМ Ц.Цогтбаатар, МУГТ Г.Одбаяр, Саид Моллаей, ОУХМ Н.Дагвасүрэн нар өрсөлдөж, эрэгтэйчүүдийн -73кг жинд ОУХМ Ц.Цогтбаатар алт, эмэгтэйчүүдийн -63кг жинд ОУХМ Б.Ганхайч шагналт 5-р байр, эрэгтэйчүүдийн -81кг жинд ОУХМ Н.Дагвасүрэн шагналт 7-р байр эзэллээ.

Тэмцээний хоёр дахь өдрийн дараах байдлаар Монголын баг тамирчид 2 алт, 2 мөнгө, нэг шагналт 5-р байр, хоёр шагналт 7-р байр гэсэн амжилтаар тэмцээнд оролцож буй 71 орноос хоёрдугаар байрт жагсаж байна.

Өнөөдөр тэмцээний сүүлийн буюу гурав дахь өдөр эрэгтэй -90кг, -100кг, +100кг, эмэгтэй -78кг, +78кг жингүүдийн барилдаан явагдаж аваргуудаа тодруулна.

Монгол улсаас дараах тамирчид зодоглоно.

Эрэгтэй

• -90кг ОУХМ Г.Алтанбагана
• -100кг ОУХМ Л.Отгонбаатар
• -100кг ОУХМ Б.Гончигсүрэн
• +100кг ОУХМ Ө.Дүүрэнбаяр

• +78кг ОУХМ Э.Гандиймаа