Монголын сэтгүүлчдийн нэгдсэн эвлэл үндэсний сэтгүүл зүй үүсч хөгжсөний 108 жилийн ойгоор уламжлал ёсоор 80 насны босго давж буй ахмад гурван сэтгүүлчид өчигдөр /2021.03.05/ Хүндэтгэлийн өргөмжлөл гардууллаа.

Монгол Улсын Соёлын гавъяат зүтгэлтэн Б.Монголхүү, Монгол Улсын Соёлын гавъяат зүтгэлтэн Н.Даариймаа, Эрдэнэт хотод суугаа Хөдөлмөрийн гавъяаны улаан тугийн одонт Л.Сүхбаатар гуай нараа өргөмжилсөн байна.

Тэртээ 1913 оны гуравдугаар дугаар сарын 6-ны өдөр “Шинэ толь хэмээх бичиг” сониныг хэвлэн гаргасан нь 108 жилийн тэртээх үйл явдал юм. Энэ бол үндэсний сэтгүүл зүйн тэмдэглэлт өдөр төдийгүй нийт монголчуудын хувьд түүхэн өдөр билээ.

А.СҮРЭН