Үндэсний соёл амралтын хүрээлэнд байрладаг хиймэл нуурыг, тоглоомын хамт нурааж байна гэх мэдээлэл өнөөдөр нийгмийн сүлжээнд тавигдсан. Энэ асуудлыг бид Үндэсний соёл амралтын хүрээлэнгийн үйл ажиллагааны газрын захирал О.Нямбаяраас тодруулахад "Үндэсний соёл амралтын хүрээлэнгийн хашаанд газар шорооны ажил хийгдээгүй. Харин хашаанаас гаднах талбай буюу Сөүл рестораны урд байрлах хуучин пантамыг буулгаж, явган хүний замыг чөлөөлж байна. Тус пантам нь 1980-аад оноос хойш ашиглагдааүй, технологийн хувьд ч ашиглах боломжгүй балгас учраас талбайг чөлөөлж байна. Цаашид чөлөөлсөн талбайд шинэ фонтана буюу усан оргилууур байгуулах төлөвлөгөө байгаа.

Өөрөөр хэлбэл, ямар нэгэн шинэчлэлийн хүрээнд тоглоомуудыг нураасан асуудал байхгүй. Цаашид паркийн тоглоомуудаа шинэчлэн засварлана" гэлээ.

Б.ЦЭЦЭГ